ຂ່າວດີເດືອນສຸດທ້າຍຂອງປີ 2021 ໜຶ່ງໃນຜົນງານປະກອບສ່ວນໃຫ້ແກ່ມະຫາວິທະຍາໄລແຫ່ງຊາດ ຄົບຮອບ 25ປີ
ທີມງານນັກພືດສາດ ມຊ (ຄວທ, ຄປມ, ຄສວ) ຮ່ວມກັບ ຊ່ຽວຊານຍີ່ປຸ່ນ Prof. Dr. Shuichiro Tagane (Kagoshima University); ແລະ ທ່ານ Wittaya Pongamornkul (Queen Sirikit Botanic Garden)ໄດ້ຄົ້ນພົບ ພືດຊະນິດໃໝ່ຂອງໂລກ ຈຳນວນ 6 ຊະນິດ ແລະ ພືດລາຍງານໃໝ່ສຳຫຼັບ ສປປ ລາວ ຈຳນວນ 8 ຊະນິດ ເປັນຊະນິດນອນໃນຕະກຸນຊາລືສີ (Gesneriaceae).
ການສຶກສາ ເລີ່ມຕັ້ງແຕ່ປີ 2012-2020 ໂດຍເກັບຕົວຢ່າງຈາກຫຼາຍແຂວງໃນລາວ: ຫຼວງພະບາງ, ໄຊສົມບູນ, ວຽງຈັນ, ນະຄອນຫຼວງວຽງຈັນ, ບໍລິຄຳໄຊ, ຄຳມ່ວນ ແລະ ຈຳປາສັກ. ຜົນການສຶກສາແມ່ນຖືກຕີພິມໃນວາລະສານ The Gardens’ Bulletin Singapore Vol. 73 (2), ISSN 2382-5812 (Online), ISSN 0374-7859 (Print) (ເປັນການລວມເອົາ 4 ຫົວຂໍ້ມາຂຽນຮ່ວມກັນເປັນຫົວຂໍ້ໃຫຍ່)
ຂອບໃຈຂໍ້ມູນ: ພົງໄພບູນ ພອນປະເສີດ
