ທ່ານ ສຈ ດຣ. ນາງ ດວງດາວ ສຸກອາລຸນ ຮອງອຳນວຍການໂຮງໝໍມະໂຫສົດ ໃຫ້ສຳພາດຕໍ່ນັກຂ່າວພວກເຮົາວ່າ:

ປັດຈຸບັນສະພາບອາກາດ ມີການປ່ຽນແປງ ເລີ່ມໜາວເຢັນລົງ, ຈຶ່ງເປັນສາເຫດເຮັດໃຫ້ພະຍາດຕ່າງໆເກີດຂຶ້ນໄດ້ງ່າຍ, ໂດຍສະເພາະ ພະຍາດອັກເສບລະບົບຫາຍໃຈ (ເປັນຫວັດ, ໄອ, ອັກເສບປອດ, ປອດບວມ) , ຊຶ່ງມັກເກີດຂຶ້ນກັບທຸກເພດໄວ ນັບແຕ່ເດັກນ້ອຍ ແລະ ຜູ້ສູງອາຍຸທີ່ມີພະຍາດຊຳເຮື້ອຢູ່ແລ້ວ. ດັ່ງນັ້ນ ສາເຫດຂອງການເກີດພະຍາດອັກເສບລະບົບຫາຍໃຈນັ້ນ ຍ້ອນມີການໃກ້ຊິດກັບຜູ້ທີ່ເປັນຢູ່ແລ້ວ ໂດຍການຕິດເຊື້ອໄດ້ຈາກການໄອ, ຈາມຂອງຜູ້ທີ່ເປັນພະຍາດ ແລະ ເຮັດໃຫ້ຜູ້ທີ່ຢູ່ໃກ້ຄຽງຕິດແປດໄດ້ງ່າຍ.

ດັ່ງນັ້ນ ຜູ້ທີ່ຕິດເຊື້ອແລ້ວ ຄວນໃສ່ຜ້າອັດປາກ, ເວລາໄອ, ຈາມ ຕ້ອງເອົາມືອັດປາກ ແລະ ກົ້ມລົງທຸກຄັ້ງ ພ້ອມເອົາໃຈໃສ່ລ້າງມື ເພື່ອຫລີກເວັ້ນຈາກສິ່ງສົກກະປົກຕ່າງໆ.


ດັ່ງນັ້ນ, ຖ້າມີອາການຄືດັ່ງນີ້ຄວນ ໄປປຶກສາແພດໝໍຢູ່ໂຮງໝໍທັນທີ, ພ້ອມນີ້ ກໍຄວນເອົາໃຈໃສ່ປະຕິບັດຫລັກການອານະໄມ 3 ສະອາດຄື: ກິນສະອາດ, ນຸ່ງຫົ່ມສະອາດ ແລະ ຢູ່ສະອາດ ເພື່ອປ້ອງກັນການເກີດພະຍາດຕ່າງໆຢ່າງຖືກວິທີ. ດັ່ງນັ້ນ ຈຶ່ງຂໍໃຫ້ປະຊາຊົນທຸກຊັ້ນຄົນ ພ້ອມກັນເອົາໃຈໃສ່ປ້ອງກັນພະຍາດດັ່ງກ່າວ.


ຂອບໃຈທີ່ມາ:www.krabork.com

ອອກ​ຈາກ ບ່ອນໃຫ້ຄໍາເຫັນ

ກະລຸນາໃຫ້ຄໍາຄິດເຫັນ
ກະລຸນາໃສ່ຊື່