ຕາມການລາຍງານ ຂອງສູນຂ່າວສານການແພດສຸຂະສຶກສາໃຫ້ຮູ້ວ່າ: ກອງປະຊຸມສຸຂະພາບໜຶ່ງດຽວ ຄັ້ງທີ 10 ສຸຂະພາບໜຶ່ງດຽວແມ່ນນອນຢູ່ໃນແຜນງານທີ 2 ຂອງກະຊວງສາທາລະນະສຸກ, ເປັນພະຍາດທີ່ເຝົ້າລະວັງ ໂດຍສະເພາະພະຍາດຈາກສັດສູ່ຄົນເປັນຕົ້ນແມ່ນ ພະຍາດວໍ້, ໄຂ້ຫວັດສັດປີກ, ພະຍາດລໍຊໍ (ພົບໃນຊີ້ນສັດ), ໄຂ້ຍ່ຽວໜູ, ພະຍາດປາກເປື່ອຍລົງເລບ (ພົບໃນງົວ, ຄວາຍ) ຊຶ່ງໄດ້ຈັດບູລິມະສິດກິດຈະກໍາ ເຂົ້າໃນການເຝົ້າລະວັງໃນ 5 ພະຍາດນີ້ ແລະ ມີຄາດໝາຍຕົວຊີ້ວັດໃນປີ 2030 ແມ່ນພະຍາດວໍ້ ຮ່ວມກັບຂະແໜງການກະສິກຳ, ຂະແໜງການສິ່ງແວດລ້ອມ ແລະ ຂະແໜງການອື່ນໆ.
![](https://tholakhong.com/wp-content/uploads/2021/11/ດອດອ.jpeg)
ປະທານກອງປະຊຸມໂດຍທ່ານ ດຣ. ສະໜອງ ທອງຊະນະ ຮອງລັດຖະມົນຕີກະຊວງສາທາລະນະສຸກ ແລະ ທ່ານ ກິແກ້ວ ສິງນາມວົງ ຮອງລັດຖະມົນຕີ ກະຊວງກະສິກໍາ ແລະ ປ່າໄມ້ ພ້ອມດ້ວຍຜູ້ເຂົ້າຮ່ວມຈາກກະຊວງສາທາລະນະສຸກ, ກະຊວງກະສິກໍາ ແລະ ປ່າໄມ້, ກະຊວງສຶກສາທິການ ແລະ ກິລາ ພ້ອມດ້ວຍອົງການສາກົນທີ່ກ່ຽວຂ້ອງ ນະຄອນຫຼວງວຽງຈັນ, 25 ພະຈິກ 2021.
![](https://tholakhong.com/wp-content/uploads/2021/11/ຫອແ.jpeg)