ເມືອງຫຼາ ໄດ້ຮັບຜົນກະທົບຈາກໄພນ້ຳຖ້ວມອີກຄັ້ງເມື່ອມີຝົນຕົກໜັກຕໍ່ເນື່ອງ ເຮັດໃຫ້ດິນເຈື່ອນ ຫົນທາງເຈີ້ລົງ

ໃນປະມານເວລາ 7 ໂມງເຊົ້າ ຂອງ ວັນທີ 20 ກັນຍາ 2022 ນິ້, ໄດ້ເຮັດໃຫ້ເສັ້ນທາງຄົມມະນາຄົມຂາດ, ເສາະເຈື່ອນ ແລະ ດິນຖົມຢູ່ຫຼາຍຈຸດ ໂດຍສະເພາະແມ່ນເຂດທີ່ກຳລັງຟື້ນຟູຄືນຈາກເຫດການນ້ຳຖ້ວມຄັ້ງທີ່ຜ່ານມາ. ຈາກເຫດການໃນຄັ້ງນີ້ໄດ້ເຮັດໃຫ້ລົດຮຸ່ນໄດ ທະບຽນປ້າຍ 1734 ກຳແພງນະຄອນ ຖືກນ້ຳພັດໄຫຼໄປຕາມລ້ອງນ້ຳຫຼາ ປະມານ 80 ແມັດ ລົດເປເພຢ່າງໜັກ.

ທ່ານ ນາງ ສີ (ຜູ້ຂີ່ລົດຮຸນໃດຄັນເກີດເຫດ) ຢູ່ບ້ານຊຽງຢືນ, ເມືອງສິງ, ແຂວງຫຼວງນ້ຳທາ ໄດ້ໃຫ້ຮູ້ວ່າ: ຕອນເຊົ້າປະມານເວລາ 6 ໂມງ 30 ນາທີ ໄດ້ພາຄອບຄົວມາຢ້ຽມຢາມ ແລະ ໄປກາບໄຫວ້ສັກກະລະບູຊາວັດພະເຈົ້າສິງຄຳໄຊຍາຣາມ ໃນຂະນະດຽວກັນເກີດມີຝົນຕົກແຮງ ເມື່ອມາຮອດຈຸດເກີດເຫດ ມີນ້ຳໄຫຼມາຢ່າງໄວວາ ທັ່ງໃສ່ຈຸດລົດມາຮອດ ຈຶ່ງເຮັດໃຫ້ດິນເຈື່ອນລົງ ເຮັດໃຫ້ລົດບໍ່ສາມາດຖອຍກັບໄດ້ ຄອບຄົວຈຶ່ງພາກັນອອກຈາກລົດເພື່ອຊອກວິທີທາງແກ້ໄຂໂດຍດ່ວນ ໂຊກດີບໍ່ມີຜູ້ຖືກບາດເຈັບ. ຫຼັງຈາກນັ້ນ, ນ້ຳແຮງຂຶ້ນຈຶ່ງເກີດດິນເຈື່ອນໃສ່ຈຸດລົດຈອດພໍດີແລ້ວເຮັດໃຫ້ລົດໄຫຼຕົກລົງຕາມລ້ອງນໍ້າຫຼາ.

ຍັງໃຫ້ຮູ້ອີກວ່າ: ລົດຄັນດັ່ງກ່າວແມ່ນຄອບຄົວນາງສີ ໄປຍືມນຳຄອບຄົວ ນາງວອນ (ເຈົ້າຂອງລົດທີ່ເກີດເຫດ), ເຊິ່ງລົດແມ່ນຊື້ຕໍ່ມືສອງມາ ແລະ ຫາກໍໄດ້ໃຊ້ງານພຽງ 1 ເດືອນປາຍ. ສຳລັບມູນຄ່າຊື້ລົດແມ່ນ 62ລ້ານກີບ.

ຂໍ້ມູນ: ຖະແຫລງຂ່າວ ເມືອງຫຼາ

LEAVE A REPLY

Please enter your comment!
Please enter your name here