ນັກວິທະຍາສາດຈາກມະຫາວິທະຍາໄລຄາລິຟໍເນຍ ເຜີຍແຜ່ຜົນການວິໄຈໄຂປິດສະໜາສຽງຫັກຂໍ້ນິ້ວມືດ້ວຍວິທີການອັລຕຣາຊາວ ຫລື ເອັກໂກ ລະຫ່ວາງການປະຊຸມລັງສີແຫ່ງອາເມລິກາເໜືອ ຢູ່ເມືອງຊິກາໂກ ສະຫະລັດອາເມລິກາ ພົບວ່າ: ສຽງຫັກຂໍ້ນິ້ວມືນັ້ນບໍ່ໄດ້ມີສາເຫດມາຈາກການກະທົບກັນຂອງກະດູກ ຫລື ເສັ້ນເອັນ, ແຕ່ເປັນສຽງທີ່ມາຈາກຟອງແກ໊ສທີ່ຢູ່ໃນໄຂກະດູກລະຫ່ວາງຂໍໍ້ນິ້ວ.


ນອກຈາກນີ້, ຜົນການທົດລອງຍັງພົບຕື່ມວ່າ ການຫັກຂໍ້ນິ້ວມືບໍ່ໄດ້ສົ່ງຜົນຮ້າຍຕໍ່ສຸຂະພາບຂອງຂໍ້ນິ້ວມືແຕ່ຢ່າງໃດ, ແຕ່ຊຳ້ພັດເຮັດໃຫ້ເກີດຄວາມຫົດຢືດຍິ່ງຂຶ້ນແທນ.


ນັກວິທະຍາສາດຕໍ່ຍອດວຽກງານວິໄຈທີ່ໃຊ້ການ MRI ໃນການສັງເກດຂໍ້ນິ້ວມືທີ່ຜ່ານມາ ເຊິ່ງພົບວ່າ ສຽງຫັກຂໍ້ນິ້ວມືນັ້ນເກີດຂຶ້ນຈາກຟອງແກ໊ສທີ່ເກີດຂຶ້ນໃນໄຂຂໍ້ນິ້ວມືໂດຍໃນເທື່ອນີ້ໃຊ້ການເອັກໂກ ເຊິ່ງສາມາດສັງເກດປະກົດການໄດ້ລະອຽດກ່ວາ 10 ເທົ່າ ໂດຍທີມວິໄຈໄດ້ອາສາສະໝັກທີ່ມັກຫັກຂໍ້ນິ້ວມືຢູ່ເປັນປະຈຳ 30 ຄົນ ພ້ອມກັບຄົນທີ່ບໍ່ເຄີຍຫັກຂໍ້ນິ້ວມືເລີຍ 10 ຄົນ ມາຮ່ວມທົດລອງ ແລະ ສັງເກດການຫັກຂໍ້ນິ້ວມືກ່ວາ 400 ເທື່ອ ແລະ ພົບພາບການເກີດຂຶ້ນຂອງແກ໊ສໃນຂໍ້ນິ້ວມື.

ຊົມຄລິບ ມ່ວນໆ ມັນໆ ມີສາລະ

ອອກ​ຈາກ ບ່ອນໃຫ້ຄໍາເຫັນ

ກະລຸນາໃຫ້ຄໍາຄິດເຫັນ
ກະລຸນາໃສ່ຊື່