ເສດຖະກິດຈີນຫຼັງໂຄວິດບໍ່ຂະຫຍາຍໂຕ

0
2157

ຈີນປະເຊີນກັບພາວະເງິນຝືດ ເສດຖະກິດບໍ່ຂະຫຍາຍໂຕ ຫຼັງຈາກຜ່ານໂຄວິດ, ລາຍງານຈາກ ສຳນັກງານສະຖິຕິແຫ່ງຊາດຂອງຈີນ ໄດ້ລະບຸວ່າ ດັດຊະນີລາຄາຜູ້ບໍລິໂພກເຊິ່ງເປັນໂຕວັດແທກອັດຕາເງິນຝືດຂອງຈີນຫຼຸດລົງ 0.3% ໃນເດືອນກໍລະກົດ ຫຼັງຈາກສະຖານະການຊົງຕົວໃນເດືອນມິຖຸນາ ທີ່ຜ່ານມາ, ແຕ່ກໍຍັງໜ້ອຍກວ່ານັກວິເຄາະຄາດຄະເນວ່າ ຈະຫຼຸດລົງ 0.4% ໃນເດືອນກໍລະກົດ.

ຈີນ ໄດ້ລາຍງານໂຕເລກການສົ່ງອອກທີ່ຕົກຕໍ່າຄັ້ງໃຫຍ່ໃນຮອບ 3 ປີ ຫຼື ຫຼຸດລົງ 14.2% ເຮັດໃຫ້ສ້າງຜົນກະທົບຕໍ່ຫຼາຍບໍລິສັດຫຼາຍແຫ່ງໃນຈີນທີ່ເນັ້ນການສົ່ງອອກເປັນຫຼັກ. ທັງນີ້, ພາວະເງິນຝືດໝາຍເຖິງລາຄາສິນຄ້າ ແລະ ບໍລິການຫຼຸດລົງ ເຊິ່ງມີຫຼາຍປັດໄຈ ລວມເຖິງຜູ້ບໍລິໂພກຫຼຸດລົງ ເຖິງວ່າສິນຄ້າຈະລາຄາຖືກສົ່ງຜົນດີຕໍ່ກຳລັງຊື້ ແຕ່ພາວະເງິນຝືດກໍເປັນໄພກ້ວາງຕໍ່ເສດຖະກິດໃນປະເທດ.

ປັດໃຈທີ່ເຮັດໃຫ້ເສດຖະກິດປະສົບບັນຫາ ມາຈາກຄວາມວຸ້ນວາຍຕໍ່ເນື່ອງໃນພາກອະສັງຫາລິມະຊັບ ເຊິ່ງມີສັດສ່ວນເຖິງ ¼ ຂອງຈີດີພີຂອງຈີນ ແລະ ຍັງມີທ່າແຮງຈາກການສົ່ງອອກຫຼຸດລົງ.

ນອກຈາກນີ້ ສຳນັກງານບໍລິຫານກາແລກປ່ຽນເງິນຕາຕ່າງປະເທດແຫ່ງຊາດຂອງຈີນ ຫຼື State Administration of Foreign Exchange (SAFE) ເປີດເຜີຍວ່າ ເງິນລົງທຶນໂດຍກົງຈາກຕ່າງປະເທດ (FDI) ໃນຊ່ວງເດືອນ ເມສາ-ມິຖຸນາ ຫົດໂຕລົງມາຢູ່ທີ່ 4.9 ພັນລ້ານໂດລາ ເຊິ່ງຫຼຸດລົງ 87% ຈາກຊ່ວງເດືອນດຽວກັນຂອງປີທີ່ແລ້ວ ແລະ ເປັນຈຳນວນເງິນລົງທຶນທີ່ຕໍ່າທີ່ສຸດຕັ້ງແຕ່ ປີ 1998.

LEAVE A REPLY

Please enter your comment!
Please enter your name here