ໄຊຍະບູລີ: ວັນທີ 13 ກຸມພາ 2019 ນີ້ຢູ່ທີ່ຫໍປະຊຸມບ້ານຂອນ ເມືອງເງິນ ແຂວງ ໄຊຍະບູລີ ໄດ້ເປີດກອງປະຊຸມສະມາຊິກພັກ ຄັ້ງທີ 10 ຂອງໜ່ວຍພັກບ້ານຂອນຂື້ນຢ່າງເປັນທາງການ ພາຍໃຕ້ການເປັນປະທານຂອງ ສຫ ດີພອນ ເທບປັນຍາ ເລຂາໜ່ວຍພັກບ້ານຂອນ, ເຂົ້າຮ່ວມເປັນກຽດມີ ສຫ ດວງຕາ ໄຊວຸດ ກຳມະການປະຈຳພັກແຂວງ ປະທານກວດກາພັກແຂວງ ທັງເປັນຫົວໜ້າຊີ້ນຳການລົງກໍ່ສ້າງຮາກຖານການເມືອງ ຢູ່ເມືອງເງິນ, ມີ ສຫ ບຸນມີ ຈັນທິບ ກຳມະການພັກແຂວງ ເລຂາຄະນະບໍລິຫານງານພັກເມືອງ ເຈົ້າເມືອງໆເງິນ, ມີແຂກຖືກເຊີນ,ສະມາຊິກພັກສົມບູນ ແລະ ສໍາຮອງເຂົ້າຮ່ວມ 30 ກວ່າສຫ, ຍິງ 2 ສຫ ໃນນັ້ນເປັນຜູ້ແທນສົມບູນ 26 ສຫ ຍິງ 2 ສຫ.

ກອງປະຊຸມ ໄດ້ພ້ອມກັນຄົ້ນຄວ້າ ແລະ ເປັກເອກະພາບກັນຮັບຮອງເອົາຮ່າງລາຍງານການເມືອງທັງ 2 ພາກ ແລະ ບົດສຳຫຼວດການນຳພາລວມຂອງຄະນະພັກຊຸດເກົ່າ ພ້ອມທັງຕີລາຄາດ້ານດີ, ຂໍ້ຄົງຄ້າງ, ສາເຫດ, ບົດຮຽນ ໃນການຊີ້ນຳ-ນຳພາ ຕະຫຼອດໄລຍະ 5 ປີຜ່ານມາ. ສາມາດຍາດໄດ້ຜົນງານຫຼາຍດ້ານ, ສະແດງອອກການຕີລາຄາຄຸນນະພາບ ແລະ ແບ່ງປະເພດສະມາສະມາຊິກພັກ 26 ສຫ ຍິງ 2 ສຫ ໄດ້ປະເພດແຂງ 24 ສຫ ຍິງ 2 ສຫ ບໍ່ໄດ້ແບ່ງ 2 ສຫ, ການຕີລາຄາຄຸນນະພາບ ແລະ ແບ່ງປະເພດໜ່ວຍພັກ ຕາມເນື້ອໃນ 5 ດ້ານ,ດ້ານການເມືອງ ໄດ້ປະເພດແຂງ, ດ້ານແນວຄິດ ໄດ້ປະເພດແຂງ,ດ້ານການຈັດຕັ້ງປະຕິບັດ ໄດ້ແຂງ, ດ້ານແບບແຜນວິທີນໍາພາ ໄດ້ແຂງ ແລະ ນໍາພາປະຕິບັດໜ້າທີ່ການເມືອງ ໄດ້ປະເພດແຂງ, ໜວ່ຍພັກໄດ້ເປັນໜ່ວຍພັກເຂັ້ມແຂງຮູ້ນໍາພາຮອບດ້ານ. ຈາກນັ້ນກໍ່ໄດ້ເປັນເອກະສັນຮັບຮອງເອົາພາກທິດທາງແຜນການ 5 ປີຕໍ່ໜ້າ ນັບແຕ່ ປີ 2019-2023.

ກອງປະຊຸມໄດ້ໃຊ້ສິດປະຊາທິປະໄຕ ປ່ອນບັດເລືອກຕັ້ງເອົາຄະນະພັກຊຸດໃໝ່ ບົນພື້ນຖານ ຫຼັກການລວມສູນປະຊາທິປະໄຕ ຖືກຕ້ອງ ແລະ ສອດຄອງ ກັບມາດຖານເງື່ອນໄຂ ທີໄດ້ກຳນົດໄວ້ ໃນກົດລະບຽບຂອງພັກ ເຊີ່ງມີຜູ້ສະໝັກ 5 ສຫ, ຍິງ 1 ສຫ ເລືອກເອົາ 3 ສຫ,ໄດ້ ສຫ ດີພອນ ເທບປັນຍາ ເປັນເລຂາໜ່ວຍພັກຊຸດໃໜ່, ສຫ ຄໍາຫວາດ ຄໍາເຄື່ອງ ເປັນຮອງ ເລຂາ ທັງເປັນປະທານກວດກາພັກ, ສຫ ນາງ ແກ້ວເຄືອ ເພັງສະຫວັດ ເປັນຄະນະ ກອງປະຊຸມຄັ້ງປະຖົມມະລຶກ ໄດ້ປ່ອນບັດຄັດເລືອກເອົາຜູ້ແທນສົມບູນໄປຮ່ວມກອງປະຊຸມໃຫຍ່ຄັ້ງທີ 5 ຂອງອົງຄະນະພັກເມືອງ ທີ່ຈະເປີດຂື້ນໃນຕໍ່ໜ້ານີ້. ເຊີ່ງໄດ້ໄດ້ ສຫ ດີພອນ ເທບປັນຍາ, ສຫ ນາງ ແກ້ວເຄືອ ເພັງສະຫວັດ, ແລະ ສຫ ນາງ ຄໍາມີ ປັນຍາຄໍາ ເປັນຜູ້ແທນສໍາຮອງ.

ໂດຍ: ອິນແປງ ແຫວນຄຳ

LEAVE A REPLY

Please enter your comment!
Please enter your name here