ຕາມການລາຍງານຂອງ ໜັງສືພິມວຽງຈັນທາຍ ໃຫ້ຮູ້ວ່: ທ່ານ ນາງ ສວນສະຫວັນ ວິຍະເກດ ລັດຖະມົນຕີກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ (ຖວທ) ໄດ້ລົງຕິດຕາມໂຄງການກໍ່ສ້າງເຮືອນຖາວອນຈໍານວນ 403 ຫຼັງຢູ່ບ້ານດົງບາກໃໝ່ຫີນຄໍາ ເມືອງສະຫນາມໄຊ ແຂວງອັດຕະປື ເມື່ອມໍ່ໆມານີ້ ເຊິ່ງເຮືອນຈໍານວນດັ່ງກ່າວແມ່ນສ້າງໃຫ້ປະຊາຊົນທີ່ໄດ້ຮັບຜົນກະທົບຈາກເຂື່ອນໄຟຟ້າເຊປຽນ-ເຊນ້ໍານ້ອຍແຕກ ທີ່ເມືອງສະໜາມໄຊ ແຂວງອັດຕະປື ເມື່ອປີ 2018 ທີ່ຜ່ານມາ ເຊິ່ງມາຮອດປັດຈຸບັນສໍາເລັດແລ້ວ 100% ຈໍານວນ 322 ຫຼັງ.

ທ່ານ ລືໄຊ ວຽງພະຈັນ ນາຍບ້ານດົງບອກໃໝ່ຫີນຄໍາ ໄດ້ລາຍງານສະພາບລວມຈຸດພິເສດ ແລະ ການ ພັດທະນາເສດຖະກິດ – ສັງຄົມຂອງບ້ານຕໍ່ລັດຖະມົນຕີ ຖວທ ວ່າ: ບ້ານດົງບາກໃໝ່ຫີນຄໍາ ມີ 2 ຄຸ້ມ, ມີ 30 ຫນ່ວຍ, ມີປະຊາຊົນ ຢູ່ຮ່ວມກັນທັງໝົດ 2 ເຜົ່າຄື: ເຜົ່າລາວ ແລະ ເຜົ່າໂອຍ, ມີພົນລະເມືອງທັງຫມົດ 1.949 ຄົນ (ຍິງ 935 ຄົນ), ມີ 509 ຄອບຄົວໃນນັ້ນ ຄອບຄົວພົ້ນທຸກມີ 380 ຄອບຄົວ, ຄອບຄົວກຸ້ມກິນ 101 ຄອບຄົວ ແລະ ຍັງມີຄອບຄົວທຸກຍາກ 28 ຄອບຄົວ, ອາຊີບຕົ້ນຕໍ ຂອງປະຊາຊົນແມ່ນເຮັດນາປູກເຂົ້າເປັນຫຼັກ, ເຮັດສວນປູກພືດ, ລ້ຽງສັດ ແລະ ຄ້າຂາຍເປັນອາຊີບສໍາຮອງ.

LEAVE A REPLY

Please enter your comment!
Please enter your name here