ຈໍາປາສັກ: ອີງຕາມການລາຍງານຂອງທ່ານ ດຣ ລັດສະໜີ ສີພັນ ຫົວໜ້າຂະແໜງຄວບຄຸມພະຍາດຕິດຕໍ່ພະແນກສາທາລະນະສຸກແຂວງຈຳປາສັກລາຍງານໃນກອງປະຊຸມສະຫຼຸບຖອດຖອນບົດຮຽນວຽກງານຄວບຄຸມພະຍາດຕິດຕໍ່ປະຈຳປີ 2019 ໃຫ້ຮູ້ວ່າ:ນັບແຕ່ປີ 1994 ມາເຖີງປະຈຸບັນທົ່ວແຂວງຈຳປາສັກໄດ້ມີຜູ້ຕິດເຊື້ອ HIV ແລ້ວ 1159 ຄົນ, ມີຜູ້ປ່ວຍເປັນພະຍາດເອດແລ້ວ 605 ຄົນ ໃນນັ້ນມີຜູ້ປ່ວຍເສຍຊີວິດແລ້ວ 307 ຄົນ.

ສຳລັບຜູ້ປ່ວຍຍ້ອນພະຍາດເອດແລ້ວເສຍຊີວິດໃນໄລຍະ 4ປີ ຜ່ານມາແມ່ນມີລັກສະນະເພີ່ມຂື້ນ ເຊັ່ນ:ປີ 2015 ເສຍຊີວິດ 39 ຄົນ,2016 ເສຍຊີວິດ 30 ຄົນ,2017 ເສຍຊີວິດ 31 ຄົນ ແລະ ປີ 2018 ຈຳນວນ 27 ຄົນ.ຖ້າທຽບໃສ່ສະຖິຕິປີ 2014 ແມ່ນເພີ່ມຂື້ນເກືອບເທົ່າຕົວ.


ທ່ານ ດຣ ລັດສະໜີ ສີພັນ ໃຫ້ຮູ້ຕື່ມອີກວ່າ: ຜູ້ຕິດເຊື່ອ HIV ມີອັດຕາສ່ວນຫຼາຍແມ່ນກຸ່ມອາຊີບຊາວນາ ( ຜູ້ເຄື່ອນຍ້າຍແຮງານ ) ແມ່ເຮືອນ,ກຳມະກອນ,ຄ້າຂາຍ,ພະນັກງານ ລັດ,ເອກະຊົນ ແລະ ກຸ່ມຄົນອື່ນໆ ອີກ.

ປະຈຸບັນກຸ່ມສ່ຽງຕິດເຊື້ອ HIV ທີ່ພົ້ນເດັ່ນແມ່ນມີໃນກຸ່ມຄົນຮັກເພດດຽວກັນທີ່ບໍ່ໄດ້ປ້ອງກັນ ແລະ ອື່ນໆ.

ອອກ​ຈາກ ບ່ອນໃຫ້ຄໍາເຫັນ

ກະລຸນາໃຫ້ຄໍາຄິດເຫັນ
ກະລຸນາໃສ່ຊື່