Home ຂ່າວທ້ອງຖິ່ນ ຈັດສັນທີ່ດິນ ຄຸ້ມຄອງຊັບພະຍາກອນທຳມະຊາດ ແລະ ສິ່ງແວດລ້ອມ ແບບຮອບດ້ານ

ຈັດສັນທີ່ດິນ ຄຸ້ມຄອງຊັບພະຍາກອນທຳມະຊາດ ແລະ ສິ່ງແວດລ້ອມ ແບບຮອບດ້ານ

0

ອັດຕະປື ມອບແຜນຈັດສັນທີ່ດິນ ຄຸ້ມຄອງຊັບພະຍາກອນທຳມະຊາດ ແລະ ສິ່ງແວດລ້ອມ ແບບຮອບດ້ານ ເພື່ອກໍານົດການແບ່ງຄວາມຮັບຜິດຊອບຂອງບັນດາພະແນກການທີ່ກ່ຽວຂ້ອງ ແລະ ອົງການປົກຄອງຂັ້ນເມືອງ ແລະ ບ້ານ ໃນການຜັນຂະຫຍາຍ ຈັດຕັ້ງປະຕິບັດແຜນຈັດສັນທີ່ດິນ, ຄຸ້ມຄອງ ຊັບພະຍາກອນທໍາມະຊາດ ແລະ ສິ່ງແວດລ້ອມແບບຮອບດ້ານ, ເພື່ອວາງແຜນນໍາໃຊ້ທີ່ດິນ ທີ່ຢູ່ໃນການ ຄຸ້ມຄອງການນຳໃຊ້ທີ່ດິນຂອງບັນດາຂະແໜງການ ໃຫ້ບັນລຸຕາມເປົ້າໝາຍ,

ດັ່ງນັ້ນຫວ່າງບໍ່​ດົນ​ມານີ້ ທີ່ພະແນກຊັບພະຍາກອນທາມະຊາດ ແລະ ສິ່ງແວດລ້ອມແຂວງອັດຕະປື ໄດ້ຈັດພິທີມອບແຜນຈັດສັນທີ່ດິນ ຄຸ້ມຄອງຊັບພະຍາກອນທໍາມະຊາດ ແລະ ສິ່ງແວດລ້ອມແບບຮອບດ້ານ, ໂດຍການເຂົ້າຮ່ວມຂອງທ່ານ ທະນູໄຊ ບັນຊາລິດ ຮອງເຈົ້າແຂວງອັດຕະປື, ມີທ່ານເຈົ້າເມືອງ ພ້ອມດ້ວຍຫົວໜ້າພະແນກການອ້ອມຂ້າງແຂວງ ແລະ ຂະແໜງການທີ່ກ່ຽວຂ້ອງເຂົ້າຮ່ວມ.ທ່ານ ຫັດສະໃນ ສີບຸນເຫຼືອງ ຫົວໜ້າພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງອັດຕະປື ໄດ້ຜ່ານມະຕິຂອງກອງປະຊຸມສະພາປະຊາຊົນແຂວງ ວ່າດ້ວຍການຮັບຮອງ ເອົາແຜນຈັດສັນທີ່ດິນ, ຄຸ້ມຄອງຊັບພະຍາກອນທຳມະຊາດ ແລະ ສິ່ງແວດລ້ອມ ຂອງແຂວງອັດຕະປື ຮອດປີ 2030ຊຶ່ງກອງປະຊຸມໄດ້ຕົກລົງ ແລະ ຮັບຮອງເອົາແຜນຈັດສັນທີ່ດິນ ໄດ້ກຳນົດເປົ້າໝາຍ ແລະ ​ໂຕເລກຂອງການຈັດສັນເນື້ອທີ່ດິນແຕ່ລະປະເພດ,

ໃນນັ້ນ ເນື້ອທີ່ດິນທີ່ຈະສະຫງວນ ແລະ ອະນຸລັກໄວ້ ເພື່ອເປັນເນື້ອທີ່ປ່າປົກຫຸ້ມມີ 88.000 ກວ່າເຮັກຕາ ຊຶ່ງລວມທັງທີ່ດິນບໍລິເວນນໍ້າ ທີ່ນອນໃນເຂດພື້ນທີ່ດັ່ງກ່າວ ຈຳນວນ 14.000 ກວ່າເຮັກຕາ, ເນື້ອທີ່ຈະນໍາໃຊ້ ແລະ ພັດທະນາມີ 148.000 ກວ່າເຮັກຕາ ຊຶ່ງລວມທີ່ດິນບໍລິເວນນໍ້າທີ່ນອນຢູ່ເຂດພື້ນທີ່ດັ່ງກ່າວ ຈຳນວນ 22.000 ກວ່າເຮັກຕາ, ເນື້ອທີ່ດິນທີ່ຈະສະຫງວນ ແລະ ອະນຸລັກໄວ້ ເພື່ອເປັນເນື້ອທີ່ປ່າປົກຫຸ້ມ ຊຶ່ງລວມທັງດິນບໍລິເວນນໍ້າ ທີ່ນອນໃນເຂດພື້ນທີ່ດັ່ງກ່າວ ທັງໝົດ 860.000 ກວ່າເຮັກຕາ, ເນື້ອທີ່ຈະນຳໃຊ້ ແລະ ພັດທະນາ ຊຶ່ງລວມທັງທີ່ດິນບໍລິເວນນໍ້າ ທີ່ນອນໃນເຂດພື້ນທີ່ດັ່ງກ່າວ,

ໃນນັ້ນ ເນື້ອທີ່ດິນກະສິກຳມີ 109.000 ກວ່າເຮັກຕາ ເນື້ອທີ່ດິນນໍ້າໃຊ້ເຂົ້າໃນຂະ ແໜງການຕ່າງໆ ທັງໝົດ 16.000 ກວ່າເຮັກຕາ.ໃນກອງປະຊຸມ ຍັງໄດ້ ມອບ-ຮັບ ປຶ້ມແບບແຜນຈັດສັນທີ່ດິນຄຸ້ມຄອງຊັບພະຍາກອນທຳມະຊາດ ແລະ ສິ່ງແວດລ້ອມ ຂອງແຂວງອັດຕະປື ຊຶ່ງໄດ້ມອບໃຫ້ແຕ່ລະພະແນກການອ້ອມຂ້າງແຂວງ, ບັນດາເມືອງ, ກຳລັງ ປກສ, ປກຊ ໂດຍການກ່າວມອບຂອງ ທ່ານ ທະນູໄຊ ບັນຊາລິດ.

ຂ່າວ-ພາບ: ທິດປະສົງ

NO COMMENTS

LEAVE A REPLY

Please enter your comment!
Please enter your name here

Exit mobile version