ພິທີສະຫລຸບປີທ່ອງທ່ຽວລາວ 2018 ຈັດຂື້ນຢ່າງເປັນທາງການໃນຕອນບ່າຍ ວັນທີ 11 ກຸມພາ 2019 ນີ້, ຢູ່ຫໍວັດທະນາທຳແຫ່ງຊາດ ນະຄອນຫລວງວຽງຈັນ ໂດຍມີທ່ານ ສອນໄຊ ສີພັນດອນ, ຮອງນາຍົກລັດຖະມົນຕີ ປະທານຄະນະຊີ້ນໍາລະດັບຊາດໃນການຈັດປີທ່ອງທ່ຽວລາວ 2018, ທ່ານ ບໍ່ແສງຄຳ ວົງດາລາ, ລັດຖະມົນຕີກະຊວງຖະແຫລງຂ່າວ, ວັດທະນາທຳ ແລະທ່ອງທ່ຽວ ພ້ອມດ້ວຍພາກສ່ວນກ່ຽວຂ້ອງອ້ອມຂ້າງກະຊວງ ແລະບັນດາແຂວງເຂົ້່າຮ່ວມ.

ພາບໂດຍ: Lao National Radio

ໃນພິທີຄັ້ງນີ້ທ່ານ ບໍ່ແສງຄຳ ວົງດາລາ, ລັດຖະມົນຕີກະຊວງຖະແຫລງຂ່າວ, ວັດທະນາທຳ ແລະທ່ອງທ່ຽວ ຮອງປະທານ, ຜູ້ປະຈໍາການຄະນະຊີີ້ນໍາລະດັບຊາດໃນການຈັດປີທ່ອງທ່ຽວລາວ 2018 ລາຍງານກ່ຽວກັບການຈັດຕັ້ງປະຕິບັດກິດຈະກໍາສົ່ງເສີມປີທ່ອງທ່ຽວລາວ 2018 ໂດຍທ່ານໄດ້ຊີ້ໃຫ້ເຫັນວ່າ: ຕະຫຼອດປີ 2018 ຜ່ານມາກະຊວງຖະແຫຼງຂ່າວ,ວັດທະນະທໍາ ແລະ ທ່ອງທ່ຽວ ໄດ້ເອົາໃຈ ໃສ່ເປັນເຈົໍ້າການປະສານງານກັບບັນດາຂະແໜງການກ່ຽວຂ້ອງທັງພາກລັດ ແລະ ພາກທຸລະກິດຢູ່ຂັໍ້ນສູນກາງ ແລະ ທ້ອງຖີ່ນຢ່າງຕັ້ງໜ້າ ເພື່ອພ້ອມກັນແກ້ໄຂບັນດາຂໍ້ອັດຕັນທີ່ເປັນອຸປະສັກຕໍ່ວຽກງານພັດທະນາການທ່ອງທ່ຽວ ແລະ

ພາບໂດຍ: Lao National Radio

ພ້ອມກັນກໍານົດບັນດາກິດຈະກໍາທ່ອງທ່ຽວຕ່າງໆໃຫ້ມີຄວາມຫຼາກຫຼາຍ ເພື່ອໂຄສະນາດຶງດູດນັກທ່ອງທ່ຽວໃຫ້ເຂົ້າມາທ່ຽວປະເທດລາວໃຫ້ຫຼາຍຂື້ນ ໂດຍໄດ້ຈັດກິດຈະກໍາສົົ່ງເສີມການທ່ອງທ່ຽວຢ່າງຕັ້ງໜ້າ ແລະ ຄຶກຄື້ນໃນທົົ່ວປະເທດຢູ່ບັນດາແຂວງ ຕະຫຼອດຮອດຂັ້ນເມືອງຕາມສະພາບທ່າແຮງດ້ານການທ່ອງທ່ຽວຂອງຕົນຢ່າງເປັນຂະບວນຟົດຟື້ນ, ສ່ວນລັດຖະບານໄດ້ໃຫ້ຄວາມສໍາຄັນເປັນພິເສດ ໂດຍໄດ້ສະໜອງງົບປະມານ ແລະມີນະໂຍບາຍພິເສດຈໍານວນໜື່ງເຊັ່ນ:

ພາບໂດຍ: Lao National Radio

ຍົກເວັ້ນຄ່າທໍານຽມວິຊາໃຫ້ແກ່ 4 ປະເທດ ໃນໄລຍະປີທ່ອງທ່ຽວລາວ 2018 ຄື: ປະເທດເດນມາກ, ນອກແວ, ແຟງລັງ ແລະ ຊູແອດ. ຜ່ານການຈັດຕັ້ງປະຕິບັດບັນດາກິດຈະກຳເຫລົ່ານັ້ນ ເຮັດໃຫ້ຈໍານວນນັກທ່ອງທ່ຽວເຂົ້າມາຢ້ຽມຢາມລາວ ບັນລຸຫລາຍກວ່າ 4.186.000 ເທື່ອຄົນ ເພີ່ມຂື້ນ 8,2 ສ່ວນຮ້ອຍ ເມື່ອທຽບປີ 2017 ຜ່ານມາ ສາມາດສ້າງລາຍຮັບເຂົ້າປະເທດໄດ້ຫລາຍກວ່າ 755.340.000ໂດລາສະຫະລັດ ເພີ່ມຂື້ນ 17 ສ່ວນຮ້ອຍທຽບໃສ່ປີ2017 ຜ່ານມາ.

ພາບໂດຍ: Lao National Radio

ລັດຖະມົນຕີກະຊວງຖະແຫລງຂ່າວ, ວັດທະນາທຳ ແລະທ່ອງທ່ຽວ ຮອງປະທານ, ຜູ້ປະຈໍາການຄະ ນະຊີີ້ນໍາລະດັບຊາດໃນການຈັດປີທ່ອງທ່ຽວລາວ 2018 ຊີ້ໃຫ້ເຫັນຕື່ມວ່າ: ຄຽງຄູ່ກັບຜົນສຳເລັດທີ່ຍາດມາໄດ້ນັ້ນ ຂະແໜງທ່ອງທ່ຽວລາວຕ້ອງໄດ້ສືບຕໍ່ປັບປຸງແກ້ໄຂຂໍ້ຄົງຄ້າງບາງດ້ານ ເປັນຕົ້ນສະຖານທີ່ທ່ອງທ່ຽວຫຼາຍແຫ່ງຍັງບໍ່ໄດ້ຮັບການພັດທະນາເທົົ່າທີ່ຄວນ, ກິດຈະກໍາການທ່ອງທ່ຽວບໍ່ຫຼາກຫຼາຍ ແລະ ຜະລິດຕະພັນດ້ານການທ່ອງທ່ຽວໃຫມ່ໆຍັງມີຫນ້ອຍ, ພື້ນຖານໂຄງລ່າງ ແລະສີ່ງອໍານວຍຄວາມສະດວກດ້ານຕ່າງໆຍັງບໍ່ທັນສະດວກ ແລະອື່ນໆ.

ພາບໂດຍ: Lao National Radio

ໃນພິທີສະຫລຸບປີທ່ອງທ່ຽວລາວ 2018 ຄັ້ງນີ້ຍັງໄດ້ມອບລາງວັນພັດທະນາການທ່ອງທ່ຽວດີເດັ່ນ ແລະຍືນຍົງຂອງລາວໃຫ້ບັນດາຜູ້ປະກອບການດ້ານການທ່ອງທ່ຽວທີ່ປະກອບສ່ວນຢ່າງຫ້າວຫັນເຂົ້າໃນວຽກງານພັດທະນາການທ່ອງທ່ຽວ ຈຳນວນ 127 ລາງວັນ ໃນນີ້ສະຖານທີ່ທ່ອງທ່ຽວມີ 16 ລາງວັນ, ໂຮງແຮມ 19 ລາງວັນ, ຣີສອດ 6 ລາງວັນ, ເຮືອນພັກ 5 ລາງວັນ, ບໍລິສັດທ່ອງທ່ຽວມີ 18 ລາງວັນ, ພະນັກງານນຳທ່ຽວ 18 ລາງວັນ, ຮ້ານອາຫານ 24 ລາງວັນ, ການທ່ອງທ່ຽວປະຊາຊົນມີສ່ວນຮ່ວມ 5 ລາງວັນ, ເຮືອນພັກແຮມປະຊາຊົນ 5 ລາງວັນ ແລະພາກສ່ວນ, ບຸກຄົນອຸປະຖໍາປີທ່ອງທ່ຽວລາວ 2018 ມີ 11 ລາງວັນ ໂດຍແມ່ນທ່ານ ສອນໄຊ ສີພັນດອນ, ຮອງນາຍົກລັດຖະມົນຕີ ປະທານຄະນະຊີ້ນໍາລະດັບຊາດໃນການຈັດປີທ່ອງທ່ຽວລາວ 2018 ໃຫ້ກຽດມອບລາງວັນໃນຄັ້ງນີ້.

ຂ່າວ:ຈັນທະສອນ ສີຫານາດ – Lao National Radio

ພາບໂດຍ: Lao National Radio

ອອກ​ຈາກ ບ່ອນໃຫ້ຄໍາເຫັນ

ກະລຸນາໃຫ້ຄໍາຄິດເຫັນ
ກະລຸນາໃສ່ຊື່