ຈັດການແທ້! ທຳລາຍອາວຸດລ່າເນື້ອຫຼາຍລາຍການ

0
922

ມີເດຍລາວ ແຂວງຫຼວງພະບາງ ພາບ-ຂ່າວ ສົມເພັດ ໄຊມີກອນ ວັນທີ 13 ກໍລະກົດ 2021 ນີ້ ກອງບັນຊາການ ປກສ ເມືອງໂພນທອງ ແຂວງຫຼວງພະບາງ ໄດ້ຈັດພິທີທຳລາຍອາວຸດລ່າເນື້ອ ແລະເຄື່ອງມືຜິດລະບຽບກົດໝາຍ, ມີ ທ່ານ ສົມວອນ ແກ້ວຄຳພອນ ຮອງເລຂາພັກເມືອງ, ພ້ອມດ້ວຍຫົວໜ້າ ຮອງຫົວໜ້າຫ້ອງການ, ຂະແໜງການທີ່ກ່ຽວຂ້ອງ ຕະຫຼອດຮອດການຈັດຕັ້ງບ້ານ ອ້ອມຂ້າງເທດສະບ້ານເມືອງເຂົ້າຮ່ວມ.

ໃນພິທີທ່ານ ພັນໂທ ຄຳກາ ສັນທະວົງ ຫົວໜ້າກອງບັນຊາ ປກສ ເມືອງໂພນທອງໄດ້ຜ່ານບົດສະຫຼຸບໂດຍຫຍໍ້ວ່າ: ເພື່ອສະກັດກັ້ນບໍ່ໃຫ້ພວກກຸ່ມຄົນບໍ່ດີ ສວຍໃຊ້ອາວຸດ ແລະວັດຖຸອຸປະກອນ ເຂົ້າໃນການເຄື່ອນໄຫວ ກໍ່ຄວາມບໍ່ສະຫງົບ ທັງເປັນການສະກັດກັ້ນ ບັນດາບັນດາປະກົດການຫຍໍ້ທໍ້ ທີ່ຈະເກີດຂື້ນໃນສັງຄົມ ເຊີ່ງໄລຍະຜ່ານມາ ມັກເກີດການຫຼົງຍິ່ງກັນ, ປື້ນລັ່ນໃຊ້ກັນ, ຫ້າງທາດແຕ່ກ, ທາດລະເມີດ ຫຼື ວັດຖຸອຸປະກອນອື່ນໆ ເພື່ອເຂົ້າທຳລາຍສັດນໍ້າ-ສັດປ່າແບບດັບສູນ ແລະບັນຫາອື່ນ ທີ່ເກີດຂື້ນລາຍເຫດການ, ເຊີ່ງຄະນະບັນຊາ ກອງບັນຊາການ ປກສ ເມືອງໂພນທອງ ໄດ້ສົມທົບກັບພາກສ່ວນທີກ່ຽວຂ້ອງຂອງເມືອງ ລົງກວດກາເລີກຮື້ ແລະປຸກລະດົມ ການມອບອາວຸດລາເນື້ອປະເພດປື້ນແກັບ ຈາກປະຊາຊົນຈຳນວນ 119 ກະບອກ ແລະຈາກພະນັກງານພາຍໃນເມືອງນໃນ 8 ກະບອກ ໃຫ້ກັບເຈົ້າໜ້າທີ່, ນອກນັ້ນ ແມ່ນໄດ້ມາຈາກການນໍາໃຊ້ ເຂົ້າໃນການກະທິຜິດ, ເປັນຕົ້ນ ຫຼົງຍິງກັນ, ປື້ລັ່ນໃສ່ກັນຈຳນວນ 19 ກະບອກ ລວມທັງໝົດ 146 ກະກອກ, ພ້ອມນີ້ ສາມາດຍຶດໝໍ້ຊອ໋ດປາໄດ້ 2 ໜ່ວຍ, ຈັກສະຕິນ ຫຼື ຈັກຕັດໄມ້ 7 ເຄື່ອງ ທີ່ປະຊາຊົນນຳໃຊ້ແບບບໍ່ຖຶກຕ້ອງ ຕາມລະບຽບກົດໝາຍຂອງບ້ານເມືອງ.

ຕອນທ້າຍພິທີ ທ່ານຮອງເລຂາພັກເມືອງ ໄດ້ມີຄຳເຫັນໂອລົມ ພ້ອມທັງຮ່ວມທຳລາຍອາວຸດລ່າເນື້ອ ແລະເຄື່ອງມືຜິດລະບຽບກົດໝາຍ ທີ່ຍືດມາໄດ້ ຢ່າງເປັນທາງການ.

LEAVE A REPLY

Please enter your comment!
Please enter your name here