ວິວສະມິດ(Will Smith)ດາຣາຮໍລິວູດເຈົ້າຂອງລາງວັນອອສ໌ກ້າ ປະຈຳປີ 2022 (ວັນທີ 28 ມີນາ 2022) ໃນຖານະນັກສະແດງນໍາຊາຍດີເດັ່ນແຫ່ງປີໄດ້ກ່າວຄໍາຂໍໂທດຢ່າງເປັນທາງການຕໍ່ຄຣີສຣອກຄ໌ (Chris Rock).

ວິວສະມິດ ໄດ້ໂພສ໌ຂໍ້ຄວາມຜ່ານທາງອິນສຕາແກຣມ (ວັນທີ 29 ມີນາ 2022) ວ່າ “​ຄວາມ​ຮຸນ​ແຮງ​ທຸກ​ຮູບ​ແບບ​ແມ່ນ​ອັນ​ຕະ​ລາຍ ແລະ​ ເປັນ​ການ​ທຳລາຍພຶດທິກໍາຂອງຂ້ອຍຢູ່ເທິງເວທີອອສ໌ກ້າໃນຄືນທີ່ຜ່ານມາ ເຊິ່ງເປັນສິ່ງທີ່ບໍ່ສາມາດຍອມຮັບໄດ້ ແລະ ບໍ່ມີຂໍ້ແກ້ຕົວ. ການຫຼີ້ນມຸກຕະຫລົກທີ່ເຮັດໃຫ້ຂ້ອຍອັບອາຍແມ່ນສ່ວນຫນຶ່ງຂອງວຽກ ແຕ່ການຫຼີ້ນມຸກຕະຫລົກກ່ຽວກັບສຸຂະພາບທາງດ້ານຮ່າງກາຍຂອງພັນລະຍາຂອງຂ້ອຍ (ຈາດາ) ມັນເປັນເລື່ອງໃຫຍ່ເກີນໄປສໍາລັບຂ້ອຍທີ່ຈະຍອມຮັບ ແລະ ຂ້ອຍກໍ່ຕອບໂຕ້ເລື່ອງນີ້ດ້ວຍອາລົມ.”

“ຂ້ອຍຂໍກ່າວຂໍໂທດ ຄຣີສຣອກຄ໌ ຕໍ່ໜ້າສາທາລະນະຊົນ. ຂ້ອຍຂ້າມເສັ້ນ ແລະ ຂ້ອຍເຮັດຜິດພາດ. ຂ້ອຍມີຄວາມລະອາຍເພາະການກະທຳຂອງຂ້ອຍບໍ່ໄດ້ສະທ້ອນເຖິງຄວາມເປັນຜູ້ຊາຍທີ່ຂ້ອຍຢາກເປັນ. ໃນໂລກແຫ່ງຄວາມຮັກ ແລະ ຄວາມເມດຕານີ້ ບໍ່ມີພື້ນທີ່ສຳລັບຄວາມຮຸນແຮງ.”

“ຂ້ອຍຂໍໂທດ​ຕໍ່​ຜູ້​ຈັດ​ງານປະກາດຜົນ​ລາງ​ວັນອອສ໌ກ້າ, ຜູ້ທີ່ຢູ່ໃນງານທຸກຄົນ ແລະ ທຸກຄົນທົ່ວໂລກທີ່ເຂົ້າຮ່ວມຊົມພິທີປະກາດລາງວັນ. ຂ້ອຍຂໍກ່າວຂໍໂທດຄອບຄົວວິວລ້ຽມ ແລະ ຄອບຄົວຄິງຣີຊາດຂອງຂ້ອຍ. ຂ້ອຍເສຍໃຈທີ່ພຶດທິກໍາຂອງຂ້ອຍເຮັດໃຫ້ການເດີນທາງອັນມີກຽດຂອງພວກເຮົາທຸກຄົນຕ້ອງສະດຸດ.”

LEAVE A REPLY

Please enter your comment!
Please enter your name here