ການນໍາຄໍາມ່ວນ ຮ່ວມຈາລຶກຄຸນງາມຄວາມດີ ຂອງນັກຮົບປະຕິວັດ ບັ້ນຮົບປ້ອງກັນຕົວເມືອງທ່າແຂກ

0
1190

ຕາມຫານລາຍງານຂອງ ແຫລ່ງຂ່າວຈາກ ແຂວງຄຳມ່ວນ ໃຫ້ຮູ້ວ່າ: ວັນທີ 20 ມີນາ 2022 ຄະນະການນໍາແຂວງຄໍາມ່ວນ ນໍາໂດຍ ສະຫາຍ ວັນໄຊ ພອງສະຫວັນ ກໍາມະການສູນກາງພັກ, ເລຂາຄະນະບໍລິຫານງານພັກແຂວງ, ເຈົ້າແຂວງຄໍາມ່ວນ ໄດ້ພ້ອມກັນເຂົ້າຮ່ວມຈາລຶກຄຸນງາມຄວາມດີຂອງທ່ານຜູ້ນໍາ ແລະ ນັກຮົບປະຕິວັດທີ່ໄດ້ເສຍສະຫລະຊີວິດໃນພາລະກິດປົດປ່ອຍປະເທດຊາດ ໂດຍສະເພາະ ເປັນການລະນຶກເຖິງຜົນງານ ແລະ ຄຸນງາມຄວາມດີຂອງນັກຮົບປະຕິວັດຜູ້ເສຍສະຫຼະລະຊີວິດໃນບັ້ນຮົບປ້ອງກັນຕົວເມືອງທ່າແຂກ 21 ມີນາ 1946 ເຊິ່ງປີນີ້ ຄົບຮອບ 76 ປີ ໂດຍໄດ້ເຂົ້າວາງດອກໄມ້ ຢູ່ 4 ຈຸດຄື: ອານຸສາວະລີນັກຮົບນິລະນາມ, ອານຸສາວະລີ ປະທານ ໄກສອນ ພົມວິ ຫານ, ອານຸສອນສະຖານປະທານ ສຸພານຸວົງ ແລະ ຫໍໄຫວ້ຈາລຶກເຫດການປະຫວັດ ສາດບັ້ນຮົບປ້ອງກັນຕົວເມືອງທ່າແຂກ 21 ມີນາ 1946.

ວັນທີ 21 ມີນາ 1946 ທີ່ເມືອງທ່າແຂກ ແຂວງຄໍາມ່ວນ, ສະເດັດເຈົ້າ ສຸພານຸວົງ ຜູ້ບັນຊາການສູງສຸດຂອງກໍາລັງປະກອບອາວຸດຂອງລັດຖະບານລາວ ເອກະລາດໄດ້ບັນຊາກອງທະຫານຮ່ວມສໍາພັນລາວ-ຫວຽດນາມ ແລະ ປະຊາຊົນໂດຍກົງສູ້ຮົບຢ່າງພິລະອາດຫານເພື່ອປ້ອງກັນເມືອງທ່າແຂກ ທ່າມກາງການບຸກໂຈມຕີຢ່າງປ່າເຖື່ອນຂອງທະຫານພວກລ່າເມືອງ.

ມູນເຊື້ອ 21 ມີນາ 1946 ວັນນັກຮົບເສຍອົງຄະ ແລະ ເສຍສະຫລະຊີວິດເພື່ອປະເທດຊາດ ໂດຍສະເພາະ ແມ່ນການກະກຽມການຕໍ່ສູ້ຕ້ານພວກລ່າເມືອງຂຶ້ນຂອງໜ່ວຍພັກເມືອງທ່າແຂກ, ເຫດການ ແລະ ການຕໍ່ສູ້ຢ່າງພິລະອາດຫານຂອງທະຫານ ແລະ ປະຊາຊົນຢູ່ເມືອງທ່າແຂກ ແລະ ຄວາມໝາຍຄວາມສຳຄັນຂອງບັ້ນຮົບປ້ອງກັນຕົວເມືອງທ່າແຂກ. ເຊິ່ງບັ້ນຮົບດັ່ງກ່າວແມ່ນໜຶ່ງໃນບັ້ນຮົບການຕໍ່ສູ້ທີ່ມີຄວາມສໍາຄັນໃນລາວ, ມັນບໍ່ແມ່ນພຽງແຕ່ເປັນວັນຄຽດແຄ້ນຂອງປະຊາຊົນລາວຕໍ່ພວກລ່າເມືອງຂຶ້ນຜູ້ຮຸກຮານເທົ່ານັ້ນ, ມັນຍັງເປັນວັນສາມັກຄີຕໍ່ສູ້ດ້ວຍເລືອດເນື້ອເປັນຕາຍນຳກັນລະຫວ່າງ 2 ຊາດ ລາວ-ຫວຽດນາມ ອ້າຍນ້ອງ ທີ່ເປັນແວ່ນແຍ່ງອັນເຫລື້ອມໃສຂອງນໍ້າໃຈສູ້ຮົບພິລະອາດຫານ ບໍ່ຍອມຈຳນົນຂອງກອງທັບ ແລະ ປະຊາຊົນເມືອງທ່າແຂກ ແຂວງຄຳມ່ວນ ກໍຄື ການບັນຊາເດັດດ່ຽວໜຽວແໜ້ນຂອງ ຄະນະກອງບັນຊາການກຳລັງປະກອບອາວຸດພວກເຮົາໂດຍແມ່ນປະທານ ສຸພານຸວົງ ເປັນຜູ້ນຳໜ້າ, ມັນໄດ້ຝັງເລິກໃນດວງໃຈຂອງປະຊາຊົນລາວ ແລະ ຫວຽດນາມຕ່າງດ້າວຈົນຊົ່ວກາລະນານ.

ແຫຼ່ງຂ່າວ: ຂປລ

LEAVE A REPLY

Please enter your comment!
Please enter your name here