ລາຍງານຈາກ ຊ່ອງຂ່າວເມືອງສອງຄອນ ແຂວງສະຫວັນນະເຂດ ລາຍງານວ່າ, ສະຖານະການລ່າສຸດ ສະພາບນ້ຳຖ້ວມຢູ່ເມືອງສອງຄອນ ໃນຕອນເຊົ້າວັນທີ 20 ຕຸລາ 2020 ເວລາ 5:30 ໂມງ, ລະດັບເຊບັງຫຽງ ສູງເຖິງ 17,80 ແມັດ ແລະຍັງຄົງຈະເພີ່ມຢ່າງຕ່ໍເນື່ອງ, ເພາະມວນນ້ຳທາງຕອນເໜືອ ຍັງໄຫລລົງສົມທົບກັບມວນນ້ຳເຊບັງຫຽງ.
![](https://tholakhong.com/wp-content/uploads/2020/10/fb_img_16031514874938770479718969519685.jpg)
ໃນຂະນະນີ້ ຫລາຍພື້ນທີ່ຂອງເມືອງສອງຄອນ ລຽບເຊບັງຫຽງ ພວມໄດ້ຮັບຜົນກະທົບໜັກຂຶ້ນຕ່ໍເນື່ອງ ເຮືອນຊານຂອງປະຊາຊົນ ຫລາຍບ້ານ ຖືກນ້ຳຖ້ວມຂັງ.
ບ້ານທີ່ຖືກຕັດກະແສໄຟຟ້າມີ ບ້ານລະຫານ້ຳ, ທ່າຂາມລຽນ, ຫົວຫາດ, ແກ້ງໂດນ, ສີງທ່າ, ຫ້ວຍຄໍ້, ດອນຂຽວ, ນາກະຫລຶງ, ນາສະໂນ, ຫ້ວຍໄຂ່ ແລະ ບ້ານນາທັງ.
![](https://tholakhong.com/wp-content/uploads/2020/10/fb_img_16031514855914623210835271363306.jpg)
ພາບນ້ຳຖ້ວມເຮືອນຊານຂອງປະຊາຊົນ ເຂດບ້ານເເກ້ງໂດນ ເມືອງສອງຄອນ ແຂວງສະຫວັນນະເຂດ.
![](https://tholakhong.com/wp-content/uploads/2020/10/fb_img_16031514833596970683226818351901.jpg)