ເຄິ່ງປີ 2021 ເມືອງໂຂງ ມີມູນຄ່າການລົງທຶນ 361 ຕື້ກວ່າກີບ

0
1305

6 ເດືອນຕົ້ນປີ 2021 ເມືອງໂຂງ ມີມູນຄ່າການລົງທຶນ 361 ຕື້ກວ່າກີບ

ຕາມການລາຍໃນຂອງ ຂປລ ໃຫ້ຮູ້ວ່າ: ທ່ານ ຈັນທະນົງສິນ ຈັນທະພິມ ກຳມະການພັກເມືອງ ຫົວໜ້າຫ້ອງການແຜນການ ແລະ ການລົງທຶນເມືອງໂຂງ ໃນກອງປະຊຸມຄົບຄະນະບໍລິຫານງານພັກເມືອງ ຄັ້ງທີ 6 ສະໄໝທີ VIII ເມື່ອບໍ່ດົນນີ້ວ່າ: ໃນ 6 ເດືອນຕົ້ນປີ 2021 ເມືອງໂຂງ ມີການລົງທຶນທັງໝົດ 29 ໂຄງການ, ລວມມູນຄ່າການລົງທຶນທັງໝົດ 361 ຕື້ກວ່າກີບ. ໃນນັ້ນ, ໂຄງການລົງທຶນຂອງລັດ 20 ໂຄງການ, ໂຄງການຊ່ວຍເຫລືອ ເພື່ອການພັດທະນາ 4 ໂຄງການ, ໂຄງການທຶນປະກອບສ່ວນຂອງສັງຄົມ 4 ໂຄງການ ແລະ ໂຄງການລົງທຶນຂອງເອກະຊົນມີ 1 ໂຄງການ.

ສ່ວນການຈັດເກັບລາຍຮັບເຂົ້າງົບປະມານໃນ 6 ເດືອນຕົ້ນປີ ປະຕິບັດໄດ້ເກືອບ 4 ຕື້ກີບ, ທຽບໃສ່ແຜນປີເທົ່າກັບ 51,3% ແລະ ດ້ານລາຍຈ່າຍປະຕິບັດໄດ້ 6,8 ຕື້ກີບ, ທຽບໃສ່ແຜນປີເທົ່າກັບ 46%.

ທ່ານຫົວໜ້າຫ້ອງການແຜນການ ແລະ ການລົງທຶນເມືອງຍັງໃຫ້ຮູ້ອີກວ່າ: ບັນດາໂຄງການລົງທຶນຂະໜາດໃຫຍ່ຢູ່ພາຍໃນເມືອງ ດຳເນີນບໍ່ໄດ້ຕາມແຜນທີ່ວາງໄວ້, ບັນດາຫົວໜ່ວຍທຸລະກິດດ້ານບໍລິການ ໄດ້ຢຸດຕິການເຄື່ອນໄຫວຊົ່ວຄົວ ເນື່ອງຈາກໄດ້ຮັບຜົນກະທົບຈາກ ການລະບາດຂອງເຊື້ອພະຍາດ ໂຄວິດ-19 ໄດ້ເຮັດໃຫ້ບັນດາຕົວເລກທີ່ໄດ້ກຳນົດໄວ້ ມີບາງດ້ານບໍ່ບັນລຸຕາມຄາດໝາຍ ຄາດຄະເນໝົດປີ 2021 ຈະເກັບລາຍຮັບເຂົ້າງົບປະມານໄດ້ 90% ຂອງແຜນປີ, ຈະສູນເສຍລາຍຮັບຈາກການປະຕິບັດນະໂຍບາຍຍົກເວັ້ນອາກອນລາຍໄດ້ເງິນເດືອນ ແລະ ອາກອນຈຸນລະວິສາຫະກິດ ຈຳນວນ 600 ລ້ານກວ່າກີບ.

LEAVE A REPLY

Please enter your comment!
Please enter your name here