ຂ່າວຈະລາຈອນ

ຈະລາຈອນ ປກສ ນວ ກຳນົດແຜນວຽກກະກຽມກໍາລັງລົງລະບາຍການສັນຈອນ

ຈະລາຈອນ ປກສ ນວ ກຳນົດແຜນວຽກກະກຽມກໍາລັງລົງລະບາຍການສັນຈອນ ຕາມສາຍທາງໃນໄລຍະເວລາຝົນຕົກ ຈາກພາຍຸໝູນເຂດຮ້ອນມູລານ (MULAN) ຕາມການແຈ້ງເຕືອນ ຂອງກົມອຸຕຸນິຍົມ ແລະ ອຸທົກກະສາດ ວ່າ: ພາຍຸໝູນເຂດຮ້ອນມູລານ (MULAN) ກຳລັງເຄື່ຶອນເຂົ້າມາທາງພາກເໜືອ ຂອງປະເທດລາວ ໃນລະຫວ່າງວັນທີ 10-13 ສິງຫາ 2022 ເຊິ່ງອາດຈະຈະເຮັດໃຫ້ມີຝົນຕົກ, ຟ້າຮ້ອງ, ຟ້າເຫຼື້ອມ ໃນລະດັບຄ່ອຍຫາປານກາງ ເປັນບໍລິເວນກວ້າງ ແລະ ຕົກໜັກ ພ້ອມມີລົມພັດແຮງຢູ່ບາງທ້ອງຖິ່ນ. ຕໍ່ສະພາບການດັ່ງກ່າວ ພະແນກຕຳຫຼວດຈະລາຈອນ ປກວ ນວ ສົມທົບກັບກອງຕໍາຫຼວດຈະລາຈອນ 9 ຕົວເມືອງ ວາງແຜນກະກຽມກໍາລັງລົງລະບາຍການສັນຈອນອໍານວຍຄວາມສະດວກໃຫ້ຜູ້ໃຊ້ລົດ-ໃຊ້ຖະໜົນ ເພື່ອກຽມພ້ອມຮັບມືໃນໄລຍະເວລາຝົນຕົກໜັກ. ພັທ ສັງຄົມ ພົມມະລາດ ຮອງຫົວໜ້າພະແນກຕຳຫຼວດ ຈະລາຈອນ ຫ້ອງຕຳຫຼວດ ປກສ ນະຄອນຫຼວງວຽງຈັນ ຮຽກຮ້ອງໃຫ້ນັກຂັບຂີ່ເອົາໃຈໃສ່ວາງແຜນລ່ວງໜ້າໃນການເດີນທາງ, ກະກຽມອຸປະກອນ ເສື້ອກັນຝົນ, ຄັນຮົ່ມ ແລະ ອື່ນໆ, ໃຫ້ຫຼີກລ່ຽງເວັ້ນຖະໜົນມີນໍ້າຖ້ວມ. ຜູ້ຂັບຂີ່ ລົດພື້ນຕໍ່າ ເຊັ່ນ: ລົດເກັງ, ລົດຈັກຄວນຫຼີກລຽງ, ເພາະມັນອາດຈະສົ່ງຜົນກະທົບຕໍ່ລະບົບເຄື່ອງຈັກ, ຂໍໃຫ້ນັກຂັບຂີ່ກວດເຊັກລະບົບເຕັກນິກ, ໄຟສັນຍານ, ຟອຍປັດນໍ້າຝົນ, ລະບົບຫ້າມລໍ້ , ບໍ່ຄວນຈອດລົດຢູ່ກ້ອງຕົ້ນໄມ້ໃຫຍ່, ປ້າຍໂຄສະນາຂະໜາດໃຫຍ່ ແລະ...

ພຽງ 7 ວັນ ພົບເຫັນຜູ້ຂັບຂີ່ລະເມີດກົດຈະລາຈອນ ທັງໝົດ 2.166 ຄົນ

ເພື່ອເປັນການສະກັດກັ້ນ ແລະ ແກ້ໄຂບັນຫາການເກີດອຸບັດຕິເຫດໃຫ້ຫຼຸດຫນ້ອຍຖອຍລົງ ໃນຊ່ວງ ໄລຍະສະເຫຼີມສະຫຼອງບຸນປີໃຫມ່ລາວ ພສ 2565 ພະແນກຕໍາຫຼວດຈະລາຈອນ ນະຄອນຫຼວງວຽງຈັນ ຈຶ່ງ ໄດ້ຊີ້ນໍາ-ນໍາພາກໍາລັງຕໍາຫຼວດຈະລາຈອນແຕ່ລະເມືອງ ລົງຕັ້ງຈຸດກວດກາຕອນກາງເວັນ ແລະ ກາງຄືນ ຢູ່ ຕາມເສັ້ນທາງທົ່ວນະຄອນຫຼວງວຽງຈັນ ເລີ່ມແຕ່ວັນທີ 11-17 ເມສາ 2022 ທັງຫມົດມີ 8 ຈຸດ ແລະ ຕັ້ງ ຈຸດກວດກາກາງຄືນເພີ່ມອີກ 3 ຈຸດ ພົບເຫັນຜູ້ຂັບຂີ່ລະເມີດກົດລະບຽບຈະລາຈອນ ທັງຫມົດ 2.166 ຄົນ ຍິງ 562 ຄົນ. ພັທ ສັງຄົມ ຍົມມະລາດ ຮອງຫົວຫນ້າພະແນກຕໍາຫຼວດຈະລາຈອນ ນວ ກ່າວວ່າ: ໃນຊ່ວງໄລຍະສະເຫຼີມສະຫຼອງບຸນປີໃຫມ່ລາວ ພສ 2565, ພວກເຮົາໄດ້ລົງຕັ້ງຈຸດກວດກາຕອນກາງ ເວັນ ແລະ ກາງຄືນ ທົ່ວນະຄອນຫຼວງວຽງຈັນ ທັງຫມົດ 8 ຈຸດ ແລະ ໄດ້ຕັ້ງຈຸດກວດກາກາງຄືນເພີ່ມອີກ 3 ຈຸດ ຄື: ພະແນກຕໍາຫຼວດຈະລາຈອນ ມີຈຸດເສັ້ນທາງ 13 ໃຕ້ ຫຼັກ 16 ແລະ ຈຸດເສັ້ນທາງ ເມືອງສັງທາງ ເຂດບ້ານອ່າງໃຫຍ່...

ນະຄອນ ໄກສອນ ພົມວິຫານ ຈັດຝຶກອົບຮົມໃຫ້ແກ່ນັກຂັບຂີ່ລົດບັນທຸກແກ່ແຮ່-ແກ່ຊາຍ

ໃນຕອນເຊົ້າຂອງວັນທີ 1 ກຸມພາ 2022 ນີ້, ຢູ່ທີ່ສະໂມສອນ ປກສ ນະຄອນ ໄກສອນ ພົມວິຫານ ໄດ້ຈັດຝຶກອົບຮົມໃຫ້ແກ່ນັກຂັບຂີ່ລົດບັນທຸກທີ່ແກ່ແຮ່-ແກ່ຊາຍໃນເທດສະບານນະຄອນຂື້ນ ໂດຍການເປັນປະທານ ຂອງທ່ານ ພັຕ ໜອນ ຄຳຫານຊະນະ ຮອງຫົວໜ້າກອງບັນຊາ ການ ປກສ ນະຄອນ ໄກສອນ ພົມວິຫານ ທັງເປັນຜູ້ຊີ້ນຳໃນຂົງເຂດວຽກງານຕຳຫຼວດຈາລະຈອນ, ມີຫົວໜ້າພະແນກຕຳຫຼວດກອງຕຳຫຼວດຈາລະຈອນ ນະຄອນ,ມີຫ້ອງການ ຍທຂນະຄອນ,ຫ້ອງການ ຄພບຕ ນະຄອນ,ມີພະນັກງານພະແນກຕຳຫຼວດກອງຕຳຫຼວດຈາລະຈອນ ແລະ ເຈົ້າຂອງລົດບັນທຸກທີ່ແກ່ແຮ່-ແກ່ຊາຍ ເຂົ້າຮ່ວມ. ເຊີ່ງຈຸດປະສົງໃນການຝຶກອົບຮົມໃນຄັ້ງນີ້,ເພື່ອຈັດຕັ້ງຜັນ ຂະຫຍາຍບັນດານິຕິກຳຕ່າງ ທີພົວພັນເຖິງຄວາມບໍ່ເປັນລະບຽບຮຽບຮ້ອຍທາງດ້ານການສັນຈອນຕາມເສັ້ນທາງບົກ,ດຳລັດເຊັ່ນກົດໜາຍຈະຈອນທາງບົກ,ກົດໜາຍຂົນສົ່ງທາງບົກ,ລະບຽບ 107/ປສລ ດຳລັດ 568/ນຍ,ຄຳສັ່ງເລກທີ 27/ນຍ ແລະ ຄຳສັ່ງເລກທີ່ 1470/ລມຕ ແລະ ບັນດາແຈ້ງການຂອງເຈົ້ານະຄອນ ໃຫ້ເປັນຮູບປະທຳຢ່າງແຂງແຮງ ເພື່ອຄຸ້ມຄອງປົກປັກຮັກສາຄວາມສະອາດຈົບງາມ ແລະ ຄວາມເປັນລະບຽບຮຽບຮ້ອຍພາຍໃນນະຄອນ,ໃຫ້ມີຄວາມສະອາດງາມຕາ,ມີຄວາມເປັນລະບຽບປອດໄພ ຕາມທິດ 06 ສໍຂອງການສ້າງນະຄອນ ໃຫ້ໄດ້ຮັບການຈັດຕັ້ງປະຕິບັດຄື:ສໍສະຫງົບ, ສໍສະອາດ, ສໍສີຂຽວ,ສໍສະຫວ່າງ,ສໍສະເໜ່ ແລະ ສໍສີວີໄລ ໃຫ້ປະກົດຜົນເປັນຈິງ. ເຊີ່ງເພື່ອແນ່ໃສ່ເຮັດໃຫ້ສະພາບການສັນຈອນ ການໃຊ້ລົດຖະໜົນ ຢູ່ຕາມເສັ້ນທາງບົກ,ມີຄວາມສະຫງົບ, ມີຄວາມເປັນລະບຽບຮຽບຮ້ອຍຫຼຸດຜ່ອນການລະເມີດກົດລະບຽບຈະລາຈອນ ເພື່ອຫຼຸດຜ່ອນການເກີດອຸປະຕິເຫດ,ແນໃສ່ຜູ້ປະກອບການຜູ້ໃຊ້ລົດໃຊ້ຖະໜົນເວົ້າລວມ ແລະ ເວົ້າສະເພາະບັນດາບໍລິສັດດູດແຮ່-ດູດຊາຍ ແລະ ຜູ້ຂົນສົ່ງເຄື່ອນຍ້າຍ,ແຮ່-ຊາຍ ມີຄວາມຮັບຮູ້...

ການຕິດເຊື້ອພາຍໃນປະເທດຂອງພວກເຮົາແມ່ນຍັງບໍ່ທັນຫຼຸດລົງ

ຕາມການລາຍງານຈາກຄະນະສະເພາະກິດປະຈຳວັນທີ 9 ທັນວາ 2021 ເຊິ່ງລາຍງານໂດຍ ດຣ. ຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່, ກະຊວງສາທາລະນະສຸກ ໃນກ່າວໃນບົດຖະແຫຼງຂ່າວບາງຕອນວ່າ: ການຕິດເຊື້ອພາຍໃນປະເທດຂອງພວກເຮົາແມ່ນຍັງບໍ່ທັນຫຼຸດລົງ ແລະ ນະຄອນຫຼວງວຽງຈັນ ຍັງແມ່ນເຂດທີ່ມີການລາຍງານການຕິດເຊື້ອໃໝ່ປະຈໍາວັນທີ່ສູງ, ຮອດປັດຈຸບັນການຕິດເຊື້ອແມ່ນມີຢູ່ທຸກແຂວງໃນທົ່ວປະເທດ ແລະ ເກີດຂື້ນໃນສະຖານທີ່ທີ່ມີຄົນອາໃສໜາແໜ້ນ ເຊິ່ງທັງໝົດ ກໍ່ລ້ວນແລ້ວແຕ່ ຕິດພັນກັບການເຄື່ອນໄຫວ ແລະ ວິຖີການດໍາລົງຊີວິດໃນແຕ່ລະວັນຂອງໝົດທຸກຄົນທີ່ມີການໄປມາຫາສູ່ ແລະ ການຢູ່ນຳກັນຫຼາຍຄົນໃນຄອບຄົວດຽວກັນລວມທັງການຕິດເຊື້ອໃນສະຖານທີ່ເຮັດວຽກ, ສະຖານທີ່ມີຄົນແອອັດເຊັ່ນ: ໂຮງຈັກໂຮງງານ, ຄ້າຍຄຸມຂັງ, ສະຖາບັນການສືກສາ ແລະ ອື່ນໆ ສະນັ້ນຂໍໃຫ້ບັນດາທ່ານຈົ່ງມີສະຕິນຳກັນເອົາໃຈໃສ່ປ້ອງກັນຕົນເອງ ແລະ ຄົນໃນຄອບຄົວ.

ໃນໂມງເລັ່ງດ່ວນ ຫ້າມລົດບັນທຸກໜັກເຂົ້າ-ອອກ ໃນຕົວເມືອງ

ປ້ອງກັນຄວາມສະຫງົບນະຄອນຫຼວງວຽງຈັນ ໃຫ້ຮູ້ວ່າ: ພັຕ ບຸນຄົງ ພັດທະລັງສີ ຮັກສາການຫົວໜ້າກອງຮ້ອຍຕໍາຫຼວດຈະລາຈອນ ປກສ ເມືອງສີໂຄດຕະບອງ ນະຄອນຫຼວງວຽງຈັນ ໃຫ້ຮູ້ວ່າ: ໃນຊົ່ວໂມງເລັ່ງດ່ວນ ເຂົ້າການ-ເລີກການ ຫ້າມລົດບັນທຸກໜັກເຂົ້າ-ອອກເມືອງ ເພາະເປັນສາເຫດໜື່ງເຮັດໃຫ້ການສັນຈອນມີຄວາມສັບສົນ ຖ້າມີການລະເມີດຈະຖືກສຶກສາອົບຮົມກ່າວເຕືອນ ແລະ ນໍາໃຊ້ມາດຕະການປັບໃໝຕາມດໍາລັດ 188/ນຍ. ພັຕ ບຸນຄົງ ພັດທະລັງສີ ຍັງໃຫ້ຮູ້ຕື່ມອີກວ່າ: ເພື່ອເປັນການຫຼຸດຜ່ອນຄວາມແອອັດ ແລະ ບັນຫາອຸບັດຕິເຫດຕາມທ້ອງຖະໜົນ ເຈົ້າໜ້າທີ່ກອງຮ້ອຍຕໍາຫຼວດຈະລາຈອນ ປກສ ເມືອງສີໂຄດຕະບອງ ໄດ້ເຮັດໜ້າທີ່ປະສານສົມທົບກັບຫ້ອງການໂຍທາທິການ ແລະ ຂົນສົ່ງເມືອງ ລົງຕິດຕາມກວດກາຜູ້ໃຊ້ລົດໃຊ້ຖະໜົນ ເວົ້າສະເພາະລົດບັນທຸກໜັກເຂົ້າ-ອອກ ໃນເວລາ ຊົ່ວໂມງເລັ່ງດ່ວນເຂົ້າການ-ເລກການ. ຜ່ານການລົງຕິດຕາມພົບເຫັນນັກຂັບຂີ່ລົດບັນທຸກໜັກ 6 ຄັນ ລະເມີດຄໍາສັ່ງ ແລະ ແຈ້ງການຂອງ ພະແນກໂຍທາທິການ ແລະ ຂົນສົ່ງ ນວ ຈຶ່ງໄດ້ນໍາມາສຶກສາອົບຮົມ ແລະ ກ່າວເຕືອນ. ການລົງຕິດຕາມ, ກວດກາ ໃນຂອບເຂດຕົວເມືອງສີໂຄດຕະບອງ ເຫັນວ່າ: ຍັງມີນັກຂັບຂີ່ຈໍານວນໜື່ງ ຍັງບໍ່ທັນເອົາໃຈໃສ່ປະຕິບັດລະບຽບການສັນຈອນ ຍັງພົບເຫັນການລະເມີດຄໍາສັ່ງ, ແຈ້ງການ ຈື່ງຮຽກຮ້ອງມາຍັງນັກຂັບຂີ່ເອົາໃຈໃສ່ເຂັ້ມງວດ, ມີວິໃນ ປະຕິບັດກົດຈະລາຈອນ ເພື່ອເຮັດໃຫ້ສະພາບການສັນຈອນມີຄວາມສະດວກປອດໄພ.
All countries
646,367,949
Total confirmed cases
Updated on November 29, 2022 00:38
Italy
24,260,660
Total confirmed cases
Updated on November 29, 2022 00:38
Spain
13,595,504
Total confirmed cases
Updated on November 29, 2022 00:38
Iran
7,559,634
Total confirmed cases
Updated on November 29, 2022 00:38
Germany
36,373,164
Total confirmed cases
Updated on November 29, 2022 00:38

Frequently Asked Questions

spot_img