ອຸດົມໄຊ: ໃນວັນທີ 22 ຕຸລາ 2020, ເຈົ້າໜ້າທີ່ວິຊາສະເພາະຫ້ອງຕໍາຫຼວດ ປກສ ແຂວງອຸດົມໄຊ ສົມທົບອຳນາດການປົກຄອງບ້ານ ແລະ ພາກສ່ວນກ່ຽວຂ້ອງ ເຂົ້າກວດຄົ້ນເຮືອນເປົ້າ ໝາຍຢາເສບຕິດ ຢູ່ 3 ຈຸດ ເຂດບ້ານດອນໄຊ ແລະ ບ້ານພູຂຽວ ເມືອງໄຊ ແຂວງອຸດົມໄຊ, ເຊິ່ງສາມາດກັກຕົວເປົ້າໝາຍໄດ້ 1 ຄົນ ພ້ອມຢາເສບຕິດໄດ້ຈໍານວນຫຼາຍ ພ້ອມຫົວຕອກຢາບ້າ 87 ຫົວ.
![](https://scontent.fvte3-1.fna.fbcdn.net/v/t1.0-9/123388958_146628433810982_7312525001343159596_o.jpg?_nc_cat=100&ccb=2&_nc_sid=730e14&_nc_ohc=XBauVvqQyKcAX-oRhkb&_nc_ht=scontent.fvte3-1.fna&oh=832428ad86453e38b9a570f31124e40e&oe=5FC6E1A3)
ເຈົ້າໜ້າທີ່ ປກສ ແຂວງອຸດົມໄຊ ເປີດເຜີຍວ່າ: ຜ່ານການກວດກາເຮືອນຂອງເປົ້າໝາຍ ຊື່ທ້າວ ຈີນູລີ ອາຍຸ 29 ປີ ຢູ່ບ້ານດອນໄຊ, ຜ່ານການກວດຄົ້ນເຮືອນເປົ້າໝາຍ ຈຸດທີ1 ຢູ່ເຂດບ້ານດອນໄຊ ພົບຢາບ້າ 34.000 ເມັດ ໜັກ 3,8 ກິໂລກຼາມ, ເຮໂຣອິນ 1 ຫໍ່ນ້ອຍ ໜັກ 153 ກຼາມ, ແປ້ງຝຸ່ນສີຂາວ ແລະ ສີແດງ ໜັກ 2,5 ກິໂລກຼາມ, ເຄື່ອງອັດ ຢາບ້າ 1 ເຄື່ອງ ແລະ ພົບຢາບ້າ 439.000 ເມັດ ໜັກ 49,5 ກິໂລກຼາມ ໃນລົດເກງສີດຳ ໝາຍເລກທະບຽນ ນມ 9000 ກໍາແພງນະຄອນ, ພ້ອມເຮໂຣອິນ 1 ແທ່ງ ໜັກ 387 ກຼາມ ແລະ
![](https://scontent.fvte3-1.fna.fbcdn.net/v/t1.0-9/123190240_146628657144293_127567523833243622_o.jpg?_nc_cat=110&ccb=2&_nc_sid=730e14&_nc_ohc=cgQatnJckxUAX_oEXeD&_nc_ht=scontent.fvte3-1.fna&oh=9650c95a2646e08f36df1cfcc64292a7&oe=5FC659E4)
ກວດຄົ້ນຈຸດທີ 2 ພົບຂອງກາງ ປະເພດແປ້ງຝຸ່ນສີຂາວ1 ຖົງ ໜັກ 3,3 ກິໂລກຼາມ, ສໍາລັບກວດຄົ້ນຈຸດທີ 3. ຢູ່ຈຸດບ້ານພູຂຽວ ເມືອງໄຊ ໄດ້ກວດກາພົບເຫັນເຄື່ອງຂອງກາງປະເພດຢາບ້າ 256 ເມັດ ນ້ຳໜັກ 25,7 ກຼາມ, ແປ້ງຝຸ່ນສີຂາວ ໜັກ 210,7 ກຼາມ.
![](https://scontent.fvte3-1.fna.fbcdn.net/v/t1.0-9/123095916_146628467144312_3875786578143479953_n.jpg?_nc_cat=103&ccb=2&_nc_sid=730e14&_nc_ohc=sgBBRbGDeAAAX9Dp6na&_nc_ht=scontent.fvte3-1.fna&oh=edf4a537a982cf6c20ebcf3de8556fef&oe=5FC5CF5B)
ໃນນີ້ ລວມເຄື່ອງຂອງກາງທີ່ກວດກາພົບ ແລະ ຢຶດໄດ້ທັງໝົດມີຢາບ້າ ຈຳນວນ 473.256 ເມັດໜັກ 53,5 ກິໂລກຼາມ, ເຮໂຣອິນໜັກ 540 ກຼາມ,ແປ້ງຝຸ່ນປະສົມສານເສບຕິດໜັກ 6 ກິໂລກຼາມ, ເຄື່ອງອັດຢາບ້າ 1 ເຄື່ອງ ແລະ ຫົວຕອກຢາບ້າ 87 ຫົວ.
![](https://scontent.fvte3-1.fna.fbcdn.net/v/t1.0-9/123546052_146628637144295_1484109333573670022_n.jpg?_nc_cat=101&ccb=2&_nc_sid=730e14&_nc_ohc=llz6WP6M1s8AX-BTrrB&_nc_ht=scontent.fvte3-1.fna&oh=a86be67734b2b17896ed4e2ff1958a14&oe=5FC58A41)
ປັດຈຸບັນຄະດີຢາເສບຕິດດັ່ງກ່າວ, ເຈົ້າໜ້າທີ່ວິຊາສະ ເພາະ ປກສ ແຂວງອຸດົມໄຊ ກໍາລັງດໍາເນີນການສືບສວນ-ສອບສວນຂະຫຍາຍຜົນຫາຜູ້ຮ່ວມຂະບວນການ ເພື່ອຕິດຕາມກັກຕົວດຳເນີນຄະດີຕາມກົດໝາຍ.
![](https://scontent.fvte3-1.fna.fbcdn.net/v/t1.0-9/123517253_146628490477643_4070517533310873361_n.jpg?_nc_cat=108&ccb=2&_nc_sid=730e14&_nc_ohc=xbMrH0r-NQ8AX_YQIzo&_nc_ht=scontent.fvte3-1.fna&oh=23fe2530ce18eed0e568afc42e210169&oe=5FC6EBD2)
ປກສ ອຸດົມໄຊ