ພິທີເປີດງານເຝິກປະຕິບັດທັມວິປັສສນາກັມມະຖານ ແດ່ນັກຮຽນສົງ ໂຮງຮຽນມັດທະຍົມສົມບູນສົງວັດພູຄວາຍໂພຄາຣາມ
ບ້ານນາສ້າງເຫວີຍ ນະຄອນຫຼວງພະບາງ
ລະຫວ່າງວັນທີ 25/01/2019-02/02/2019
———————————-

ກຳມາທິການສຶກສາສົງແຂວງຫຼວງພະບາງ ຮ່ວມກັບ ກຳມາທິການເຜີຍແຜ່ສີລະທັມແລະປະຕິບັດວິປັດສະນາກຳມະຖານ ແລະວັດພູຄວາຍໂພຄາຣາມ ໄດ້ຈັດງານບຸນປະຕິບັດທັມ ເພື່ອເຝິກອົບຮົມວິປັດສະນາກຳມະຖານໃຫ້ແກ່ນັກຮຽນສົງທົ່ວນະຄອນຫຼວງພະບາງ ຊັ້ນ ມໍ4-ມໍ5-ມໍ6-ມໍ7 ຈຳນວນປະມານ 600ອົງ

ໂດຍໄດ້ຮັບຄວາມເມດຕາຈາກ:
———————–
1.ສາທຸໃຫຍ່ ອ່ອນແກ້ວ ກິຕຕິພັທໂທ (ຄະນະກຳມະການ ສູນກາງ ອພສ., ປະທານ ອພສ.ແຂວງຫຼວງພະບາງ) ເປັນອົງປະທານກ່າວເປີດພິທີ

2.ສາທຸໃຫຍ່ ຈັນທະຣິນ ຈິນນະທັມໂມ (ຄະນະກຳມະການ ສູນກາງ ອພສ., ຮອງປະທານ ອພສ.ແຂວງຫຼວງພະບາງ) ເປັນອົງປະທານເຝິກອົບຮົມວິປັດສະນາກັມມະຖານ

3.ສາທຸໃຫຍ່ ບົວວັນ ປຸນຍະສາໂຣ (ຄະນະກຳມະການ ສູນກາງ ອພສ., ຮອງປະທານ ອພສ.ແຂວງຫຼວງພະບາງ) ເປັນຄະນະ
4.ສາທຸໃຫຍ່ ອຸ່ນເຮືອນ ອາຣຸນໂຍ (ຄະນະ ອພສ.ແຂວງຫຼວງພະບາງ, ຮອງກຳມາທິການເຜີຍແຜ່ສີລະທັມແລະປະຕິບັດກຳມະຖານແຂວງຫຼວງພະບາງ)

ເປັນຄະນະພ້ອມດ້ວຍຄະນະອຳນວຍການໂຮງຮຽນ ມສ.ສົງ ວັດພູຄວາຍໂພຄາຣາມນະຄອນຫຼວງພະບາງ ແລະພຣະເຖຣານຸເຖຣະ ຮ່ວມເດີນທາງເປັນພຣະວິປັດສະນາຈານຊ່ວຍງານໃນຄັ້ງນີ້

ສຳຫຼັບທ່ານທີ່ປະສົງຮ່ວມບຸນອຸປະຖຳໂພຊະນາອາຫານແລະນໍ້າດື່ມ ຕິດຕໍ່ທຳບຸນໄດ້ທີ່: +856-20-5567-3785, 5600-6534, 030-5876-947.

ອອກ​ຈາກ ບ່ອນໃຫ້ຄໍາເຫັນ

ກະລຸນາໃຫ້ຄໍາຄິດເຫັນ
ກະລຸນາໃສ່ຊື່