ບໍ່ລອດ! ເຮໂລອິນ 160 ກິໂລກຣາມ

0
1943

ເຮໂລອິນ 160 ກິໂລກຣາມ ຈັບຊາຍໜຸ່ມທັງ 3 ຂົນຢາເສບຕິດ ຈຳນວນຫຼາຍ

ໃນຄັ້ງວັນທີ 20 ເມສາ 2023 ນີ້ ເຈົ້້າໜ້າທີ່ຕຳຫຼວດປະຈຳຈຸດນໍ້າເກີງ ໄດ້ປະຕິບັດໜ້າທີ່ກວດກາພາຫະນະເຂົ້າ-ອອກ, ຮອດເວລາປະມາ 14 ໂມງ 30 ນາທີໄດ້ພົບເຫັນລົດຈີບ ຢີ່ຫໍ້ MAZDA ສີປອນທອງ, ປ້າຍທະບຽນ ຂຫ 8899 ຫຼວງພະບາງ ແລ່ນມາແຕ່ ເມືອງ ຕົ້ນເຜີ້ງ ມຸ່ງໜ້າໄປ ເມືອງ ຫ້ວຍຊາຍ.

ຜ່ານການກວດກາລົດຄັນດັ່ງກ່າວ ເຫັນວ່າມີການດັດແປງສະພາບເຕັກນີກ ຜູ້ຂັບຂີ່ມານຳຈຳນວນ 03 ຄົນ (ໂຊເຟີ່ 1 ຄົນ)ໃນເວລາທີ່ເຈົ້້າໜ້າທີ່ພວມກວດກາລົດຢູ່ນັ້ນເຫັນວ່າພວກກ່ຽວມີທ່າທາງຜິດປົກກະຕິ ຈື່ງປະສານຫາພະແນກຕຳຫຼວດສະກັດກັ້ນ ແລະ ຕ້ານຢາເສບຕິດ ຂື້ນໄປສົມທົບພ້ອມນຳເອົາລົດມາກວດກາຢູ່ກອງບັນຊາການ ປກສ ແຂວງ, ຜ່ານການກວດກາເຫັນວ່າລົດຄັນດັ່ງກ່າວມີການດັດແປງສະພາບເຕັກນີກແທ້ ແລະ ຊຸກເຊື່ອງຢາເສບຕິດປະເພດ ເຮໂຣອີນ ຈໍານວນ 400 ແທ່ງ ໜໍ້າໜັກ 160 ກິໂລກຼາມ.

ເຈົ້າໜ້າທີ່ໄດ້ຈັບຕົວຊາຍໜຸ່ມ 3 ຄົນຄຶ:

1.ທ້າວ ຈາ ເລົາ, ອາຍຸ 25 ປີ, ອາຊີບເຮັດໄຮ່, ສັນຊາດ ລາວ, ຢູ່ບ້ານ ດອນທາດເມືອງຕົ້ນເຜີ້ງ ແຂວງບໍ່ແກ້ວ.

2.ທ້າວ ເຈຍ ເລົາ ຫຼື ວຽງໄຊ ເລົ່າ, ອາຍຸ 29 ປີ, ອາຊີບ ເຮັດໄຮ່, ສັນຊາດ ລາວ, ຢູ່ບ້ານ ດອນທາດ ເມືອງຕົ້ນເຜີ້ງ ແຂວງບໍ່ແກ້ວ.

3.ທ້າວ ຄຳແສງ ຊົ່ງ ຫຼື ຕຸ ຊົງ ອາຍຸ 28 ປີ, ອາຊີບ ເຮັດໄຮ່, ສັນຊາດ ລາວ, ຢູ່ບ້ານ ດອນທາດເມືອງຕົ້ນເຜີ້ງ ແຂວງບໍ່ແກ້ວ.

ເຄື່ອງຂອງກາງທີ່ຍຶດໄດ້ມີ ເຮໂຣອີນ ຈຳນວນ 400 ແທ່ງ , ມີນ້ຳໜັກ 160 ກິໂລກຼາມ (ລວມທັງການຫຸ່ມຫໍ່, ລົດຈີບຢີ່ຫໍ້ MAZDA, ລຸ້ນ CX9 4WD, ສີປອນທອງ, ປ້າຍທະບຽນ ຂຫ 8899 ຫຼວງພະບາງ, ໂທລະສັບມຶຖຶ ຈໍານວນ 06 ໜ່ວຍ, ສາຍຄຳເຫຼຶອຄ້າຍຄືຄໍາຈໍານວນ 01 ເສັ້ນ, ແຫວນມຶທອງເຫຼືອງຈໍານວນ 01 ວົງ; ປັດຈຸບັນເຈົ້າໜ້າທີ່ວິຊາສະເພາະພວມດໍາເນີການສືບສວນ-ສອບສວນ ຂະຫຍາຍຜົນຕໍ່ໄປ.

ຂ່າວ: ປກສ ບໍ່ແກ້ວ

LEAVE A REPLY

Please enter your comment!
Please enter your name here