ຄະນະປະທານບໍລິຫານງານສະຫະພັນແມ່ຍິງເມືອງຍົມມະລາດລົງຊ່ວຍເຫຼືອຄອບຄົວທີ່ທຸກຍາກ

ຕາມການລາຍງານຂອງ Khammouane News :ໃນອາທິດທີ່ຜ່ານມານີ້ທ່ານ ນາງ ອຸບົນລັດ ບົວຈູມ ປະທານຄະນະບໍລິຫານງານສະຫະພັນແມ່ຍິງເມືອງ ຍົມມະລາດ ແຂວງຄຳມ່ວນ ພ້ອມດ້ວຍຄະນະໄດ້ລົງຢ້ຽມຢາມ ແລະ ມອບເຄື່ອງຊ່ອຍເຫຼືອໃຫ້ແກ່ຄອບຄົວນາງ ລຽນ ອາຍຸ 40 ປີ ເຊິ່ງຄອບຄົວຂອງຜູ້ກ່ຽວເປັນຄອບຄົວທຸກຍາກ ພ້ອມນັ້ນຜູ້ກ່ຽວແມ່ນມີອາການບໍ່ປົກກະຕິທາງດ້ານເສັ້ນປະສາດ ບໍ່ສາມາດຊ່ວຍເຫຼືອຕົນເອງໄດ້ , ປັດຈຸບັນຢູ່ບ້ານ ນາເທິດ ເມືອງ ຍົມມະລາດ ແຂວງຄຳມ່ວນ . ນາງ ລຽນ ມີລູກທັງໝົດ 5 ຄົນ, ຍິງ 1 ຄົນເຊິ່ງອາການຜູ້ກ່ຽວແມ່ນເປັນຕອນເກີດລູກຜູ້ທຳອິດກໍ່ເລິ່ມມີອາການຊັກກະຕຸກແຕ່ບໍ່ຮຸນແຮງ ແລະ ພໍເກີດລູກຜູ້ທີ 2,3,4,5 ອາການກໍ່ຮຸນແຮງຂຶ້ນຕາມລຳດັບຈົນມາຮອດປັດຈຸບັນຍ້ອນບໍ່ໄດ້ຮັບການສັກຢາປົວພະຍາດທາງເສັ້ນປະສາດຕໍ່ເນື່ອງ ເພາະຂາດເຂີນທາງດ້ານເສດຖະກິດຂອງຄອບຄົວ, ອາການຂອງລາວແມ່ນຕົນໂຕເໜັງຕີງ ( ຊັກກະຕຸກ ) ຢູ່ຕະຫຼອດ.

ຕໍ່ກັບບັນຫາດັ່ງກ່າວ ທາງຄະນະປະທານສະຫະພັນແມ່ຍິງເມືອງແມ່ນໄດ້ສົມທົບກັບອຳນາດການປົກຄອງບ້ານ ແມ່ນລົງຢ້ຽມຢາມ ແລະ ນຳເອົາເຂົ້າສານ, ອາຫານແຫ້ງ ແລະ ເສື້ອຜ້າຈຳນວນໜຶ່ງມອບໃຫ້ລວມມູນຄ່າ 375.000 ກີບ ເພື່ອນຳໃຊ້ເຂົ້າໃນຊີວິດປະຈຳວັນ.

LEAVE A REPLY

Please enter your comment!
Please enter your name here