ປກສ ເມືອງສັງທອງ ຈັບຜູ້ຄອບຄອງຢາບ້າ 252.000 ເມັດ

0
4248

ວັນທີ 06 ມີຖຸນາ 2022 ເວລາ 21 ໂມງ 30 ນາທີ ຕໍາຫຼວດຈະລາຈອນ ໄດ້ຕັ້ງຈຸດກວດປ້ອມປາກສັງ ບ້ານທ່ານາສາ ເມືອງ ສັງທອງ ນະຄອນຫຼວງວຽງຈັນ ກວດກາລົດກະບະຍີ່ຫໍ້ ໂຕໂຢຕ້າ ລີໂວ້ ສີຂາວ ເລກ ທະບຽນ ຮວ 9994 ກໍາແພງນະຄອນ ກໍາລັງຂັບຂີ່ມາທາງທິດເໜືອ ມຸ່ງໜ້າເຂົ້າພື້ນທີ່ເມືອງສັງທອງ ນະຄອນຫຼວງວຽງຈັນ, ພໍມາຮອດຈຸດກວດປ້ອມປາກສັງ ເຈົ້າໜ້າທີ່ ຈຶ່ງໄດ້ຂໍກວດກາເອກະສານພວກກ່ຽວທັງສອງ ຈຶ່ງຕອບເຈົ້າໜ້າທີ່ວ່າ: ລົດຕິດໄຟແນ້ນ ບໍ່ມີເອກະສານມາໃດໆ. ຕໍ່ກັບເຫດການດັ່ງກ່າວ ເຈົ້າໜ້າທີ່ເກີດຄວາມສົງໄສ ຈຶ່ງໃຫ້ຜູ້ຂັບຂີ່ເອົາແວ່ນດ້ານຫຼັງລົງ ແລ້ວສັງເກດພົບເຫັນເປົາສີດຳ 01 ໜ່ວຍ ມີຜ້າແພ ສີຟ້າປົກໄວ້ ເຈົ້າໜ້າທີ່ຈະລາຈອນ ຈຶ່ງຖາມວ່າ ແມ່ນເປົາຫຍັງ, ຜູ້ຂັບຂີ່ລົດ ຈຶ່ງເລັ່ງຂັບລົດຫຼົບໜີໄປ.ຕາມການລາຍງານຂອງ ຮອ ອານົງສັກ ພຸດທະວົງ ຫົວໜ້າໜ່ວຍງານສະກັດກັ້ນ ແລະ ຕ້ານຢາເສບຕິດ ປກສ ເມືອງສັງທອງ ໃຫ້ຮູ້ວ່າ:

ພາຍຫຼັງທີ ພວກເຮົາ ໄດ້ຮັບຂໍ້ມູນແລ້ວ ລາຍງານຜູ້ບັນຊາ ແລະ ປະສານທຸກເລົ່າລົບວິຊາສະເພາະ ທົ່ວກຳລັງປ້ອງກັນຄວາມສະຫງົບເມືອງ ອອກສະກັດລັດ, ຮອດເວລາປະມານ 07:30 ໂມງ ຂອງວັນທີ 07 ມິຖຸນາ 2022 ຈຶ່ງໄດ້ພົບເຫັນລົດກະບະຄັນດັ່ງກ່າວຈອດປະໄວ້ຢູ່ພື້ນທີ່ບ້ານ ນາຫອຍ ຈາກນັ້ນຈຶ່ງໄດ້ທຳການກວດຄົ້ນ ພົບເຫັນກຸນແຈ ປະໄວ້ຢູ່ຕີນລົດ ພາຍໃນລົດມີເອກະສານຈໍານວນໜຶ່ງ ແລະ ຢາບ້າ ຈຳນວນ 16 ເມັດ, ເວລາຕໍ່ມາປະມານ 17:00 ໂມງ ຂອງວັນດຽວກັນ ໄດ້ຮັບແຈ້ງຜ່ານທາງໂທລະສັບວ່າ: ພົບເຫັນທ້າວ ດາວເຮືອງ ອາຍຸ 40 ປີ, ອາຊີບ ເຮັດນາ ຢູ່ບ້ານ ໂຄກແຫ້ ເມືອງ ສັງທອງ ນະຄອນຫຼວງວຽງຈັນ ລາກເອົາເປົາສີດຳທີ່ຢູ່ແຄມທາງ ເຂົ້າໄປປ່າທາງເລີກປະມານ 04 ແມັດ, ຫຼັງຮັບແຈ້ງມີຂໍ້ມູນ ຈຶ່ງໄດ້ນຳຕົວມາສອບສວນ ຜູ້ກ່ຽວຮັບສາລະພາບວ່າ:

ເປົາສີດຳ ທີ່ພົບເຫັນແລ້ວລາກອອກຈາກແຄມທາງໄປຊຸກເຊື່ອງ ເບືອງຕົ້ນເອົາມີດປາດເບິ່ງແລ້ວຮູ້ວ່າ ຢາບ້າ, ຈຶ່ງໄດ້ແບ່ງເປັນສາມພູດ ເອົາໄປຊຸກເຊື່ອງໄວ້ ຢູ່ເຂດນາເຂດບ້ານອ່າງນ້ອຍ 11 ແພັກ ແລະ ເອົາໄປຊຸກເຊື່ອງໄວ້ແຄມທາງ ລະຫວ່າງບ້ານ ໂຄກແຫ້ ຫາ ບ້ານ ເພຍລາດ 20 ແພັກ ລວມ 42 ແພັກ ຫຼື 126 ມັດ ຫຼື 252.000 ເມັດ ຕາມຄຳຮັບສາລະພາບຂອງທ້າວ ດາວເຮືອງ ເຈົ້າໜ້າທີ່ ກອງບັນຊາການ ປກສ ເມືອງສັງທອງ ເກັບກູ້ມາຮັກໄວ້ ເປັນຂອງກາງໃນການດຳເນີນຄະດີ.ປັດຈຸບັນ ຄະດີດັ່ງກ່າວ ກອງບັນຊາການ ປກສ ເມືອງສັງທອງກຳລັງເປີດກ້ວາງຂະຫຍາຍຜົນສືບຄົ້ນຫາຜູ້ຮ່ວມຂະບວນ ມາດຳເນີນຄະດີຕາມກົດໝາຍ.

ແຫຼ່ງຂ່າວ: ປ້ອງກັນຄວາມສະຫງົບນະຄອນຫຼວງວຽງຈັນ

LEAVE A REPLY

Please enter your comment!
Please enter your name here