ປັດຈຸບັນ, ປາກົດການຂອງການຕົວະຕົ້ມຜູ້ອື່ນເພື່ອໃຫ້ໄດ້ມາຜົນປະໂຫຍດໃສ່ຕົນເອງນັບມື້ນັບຫຼາຍຂຶ້ນ, ບາງຄັ້ງກໍເຮັດໃຫ້ຄົນທີ່ບໍ່ກ່ຽວຂ້ອງໄດ້ຮັບການເຂົ້າໃຈຜິດໄປນຳ ຄືກັບເລື່ອງນີ້ ເຊິ່ງຈະມາຊອະທິບາຍ ແລະ ຊີ້ແຈງເພື່ອບໍ່ໃຫ້ສັງຄົມເຂົ້າໃຈຜິດ.
ອີງຕາມໜັງສືສະເໜີ ຂອງກົມຂົນສົ່ງກະຊວງໂຍທາທິການ ແລະ ຂົນສົ່ງ ໃຫ້ຮູ້ວ່າ: ປັດຈຸບັນໄດ້ມີກຸ່ມຄົນບໍ່ດີ ນໍາໃຊ້ Facebook Santisouk Thepvongsa ແລະ ເບີໂທວັອດແອັບ 020 92678060 ເພື່ອຮັບແລ່ນ ແລະ ຕໍ່ເອກະສານ ປະເພດ ບັດປະຈໍາຕົວ, ໜັງສືຜ່ານແດນ Passport, ໜັງສືລົດຈັກ, ໃຫຍ່, ໃບຂັບຂີ່, ປື້ມສໍາມະໂນຄົວ ແລະ ອື່ນໆ ທີ່ສຳຄັນແມ່ນໄດ້ນໍາໃຊ້ຮູບພາບທ່ານ ຫົວໜ້າກົມຂົນສົ່ງ ກະຊວງໂຍທາທິການ ແລະ ຂົນສົ່ງ ເປັນຮູບໜ້າປົກ WhatsApp.
![](https://tholakhong.com/wp-content/uploads/2022/05/jkkkl.jpeg)
ເຊິ່ງທາງກົມຂົນສົ່ງ ກໍໄດ້ຂໍ້ມູນຈໍານວນໜຶ່ງໃຫ້ເຈົ້າໜ້າທີ່ຕໍາຫຼວດ ພິຈາລະນາໃນການສືບສວນ-ສອບສວນ ດໍາເນີນຊອກ ຫາກຸ່ມຄົນບໍ່ດີມາດໍາເນີນຄະດີຕາມກົດໝາຍ.
ຂໍໃຫ້ທຸກທ່ານເບິ່ງໃຫ້ຄັກກ່ອນທີ່ຈະຕັດສິນໃຈໃຫ້ຄົນທີ່ບໍ່ເຄີຍເຫັນໜ້າແລ່ນເອກະສານໃຫ້ ເຖິງເຂົາຈະບອກວ່າເຂົາແມ່ນໃຜ ມີຕຳແໜ່ງຫຍັງ ເພາະບາງຄັ້ງເຂົາກໍເອົາຂໍ້ມູນ ແລະ ຮູບພາບຄົນອື່ນມາສວມຮອຍໄດ້.
ຫຼັກຖານບາງອັນ