ຕັບເຮັດໜ້າທີ່ຕົ້ນຕໍໃນການຜະລິດນ້ຳບີໃຫ້ຖົງນ້ຳບີ, ຊ່ວຍກັ່ນຕອງເລືອດ, ສົ່ງເລືອດດີເຂົ້າສູ່ຮ່າງກາຍ ແລະ ສົ່ງເລືອດໄປຫາໝາກໄຂ່ຫລັງລ້າງສານພິດ ແລະ ຕັບຍັງຊ່ວຍຍ່ອຍອາຫານ, ເບິ່ງແຍງເສັ້ນຜົມ, ຂົນ, ເລັບ. ຖ້າຕັບເຮັດວຽກໜັກ ໝາກໄຂ່ຫລັງກໍ່ຊ່ວຍເຮັດວຽກ ແລະ ເມື່ອເຮັດວຽກໜັກຫລາຍຕັບກໍ່ຈະເສຍຫາຍໝາກໄຂ່ຫລັງກໍ່ຈະເສື່ອມສະພາບ.


ການລ້າງພິດຕັບເໝາະສົມກັບຄົນທີ່ມີພຶດຕິກຳການໃຊ້ຊີວິດທີ່ມີຄວາມສ່ຽງ ເຊັ່ນ: ການສູບຢາ, ດື່ມເຫລົ້າເປັນປະຈຳ ແລະ ຜູ້ທີ່ກິນອາຫານບໍ່ຖືກຫລັກອະນາໄມ ເປັນຕົ້ນແມ່ນອາຫານເຜັດ, ເຄັມ, ປີ້ງ, ເຜົາ ຫລື ຜູ້ທີ່ມີຄວາມເຄັ່ງຄຽດ, ຜູ້ທີ່ນອນຫລັບພັກຜ່ອນບໍ່ພຽງພໍ ເຫລົ່ານີ້ລ້ວນແຕ່ເປັນສາເຫດທີ່ເຮັັດໃຫ້ຕັບເຮັດວຽກໜັກ ແລ້ວນຳໄປສູູ່ການເປັນພະຍາດ ແລະ ອາການຕ່າງໆ ເຊັ່ນ: ຕັບອັກເສບ, ຕັບແຂງ, ຝີໃນຕັບ, ພະຍາດເບົາຫວານ ແລະອື່ນໆ.
ຖ້າຕັບຂອງທ່ານໄລ່ພິດໄດ້ບໍ່ສົມບູນຈະມີອາການດັ່ງຕໍ່ໄປນີ້:

-ອາການທີ່ພົບເລື້ອຍໆ: ມັກຜິດຖຽງກັນ, ກ່າວຄຳຫລາບຄາຍມັກຄວາມຮຸນແຮງ, ຕ້ອງການເລື່ອງຕື່ນເຕັ້ນ, ຕ້ອງການແກ້ແຄ້ນ, ບໍ່ອົດທົນ, ບໍ່ອົດກັ້ນຄວາມຄຽດຊັງ, ຍິ້ມຍາກ, ສຽງດັງ, ເບື່ອງ່າຍ ແລະ ບໍ່ກ້າຕັດສິນໃຈ.

-ອາການທາງຮ່າງກາຍ: ບໍລິເວນຜົ້ງທ້ອງໃຄ່ຂຶ້ນ, ເມື່ອຍງ່າຍ, ກິນຫລາຍ, ວິນຫົວປວດຮາກ, ເຈັບໜ້າເອິກ, ກ້າມຊີ້ນບໍ່ຫົດຢືດ, ຍ່າງໂຕແຂງ, ບໍ່ມີໄຂມັນໃນຕັບ, ຊົງໂຕບໍ່ຄ່ອຍຢູ່, ປວດແອວ, ປວດຫລັງ, ແໜ້ນໜ້າເອິກ, ຍ່ຽວບໍ່ຮູ້ໂຕ, ເຈັບທ້ອງນ້ອຍ, ເສື່ອມສະມັດຕະພາບທາງເພດ, ມົດລູກເລີ່ມໃຫຍ່, ເຈັບເຄັ່ງສົ້ນນ່ອງ, ຜູ້ຊາຍກໍ່ເປັນຕ່ອມລູກໝາກໃຫຍ່.
ປະໂຫຍດຈາກການລ້າງພິດຕັບ
ຊ່ວຍປ້ອງກັນ ແລະ ຕໍ່ສູ້ກັບພະຍາດມະເຮັງ, ຊ່ວຍຫລຸດການສະສົມຂອງໄຂມັນທີ່ຫຸ້ມຕັບ ແລະ ຫລຸດການຈັບໂຕຂອງໄຂມັນຢູ່ບໍລິເວນຜິວໜັງຫລອດເລືອດ, ຊ່ວຍເຮັດຄວາມສະອາດ ແລະ ກຳຈັດສິ່ງເປິເປື້ອນ, ສິ່ງເສດເຫລືອ, ກາກອາຫານ ລວມທັງສານພິດທີ່ຕົກຄ້າງຢູ່ໃນລຳໄສ້, ຊ່ວຍເຮັດຄວາມສະອາດລຳໄສ້, ອາຈົມ, ແບັກທີເຣຍທີ່ເປັນໂທດຕໍ່ຮ່າງກາຍ ແລະ ສານພິດຕ່າງໆຈະຖືກລ້າງອອກ.
ວິທີລ້າງສານພິດໃນຕັບ:

-ກິນເຫັດ 3 ຢ່າງຂຶ້ນໄປ, ປຸງແຕ່ງເປັນອາຫານ (ຫ້າມຂົ້ວໃສ່ນໍ້າມັນ).

-ກິນຂີ້ໝິ້ນກ່ອນນອນ.

-ລະຫວ່າງເວລາ 1 ໂມງ ເຊົ້າ – 3 ໂມງເຊົ້າຈະຕ້ອງຫລັບ.

-ຫລີກເວັ້ນການນຳເອົາສານເຄມີ, ສານພິດຮູບແບບຕ່າງໆເຂົ້າສູ່ຮ່າງກາຍ.

-ບໍ່ກິນແປ້ງນົວຫລາຍ ຫລື ໂມໂນໂຊດຽມກລູຕາເມດຫລາຍ ເພາະມັນຈະຕົກຄ້າງໃນຕັບ.

ຊົມຄລິບ ມ່ວນໆ ມັນໆ ມີສາລະ

ອອກ​ຈາກ ບ່ອນໃຫ້ຄໍາເຫັນ

ກະລຸນາໃຫ້ຄໍາຄິດເຫັນ
ກະລຸນາໃສ່ຊື່