News

ຄະນະສະເພາະກິດ ລາຍງານໃຫ້ຮູ້ ໃນເຊົ້າ ວັນທີ 20 ສິງຫາ 2021 ນີ້ວ່າ: ໃນວັນທີ 19 ສິງຫາ 2021 ໄດ້ກວດວິເຄາະທັງໝົດ 3317 ຕົວຢ່າງ, ນະຄອນຫຼວງ 750 ຕົວຢ່າງ, ສະຫວັນນະເຂດ 486 , ຈໍາປາສັກ 1048. ຜົນຂອງການກວດ ແມ່ນພົບເຊື້ອ 440 ຕົວຢ່າງ (ໃນຊຸມຊົນ 75 ຄົນ) ຄື: - ນະຄອນຫຼວງ: 101 (ນໍາເຂົ້າ) - ບໍ່ແກ້ວ (ຕົ້ນເຜີ້ງ): 13 (ຊຸມຊົນ) - ຫຼວງນໍ້າທາ: 3 (ຊຸມຊົນມາແຕ່ແຂວງບໍ່ແກ້ວ) - ຫຼວງພະບາງ: 1 (ນໍາເຂົ້າ) - ໄຊຍະບູລີ: 4 (ນໍາເຂົ້າ) - ຄໍາມ່ວນ: 45 (ນໍາເຂົ້າ) - ສາລະວັນ: 23 (ນໍາເຂົ້າ) - ເຊກອງ: 1 (ຊຸມຊົນ) - ຈໍາປາສັກ: 114 (ນໍາເຂົ້າ) - ສະຫວັນນະເຂດ: 135, 77...

ຂໍ້ຫ້າມ ແລະ ຄວນລະວັງ ຫ້າມບໍ່ໃຫ້ສັກວັກຊີນປະສົມກັນຫຼາຍຊະນິດ ແລະ ບໍ່ຄວນສັກບຸດສະເຕີ ເນື່ອງຈາກວ່າປັດຈຸບັນນີ້ຍັງບໍ່ມີຂໍ້ມູນຄໍາແນະນໍາດ້ານຄວາມປອດໄພ ແລະ ປະສິດທິພາບຈາກອົງການອະນາໄມໂລກ ແລະ ກະຊວງສາທາລະນະສຸກ ການສັກວັກຊີນກັນພະຍາດໂຄວິດ-19 ແມ່ນເພື່ອຫຼຸດຄວາມສ່ຽງໃນການເຈັບເປັນຮຸນແຮງ ແລະ ເສຍຊີວິດຈາກເຊື້ອດັ່ງກ່າວ ແຕ່ຄຽງຄູ່ກັນນັ້ນທ່ານກໍ່ຍັງຕ້ອງສືບຕໍ່ປະຕິບັດມາດຕະການປ້ອງກັນຄື ຮັກສາໄລຍະຫ່າງ, ໃສ່ຜ້າອັດປາກ-ດັງ, ໝັ່ນລ້າງມື, ຫຼີກລ່ຽງການສໍາຜັດຕາ, ດັງ, ປາກ, ຫຼີກລ່ຽງການເຕົ້າໂຮມ ແລະ ຢູ່ບ່ອນອາກາດຖ່າຍເທສະດວກເປັນຕົ້ນ ເພື່ອປ້ອງກັນຕົນເອງ, ຄອບຄົວ ແລະ ຜູ້ທີ່ບໍ່ທັນມີໂອກາດເຂົ້າເຖິງວັກຊີນເທື່ອ. ເພື່ອໃຫ້ທ່ານ ສາມາດເຂົ້າໄປເບິ່ງຂໍ້ມູນທີ່ຖືກຕ້ອງ ແລະ ເປັນທາງການ ໂຄວິດ-19, ເຂົ້າໄປທີ່ເວັບໄຊທາງການ www.covid19.gov.la ເດີ ຫຼືທ່ານ ສາມາດສອບຖາມຜ່ານເບີ 165 ຫຼື 166, ແລະ ທາງເພຈຄະນະສະເພາະກິດ https://www.facebook.com/CCEH.MoH.Lao

ລັດຖະບານ ສະຫະລັດອາເມລິກາ ມອບຊຸດອຸປະກອນການແພດ ແລະ ເຄື່ອງອຸປະໂພກ ໃຫ້ກະຊວງສາທາລະນະສຸກ ລັດຖະບານສະຫະລັດອາເມລິກາ ໄດ້ນຳເອົາຊຸດອຸປະກອນການແພດ ແລະ ເຄື່ອງອຸປະໂພກ ມູນຄ່າ 1.870.000.000 ກີບ ມາມອບໃຫ້ກະຊວງສາທາລະນະສຸກ ແຫ່ງ ສປປ ລາວໃນວັນທີ 25 ພຶດສະພາ 2021 ຕາງໜ້າມອບໂດຍ, ທ່ານ ປີເຕີ ເຮມ໋ອນ ເອກອັກຄະລັດຖະທູດ ສະຫະ ລັດອາເມລິກາ ປະຈຳລາວ ແລະ ຕາງໜ້າຮັບໂດຍ ທ່ານ ບຸນແຝງ ພົມມະໄລສິດ ລັດຖະມົນຕີກະ ຊວງສາທາລະນະສຸກ, ໂດຍມີພາກສ່ວນທີ່ກ່ຽວຂ້ອງທັງສອງຝ່າຍເຂົ້າຮ່ວມ ເປັນສັກຂີພິຍານ. ອຸປະກອນການແພດ ແລະ ເຄື່ອງໃຊ້ອຸປະໂພກ ທີ່ນຳມາມອບໃນຄັ້ງນີ້, ແມ່ນເປັນການມອບຄັ້ງທຳອິດ ຈາກການມອບຮັບສອງຄັ້ງໂດຍຜ່ານການຊ່ວຍເຫລືອ ຂອງສູນບັນຊາການກອງທັບສະຫະ ລັດ ປະຈຳພາກພື້ນອິນໂດປາຊີຟິກ, ກະຊວງປ້ອງກັນປະເທດ ສະຫະລັດອາເມລິກາ ໃຫ້ແກ່ສູນກັກບໍລິເວນ 25 ແຫ່ງ ທົ່ວປະເທດຂອງ ສປປ ລາວ. ທ່ານ ປີເຕີ ເຮມ໋ອນ ໄດ້ຊົມເຊີຍຕໍ່ລັດຖະບານລາວ ທີ່ສາມາດສືບຕໍ່ຄວບຄຸມສະຖານະການການແຜ່ລະບາດຂອງພະຍາດໂຄວິດ-19 ໄດ້ເປັນຢ່າງດີ, ພ້ອມທັງຈະສືບຕໍ່ຊ່ວຍເຫລືອ ສປປ ລາວ ໃນການຄວມຄຸມພະຍາດໂຄວິດ-19, ເຊິ່ງສ່ວນໜຶ່ງຂອງການສືບຕໍ່ການຮ່ວມມື ລະຫວ່າງ ສະຫະລັດອາເມລິກາ...

ກອງປະຊຸມລັດຖະບານ ສະໄໝສາມັນ ປະຈໍາເດືອນພຶດ ສະພາ 2021 ໄດ້ໄຂຂຶ້ນຢ່າງເປັນທາງການ ໃນຕອນເຊົ້າຂອງວັນທີ 20 ແລະ ໄດ້ອັດລົງ ໃນຕອນແລງວັນທີ 21 ພຶດ ສະພາ 2021 ໂດຍໄດ້ດຳເນີນຜ່ານລະບົບກອງປະຊຸມທາງ ໄກ ແລະ ພາຍໃຕ້ການເປັນປະທານຂອງ ທ່ານ ພັນຄຳ ວິພາວັນ, ນາຍົກລັດຖະມົນຕີ; ມີບັນດາທ່ານ ສະມາຊິກລັດຖະ ບານ ເຂົ້າຮ່ວມຢ່າງພ້ອມພຽງ.ກອງປະຊຸມ ໄດ້ຮັບຟັງ, ຄົ້ນຄວ້າປຶກສາຫາລື ແລະ ປະກອບຄຳເຫັນຢ່າງກົງໄປກົງມາ ດ້ວຍຄວາມຮັບຜິດຊອບສູງ ຕໍ່ບັນດາເອກະສານສຳຄັນ ດັ່ງນີ້: ບົດລາຍງານຮອບດ້ານ ການຈັດຕັ້ງປະຕິບັດວຽກງານ ຂອງລັດຖະບານ ປະຈໍາເດືອນພຶດສະພາ ແລະ ທິດທາງແຜນວຽກຈຸດສຸມ ເດືອນມິຖຸນາ 2021: ກອງປະຊຸມ ເຫັນ ດີດ້ານຫຼັກການ ຮັບຮອງເອົາເນື້ອໃນຂອງບົດລາຍງານດັ່ງກ່າວ. ສຳລັບແຜນວຽກຈຸດສຸມ ປະຈຳເດືອນມິຖຸນາ 2021 ມີດັ່ງນີ້: ກ) ຂົງເຂດປ້ອງກັນຊາດ-ປ້ອງກັນຄວາມສະຫງົບ: ສືບຕໍ່ປະຕິບັດແນວທາງ ປ້ອງກັນຊາດ-ປ້ອງກັນຄວາມສະຫງົບຂອງພັກ ຢ່າງຕັ້ງໜ້າ, ທັງເພີ່ມທະວີການແກ້ໄຂປະກົດການຫຍໍ້ທໍ້ຕ່າງໆໃນສັງຄົມ ໃຫ້ຫຼຸດໜ້ອຍຖອຍລົງ; ສືບຕໍ່ລາດ ຕະເວນຕາມຊາຍແດນ ລວມທັງ ຢູ່ຕາມສະຖານທີ່ຊຸມຊົນຕ່າງໆ ໃຫ້ເປັນປົກກະຕິ ຕິດພັນກັບການແກ້ໄຂຕົວຈິງ ຕໍ່ກໍລະນີຕ່າງໆທີ່ພົບເຫັນ ຕາມກົດໝາຍ, ລະບຽບການຕ່າງໆໃຫ້ຖືກຕ້ອງ...

ພະນະທ່ານທອງລຸນສີສຸລິດ, ປະທານປະເທດ ແຫ່ງສປປລາວ ໄດ້ສໍາເລັດການເຂົ້າຮ່ວມກອງປະຊຸມສາກົນວ່າດ້ວຍອະນາຄົດຂອງອາຊີຄັ້ງທີ26,ພາຍໃຕ້ຫົວຂໍ້:“ການສ້າງຍຸກສະໄໝຫຼັງໂຄວິດ-19: ບົດບາດຂອງອາຊີໃນການຟື້ນຕົວຂອງໂລກ”(Shaping the post-COVID era: Asia’s role in the global recovery)ໃນວັນທີ20-21 ພຶດສະພາ 2021 ໃນຮູບແບບກອງປະຊຸມທາງໄກ ຈັດໂດຍ ສໍານັກຂ່າວໜັງສືພິມເສດຖະກິດຍີ່ປຸ່ນ (NIKKEI). ໃນກອງປະຊຸມຄັ້ງນີ້ ທ່ານປະທານປະເທດໄດ້ຂຶ້ນກ່າວປາໄສ ໂດຍໄດ້ຍົກໃຫ້ເຫັນເຖິງບັນຫາທີ່ພົ້ນເດັ່ນຂອງໂລກ ແລະ ສິ່ງທ້າທາຍ ທີ່ພວກເຮົາກໍາລັງປະເຊີນຢູ່ ໃນປະຈຸບັນນີ້ ພ້ອມທັງຍົກໃຫ້ເຫັນເຖິງ ການວາງແຜນທີ່ມີລັກສະນະຍຸດທະສາດຮ່ວມກັນ ເພື່ອຮັບມືກັບສິ່ງທ້າທ້າຍຕ່າງໆ ພາຍຫຼັງ COVID-19, ບົດບາດຄວາມສໍາຄັນ ຂອງອາຊີ ໃນການຟື້ນຟູເສດຖະກິດ-ສັງຄົມ ຂອງໂລກ ແລະ ການເພີ່ມທະວີ ການຮ່ວມມືທີ່ມີຄຸນນະພາບ ເພື່ອການພັດທະນາ ທີ່ສອດຄ່ອງກັບຍຸກສະໄໝໃໝ່ ດ້ວຍຄວາມຮັບຜິດຊອບຮ່ວມກັນ. ພ້ອມກັນນີ້, ພະນະທ່ານ ປະທານປະເທດ ແຫ່ງ ສປປ ລາວ ກໍ່ໄດ້ຍົກໃຫ້ເຫັນບົດບາດຂອງ ສປປ ລາວ ໃນການປະກອບສ່ວນຮ່ວມມືຢ່າງຕັ້ງໜ້າ ເຂົ້າໃນຂະບວນການລວມ ເພື່ອກຽມພ້ອມ ແລະ ຮັບມືກັບວິກິດການຕ່າງໆ ໃນປະຈຸບັນ ແລະ ອາດເກີດຂຶ້ນໃໝ່ ແນໃສ່ປົກປັກຮັກສາສັນຕິພາບ, ສະຖຽນລະພາບ ແລະ ສ້າງເງື່ອນໄຂອັນສະດວກໃຫ້ແກ່ການພັດທະນາ ຮ່ວມກັບ ວົງຄະນະຍາດສາກົນ...