ການອອກກຳລັງກາຍບໍ່ວ່າຈະເຮັດບ່ອນໃດກໍ່ໄດ້ປະໂຫຍດທັງນັ້ນ ແຕ່ການອອກກຳລັງກາຍໃນຮົ່ມ ບໍ່ວ່າຈະເປັນທີ່ເຮືອນ ຫລື ໃນຟິດເນສ ກໍ່ຍ່ອມມີຂໍ້ຈຳກັດ ແລະ ຂໍ້ເສຍເຊັ່ນກັນ ຕ່າງຈາກການອອກກຳລັງກາຍກາງແຈ້ງ ທີ່ນອກຈາກຈະໄດ້ສໍາຜັດກັບອາກາດສົດຊື່ນ ແລະ ທຳມະຊາດຮອບຕົວແລ້ວ ກໍ່ຍັງມີແຕ່ປະໂຫຍດອີກຫລວງຫລາຍທີ່ດີຕໍ່ສຸຂະພາບ ເຮົາລອງໄປເບິ່ງກັນວ່າປະໂຫຍດຂອງການອອກກຳລັງກາຍທີ່ເວົ້າເຖິງນັ້ນມີຫຍັງນຳ.

1.ເຜົາຜານແຄລໍລີຫລາຍຂຶ້ນ: ການອອກກຳລັງກາຍ ເຮັດໃຫ້ສາມາດເຜົາຜານແຄລໍລີໄດ້ໄວຂຶ້ນ ແຖມຍັງຊ່ວຍເຮັດໃຫ້ຮູ້ສຶກເພີດເພີນໄປກັບການອອກກຳລັງກາຍ.

2.ເຮັດໃຫ້ອາລົມດີຂຶ້ນ: ການອອກກຳລັງກາຍເຮັດໃຫ້ຮູ້ສຶກມ່ວນ ແລະ ເພີດເພີນຫລາຍກວ່າ ເມື່ອປຽບທຽບກັບການນັ່ງໃນຫ້ອງນັ່ງຫລິ້ນ ເຈົ້າຈະຮູ້ສຶກເຄັ່ງຄຽດໜ້ອຍລົງ ແຖມຍັງຊ່ວຍເຮັດໃຫ້ເຈົ້າຮູ້ສຶກຄຶກຄື້ນຂື້ນອີກ.

3.ເພີ່ມວິຕາມິນດີໃນຮ່າງກາຍ: ການອອກກຳລັງກາຍກາງແຈ້ງເປັນວິທີທີ່ດີທີ່ສຸດທີ່ເຮັດໃຫ້ໄດ້ຮັບວິຕາມິນດີ ເຊິ່ງວິຕາມິນດີ ເປັນວິຕາມິນທີ່ດີຕໍ່ຫົວໃຈ, ກະດູກ ແລະ ລະບົບພູມຄຸ້ມກັນ ແຖມຍັງຊ່ວຍຄວບຄຸມນ້ຳໜັກໃຫ້ຢູ່ໃນລະດັບທີ່ດີຕໍ່ສຸຂະພາບ ແລະ ມັນຈຳເປັນຕໍ່ສຸຂະພາບໂດຍລວມຂອງເຮົາ.

4.ເພື່ອລະບົບປະສາດທີ່ດີຂຶ້ນ: ການອອກກໍາລັງກາຍເປັນການກະຕຸ້ນລະບົບປະສາດພາຍໃນຮ່າງກາຍເຮົາ ເພາະການເຄື່ອນໄຫວຕ່າງໆທີ່ເກີດຂຶ້ນໃນການອອກກຳລັງກາຍ ຈະຊ່ວຍເສີມສ້າງຄວາມຫົດຢືດ, ຄວາມແຂງແຮງຂອງຮ່າງກາຍ ແລະ ເປັນການປັບສົມດຸນພາຍໃນລະບົບປະສາດ ເຮັດໃຫ້ການຕອບສະຫນອງຕ່າງໆດີຂຶ້ນ ເຊິ່ງອາການຫລົງໆລືມໆສາມາດຫລຸດລົງໄດ້.

5.ຄວບຄຸມນ້ຳໜັກໂຕໄດ້: ການອອກກຳລັງກາຍ ເຮັດໃຫ້ເຮົາຮູ້ສຶກມ່ວນ ແລະ ເພີດເພີນ ເມື່ອເຮັດເປັນປະຈຳສິ່ງທີ່ໄດ້ ກໍ່ຄືຜົນລັບທີ່ແສນຄຸ້ມຄ່າ ນັ້ນກໍ່ຄືນ້ຳໜັກໂຕທີ່ດີຕໍ່ສຸຂະພາບ ເຊິ່ງຈະຊ່ວຍເຮັດໃຫ້ຄວາມສ່ຽງຕໍ່ບັນຫາສຸຂະພາບຕ່າງໆຫລຸດລົງ.

6.ມີສະມາທິຫລາຍຂຶ້ນ: ການອອກກຳລັງກາຍສາມາດຊ່ວຍເຮັດໃຫ້ເຮົາມີສະມາທິຫລາຍຂຶ້ນ ເນື່ອງຈາກມັນບໍ່ມີຫຍັງທີ່ຈະຄອຍຖ້າດຶງຄວາມສົນໃຈຂອງເຮົາໄປຈາກການອອກກຳລັງກາຍໄດ້ ແຕ່ທາງທີ່ດີເພື່ອໃຫ້ໄດ້ຮັບປະໂຫຍດສູງສຸດຈາກການອອກກຳລັງກາຍ ທ່ານບໍ່ຄວນຈະພົກອຸປະກອນສື່ສານໃດໆໄປນໍາຈະດີທີ່ສຸດ ຫລື ຖ້າຫາກຈຳເປັນກໍ່ປິດສຽງເຕືອນແລ້ວເກັບໃສ່ກະເປົ໋າເອົາໄວ້ເລີຍ

7.ຊ່ວຍຕໍ່ສູ້ກັບພາວະຊຶມເສົ້າ: ການອອກກຳລັງກາຍເປັນວິທີທີ່ຊ່ວຍປ້ອງກັນພາວະຊຶມເສົ້າທີ່ດີຫລາຍ ເພາະທຳມະຊາດຈະຊ່ວຍສ້າງເສີມອາລົມຂອງຄົນເຮົາ, ເຮັດໃຫ້ຮູ້ສຶກດີ ແລະ ມີຄວາມສຸກເພີ່ມຂຶ້ນ ຈຶ່ງຊ່ວຍໃຫ້ສຸຂະພາບຈິດໂດຍລວມດີຂຶ້ນນໍາອີກ ດັ່ງນັ້ນຖ້າຫາກໃຜກຳລັງມີບັນຫາກ່ຽວກັບຄວາມວິຕົກກັງວົນ ຫລື ຢູ່ໃນພາວະຊຶມເສົ້າ ຄວນຈະອອກຈາກເຮືອນໄປອອກກຳລັງກາຍຢ່າງໜ້ອຍອາທິດລະ 2 – 3 ເທື່ອ ກໍ່ຈະຊ່ວຍເຮັດໃຫ້ອາການທາງຈິດໃຈຕ່າງໆດີຂຶ້ນ.

8.ຫລຸດຄວາມສ່ຽງພະຍາດຫົວໃຈ: ການເພີ່ມຂຶ້ນຂອງລະດັບວິຕາມິນດີ ທີ່ມາຈາກການອອກກຳລັງກາຍກາງແຈ້ງ ຈະຊ່ວຍເຮັດໃຫ້ສຸຂະພາບຫົວໃຈແຂງແຮງຂຶ້ນ ແຖມຊ່ວຍຫລຸດຄວາມສ່ຽງພະຍາດຫົວໃຈໄດ້ນໍາອີກ ແຕ່ນອກເໜືອຈາກການອອກກຳລັງກາຍແລ້ວ ການທີ່ຈະມີສຸຂະພາບຫົວໃຈທີ່ດີໄດ້ ກໍ່ຕ້ອງອາໄສການເລືອກຮັບປະທານອາຫານທີ່ດີນໍາ ດັ່ງນັ້ນຖ້າຢາກໃຫ້ຫົວໃຈແຂງແຮງ ກໍ່ຢຸດກິນເຂົ້າໜົມແລ້ວອອກໄປແລ່ນສາ!


ປະໂຫຍດຂອງການອອກກຳລັງກາຍມີຫລວງຫລາຍ ແຕ່ຖ້າທ່ານທີ່ເຮັດເປັນປະຈຳ ຮັບຮອງວ່າທ່ານຈະສາມາດເຫັນຄວາມປ່ຽນແປງໄດ້ພຽງໃນເວລາບໍ່ຈັກອາທິດ ແຕ່ກໍ່ບໍ່ຄວນຫັກໂຫມຫລາຍເກີນໄປ ແລ້ວຖ້າເກີດໃຜມີພະຍາດປະຈຳໂຕ ກໍ່ຄວນຈະປຶກສາແພດກ່ອນ ເພື່ອຄວາມປອດໄພ ແລະ ສຸຂະພາບທີ່ດີ.
ຂອບໃຈທີ່ມາ:mthai.com

ຊົມຄລິບ ມ່ວນໆ ມັນໆ ມີສາລະ

ອອກ​ຈາກ ບ່ອນໃຫ້ຄໍາເຫັນ

ກະລຸນາໃຫ້ຄໍາຄິດເຫັນ
ກະລຸນາໃສ່ຊື່