ສະຖານີກາສີ ແລະ ເມືອງງາ ຈະເປີດບໍລິການ14 ເມສານີ້ ເປັນຕົ້ນໄປ

0
1539

ສະຖານີກາສີ ແລະເມືອງງາຈະເປີດບໍລິການ14 ເມສາ 2022 ເປັນຕົ້ນໄປ,

ຕາມການລາຍງານ ຂອງ CRI-FM93 ໃຫ້ຮູ້ວ່າ: ທາງລົດໄຟລາວ-ຈີນ ຈະເປີດບໍລິການຜູ້ໂດຍສານຢູ່ 2 ສະຖານີຄື: ສະຖານີກາສີ ແລະ ສະຖານີເມືອງງາ ເພື່ອຕອບສະໜອງຄວາມຮຽກຮ້ອງຕ້ອງການຂອງສັງຄົມນັບມື້ນັບຫຼາຍຂຶ້ນ.

ສະຖານີລົດໄຟກາສີຕັ້ງຢູ່ເມືອງກາສີ ແຂວງວຽງຈັນ ເຊິ່ງໄດ້ຮັບການອອກແບບເປັນສະຖານນີຂົນສົ່ງໂດຍສານ, ມີບ່ອນລໍຖ້າຂຶ້ນລົດ 1 ບ່ອນ ໂດຍມີເສັ້ນທາງລົດໄຟຂັ້ນກາງ 3 ສາຍ, ສາມາດບັນຈຸຜູ້ໂດຍສານໄດ້ສູງສຸດ 150 ຄົນ. ສ່ວນສະຖານນີເມືອງງາແມ່ນຕັ້ງຢູ່ແຂວງອຸດົມໄຊ.

ສອງສະຖານີດັ່ງກ່າວເປັນສະຖານີທີ່ອອກແບບໃຫ້ເປັນສະຖານນີນ້ອຍ ແລະເປັນອີກຈຸດຂຶ້ນລົດໄຟຂອງແຂວງວຽງຈັນ ແລະແຂວງອຸດົມໄຊ ເພື່ອໃຫ້ປະຊາຊົນໄດ້ເຂົ້າເຖິງການເດີນທາງດ້ວຍລົດໄຟໃຫ້ມີຄວາມສະດວກສະບາຍຫຼາຍຂຶ້ນ.

LEAVE A REPLY

Please enter your comment!
Please enter your name here