ທ່ານ ເຊຣກາ ລາຟ, ລັດຖະມົນຕີກະຊວງການຕ່າງປະເທດ ສະຫະພັນຣັດເຊຍ ໄດ້ຢ້ຽມຢາມເຖິງ ສປປ ລາວ ແລ້ວ

0
1055

ອີງຕາມການລາຍງານ ຂອງໜັງສືພິມເສດຖະກິດການຄ້າ, ທ່ານ ເຊຣເກ ລາຟໂຣຟ ( Sergey LAROV), ລັດຖະມົນຕີກະຊວງການຕ່າງປະເທດ ສະຫະພັນຣັດເຊຍ ໄດ້ເດີນທາງມາເຖິງນະຄອນຫລວງວຽງຈັນໃນຕອນຄໍ່າມື້ວານນີ້ (6 ກໍລະກົດ 2021) ເພື່ອເຄື່ອນໄຫວຢ້ຽມຢາມ ສປປ ລາວ ຢ່າງເປັນທາງການ ໃນວັນທີ 7 ກໍລະກົດນີ້.

ໃນໄລຍະຢູ່ຢ້ຽມຢາມລາວ ທ່ານ ເຊຣເກ ລາຟໂຣຟ ຈະພົບປະກັບ ທ່ານ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດລາວ, ພ້ອມທັງ ຈະເຂົ້າຢ້ຽມຂໍ່ານັບ ທ່ານ ພັນຄໍາ ວິພາວັນ, ນາຍົກລັດຖະມົນຕີ ແລະ ທ່ານ ທອງລຸນ ສີສຸລິດ, ປະທານປະເທດ.

ສໍາລັບ ສປປ ລາວ ແລະ ສະຫະພັນຣັດເຊຍ ສ້າງຕັ້ງສາຍພົວພັນທາງ ການທູດຮ່ວມກັນໃນວັນທີ 7 ຕຸລາ 1960. ໃນປີ 2020 ຜ່ານມາ ລາວ ແລະ ຣັດເຊຍ ໄດ້ພ້ອມກັນສະເຫລີມສະຫລອງ 60 ປີ ແຫ່ງ ການພົວພັນມິດຕະພາບ ແລະ ການຮ່ວມມື ລາວ-ຣັດເຊຍ.

ປັດຈຸບັນ, ການພົວພັນ ລະຫວ່າງ ລາວ-ຣັດເຊຍ ໄດ້ຮັບການຂະຫຍາຍຕົວຢ່າງຕັ້ງໜ້າ, ການປຶກສາຫາລືແລກປ່ຽນທາງດ້ານການເມືອງ, ການພັດທະນາ ແມ່ນມີການຮ່ວມມືກັນຢ່າງຕໍ່ເນື່ອງ.

ໃນປີ 2015 ປະມຸກລັດຂອງສອງປະເທດ ໄດ້ມີການພົບປະກັນ ທີ່ນະຄອນຫຼວງປັກກິ່ງ ແຫ່ງ ສປຈີນ, ເນື່ອງໃນໂອກາດສະເຫຼີມສະຫຼອງ ແລະ ສັນສະເສີນວັນສິ້ນສຸດສົງຄາມໂລກຄັ້ງທີ 2 ຄົບຮອບ 70 ປີ. ນອກຈາກນັ້ນ, ທ່ານ ວາລາດີເມຍ ປູຕິນ ປະທານນາທິບໍດີ ຣັດເຊຍ ໄດ້ພົບປະກັບ ທ່ານ ທອງລຸນ ສີສຸລິດ ເຊີ່ງຕອນນັ້ນ ດໍາລົງຕໍາແໜ່ງເປັນນາຍົກລັດຖະມົນຕີ ແຫ່ງ ສປປ ລາວ ແບບສ່ວນຕົວ ໃນກອງປະຊຸມສຸດຍອດ ຣັດເຊຍ-ອາຊຽນ ທີ່ ໂຊຈີ ແລະ ຢູ່ ສີງກະໂປ ໃນເດືອນພະຈິກ ປີ 2018. ໃນເດືອນກັນຍາ ປີ 2017, ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍຄະນະ ໄດ້ເດີນທາງຢ້ຽມ ຢາມ ຣັດເຊຍ ຢ່າງເປັນທາງການ ເພື່ອສືບຕໍ່ເສີມສ້າງການພົວພັນຮ່ວມມືສອງຝ່າຍ ກໍຄືການຢ້ຽມຢາມທາງລັດຖະສະພາ, ອົງການຊາວໜຸ່ມ ແລະ ອົງການຈັດຕັ້ງສັງຄົມ ລວມທັງສະມາຄົມມິດຕະພາບ.

ໄລຍະຜ່ານມາ ຣັດເຊຍ ໄດ້ໃຫ້ການຊ່ວຍເຫລືອລາວຫລາຍດ້ານ ໂດຍສະເພາະໃນໄລຍະທີ່ລາວປະສົບໄພພິບັດທາງທໍາມະຊາດໃນ ປີ 2018, ຣັດ ເຊຍ ໄດ້ຈັດສົ່ງ-ມອບເຄື່ອງຊ່ວຍເຫຼືອດ້ານມະນຸດສະທຳ ໃຫ້ແກ່ປະຊາຊົນລາວ ທີ່ໄດ້ຮັບຜົນກະທົບຈາກໄພນໍ້າຖ້ວມຂະໜາດໃຫຍ່ ຢູ່ແຂວງອັດຕະປື. ນອກຈາກນີ້ ໃນເດືອນພຶດສະພາ ປີ 2020 ຜ່ານມາ, ໄດ້ມອບອຸປະກອນລະບົບການກວດພະຍາດ ໂຄວິດ-19 ຊຶ່ງຜະລິດໂດຍຣັດເຊຍ ຈຳນວນ 1.000 ເຄື່ອງ. ຕໍ່ມາໄດ້ຊ່ວຍ ເຫລືອວັກຊີນປ້ອງກັນພະຍາດໂຄວິດ-19 (Sputnik V) ຈໍານວນ 1.000 ໂດສ ໃຫ້ ສປປ ລາວ ໃນຕົ້ນປີ 2021 ນີ້. ນອກຈາກນີ້ ຍັງມີການຊ່ວຍເຫລືອດ້ານອື່ນໆ ຕື່ມອີກ.

LEAVE A REPLY

Please enter your comment!
Please enter your name here