ທ່ານ ນາງ ທັນຍາລັດ ຈະເລີນສຸກ, ຜູ້ອຳນວຍການ ບໍລິສັດ ເດລີເວີຣີ ຮີໂຣ ລາວ ຈຳກັດຜູ້ດຽວ ຫຼື ຟູດແພນດ້າ ໄດ້ເຂົ້າມອບເຄື່ອງຊ່ວຍເຫຼືອອຸປະກອນການແພດ ໃຫ້ກັບສູນປະຕິບັດງານ ຄະນະສະເພາະກິດຄວບຄຸມການແຜ່ລະບາດພະຍາດໂຄວິດ 19 ທີ່ ກະຊວງສາທາລະນະສຸກ ຕາງໜ້າຮັບໂດຍທ່ານ ທ່ານ ດຣ ບຸນແຝງ ພູມມະໄລສິດ, ລັດຖະມົນຕີ ກະຊວງສາທາລະນະສຸກ.
![](https://pakaad.com/wp-content/uploads/2021/05/055d26d8583049526e0d2ce2b9f83478708e10a97230675328167009907.jpeg)
ທ່ານ ນາງ ທັນຍາລັດ ຍັງໄດ້ກ່າວອີກວ່າ ການຊ່ວຍເຫຼືອອຸປະກອນການແພດໃນຄັ້ງນີ້ ແມ່ນເພື່ອເປັນການຊ່ວຍເຫຼືອ ແລະ ອຳນວຍຄວາມສະດວກໃຫ້ກັບຄະນະສະເພາະກິດ, ແພດແໝໍ ແລະ ທະຫານ ຕໍາຫຼວດຜູ້ທີ່ທຸ້ມເທ ແລະ ເຮັດວຽກໜັກຢ່າງຕັ້ງໜ້າໃນການສະກັດກັ້ນການແຜ່ລະບາດຂອງພະຍາດໂຄວິດ 19 ໃນ ສປປ ລາວ, ເຊິ່ງການຊ່ວຍເຫຼືອຄັ້ງນີ້ ລວມມູນຄ່າທັງໝົດ 120,000,000 ກີບ ແລະ ລາຍລະອຽດມີດັ່ງນີ້:
![](https://pakaad.com/wp-content/uploads/2021/05/d861d05d1c2ee83b769056887786b51116b32b797852032429846000937.jpeg)
1. ໜ້າກາກອະນາໄມ ຈຳນວນ 500 ກ່ອງ
2. ເຈວລ້າງມື ຂະໜາດ 500ml ຈຳນວນ 300 ກ່ອງ
3. ເຄື່ອງວັດແທກອຸນຫະພູມ ຈຳນວນ 100 ອັນ
4. ຊຸດ PPE ຈຳນວນ 400 ຊຸດ
![](https://pakaad.com/wp-content/uploads/2021/05/a83f08051e9935ef5b8beebc6682cde96ce7a05f1034775601453736413.jpeg)
ແລະ ນອກຈາກນັ້ນ ເຄື່ອງອຸປະກອນດັ່ງກ່າວແມ່ນທາງ foodpanda ເອງຈະໄດ້ຈັດສົ່ງໄປໃຫ້ກັບຄະນະສະເພາະກິດຂັ້ນແຂວງ ໃນ ແຕ່ລະແຂວງ ໄວໆນີ້.
![](https://pakaad.com/wp-content/uploads/2021/05/dsc060088999667777538419897-scaled.jpg)