ພາບ-ຂ່າວ: ພຸດທະສອນ
ໃນວັນທີ 27 ກຸມພາ 2019 ນີ້, ຢູ່ທີ່ຊັ້ນ 3 ຫ້ອງວ່າການແຂວງເຊກອງ ສະຫະພັນແມ່ຍິງແຂວງເຊກອງ ( ສຍ ) ໄດ້ຈັດກອງປະຊຸມສຳມະນາວຽກງານ 3 ດີ ແລະວຽກງານກຸ່ມທ້ອນເງິນ ປະຈໍາປີ 2019 ໃຫ້ຄະນະໜ່ວຍສະຫະພັນແມ່ຍິງອ້ອມຂ້າງແຂວງໂດຍການເປັນປະທານຂອງທ່ານ ນາງ ວິໄລວັນ ດາລາສິນ ປະທານສະຫະພັນແມ່ຍິງແຂວງເຊກອງ, ມີທ່ານ ນາງ ບຸນຖະໜອມ ສີສຸມານ ຫົວໜ້າຂະແໜງພັດທະນາ-ວິຊາຊີບ ພ້ອມດ້ວຍຄະນະປະທານໜ່ວຍຮາກຖານສະຫະພັນແມ່ຍິງອ້ອມຂ້າງແຂວງ ແລະຂະແໜງການທີ່ກ່ຽວຂ້ອງສະຫະພັນແມ່ຍິງເຂົ້າຮ່ວມ, ສຳລັບຊຸດສຳນາຄັ້ງນີ້ ແມ່ນດຳເນີນໄປເປັນເວລາ 1 ຄາບ ເຊິ່ງຄະນະຮັບຜິດຊອບຈະໄດ້ນຳສະເໜີ 2 ເອກະສານສຳຄັນຄື: ເອກະສານວຽກງານ 3 ດີ ແລະເອກະສານກຽວກັບກຸ່ມທ້ອນເງິນ.

ເຊກອງ ສໍາມະນາ ວຽກງານ 3 ດີ ແລະວຽກງານກຸ່ມທ້ອນເງິນ ໃຫ້ໜ່ວຍສະຫະພັນແມ່ຍິງທົ່ວແຂວງ

ທ່ານ ນາງ ວິໄລວັນ ດາລາສິນ ໄດ້ກ່າວວ່າ: ວຽກງານ 3 ດີ ແລະ ວຽກງານກຸ່ມທ້ອນເງິນ ແມ່ນວຽກງານໜຶ່ງທີ່ສຳຄັນສຳລັບອົງການຈັດຕັ້ງສະຫະພັນແມ່ຍິງ ນັບແຕ່ສູນກາງຈົນຮອດທ້ອງຖິ່ນໃນທົ່ວປະເທດ ທີ່ໄດ້ເປັນເອກະພາບກັນຈັດຕັ້ງປະຕິບັດຕາມຄູ່ມືແນະນໍາຂອງສູນກາງສະຫະພຫນແມ່ຍິງລາວ, ເຊິ່ງຜ່ານມາພວກເຮົາໄດ້ມີການເຄື່ອນໄຫວຮັບຮອງໜ່ວຍ ສຍ 3 ໃນໄລຍະ I ( ປີ 2016-2017 ) ເກືອບໄດ້ 100% ແລະການຈັດສໍາມະນາໃນຄັ້ງນີ້ ກໍເພື່ອຈັດຕັ້ງປະຕິບັດຕາມແຜນການເຄື່ອນໄຫວວຽກງານປະຈຳປີຂອງສະຫະພັນແມ່ຍິງແຂວງ ກໍ່ຄືແຜນການເຄື່ອນໄຫວ ຂອງຂະແໜງພັດທະນາວິຊາຊີບ ໂດຍສະເພາະ ແຜນການຈັດກອງປະຊຸມສຳມະນາ, ຝຶກອົບຮົມກ່ຽວກັບ ວຽກງານ 3 ດີ ແລະ ວຽກງານກອງທຶນ-ກຸ່ມທ້ອນເງິນ ຢ່າງໜ້ອຍ 1 ຄັ້ງ/ປີ ທັງນີ້ ກໍ່ເພື່ອຕອບສະໜອງຕາມຄວາມຮຽກຮ້ອງຕ້ອງການກໍ່ຄືຕອບສະໜອງຕາມການສະເໜີຂອງບັນດາໜ່ວຍອ້ອມຂ້າງແຂວງ ເພື່ອຄວາມຮັບຮູ້ເຂົ້າໃຈເລິກເຊິ່ງ ແລະ ເພື່ອສ້າງເງື່ອນໄຂໃຫ້ຄະນະໜ່ວຍອ້ອມຂ້າງແຂວງໄດ້ແລກປ່ຽນບົດຮຽນເຊິ່ງກັນ ແລະກັນ ໃນການຈັດຕັ້ງປະຕິບັດວຽກງານຕົວຈິງ ເພື່ອເປັນເອກະພາບກັນ ແລະ ຊ່ວຍໃຫ້ການຈັດຕັ້ງປະຕິບັດວຽກງານ 3 ດີແລະວຽກງານກຸ່ມທ້ອນເງິນໃນປີ 2019 ໃຫ້ໄດ້ຮັບການຈັດຕັ້ງປະຕິບັດດີຂຶ້ນເລື້ອຍໆ.

ເຊກອງ ສໍາມະນາ ວຽກງານ 3 ດີ ແລະວຽກງານກຸ່ມທ້ອນເງິນ ໃຫ້ໜ່ວຍສະຫະພັນແມ່ຍິງທົ່ວແຂວງ

ໃນພິທີ ຂະແໜງການທີ່ກ່ຽວຂ້ອງ ໄດ້ຜ່ານເນື້ອໃນເອກະສານແນະນໍາການຈັດຕັ້ງປະຕິບັດຂໍ້ແຂ່ງຂັນ 3 ດີ ແລະເອກະສານຄູ່ມືວຽກງານກຸ່ມທ້ອນເງິນ ໃຫ້ຜູ້ເຂົ້າຮ່ວມໄດ້ຮັບຮູ້ ແລະເຂົ້າໃຈຢ່າງເລິກເຊິ່ງ ຈາກນັ້ນກໍໄດ້ແບ່ງເປັນກຸ່ມເພື່ອສົນທະນາຄົ້ນຄວ້າ ແລະແລກປ່ຽນບົດຮຽນຮ່ວມກັນ ພ້ອມທັງປະເມີນການສໍາມະນາ ທັງນີ້ເພື່ອໃຫ້ມີຄວາມເປັນເອກະພາບຮ່ວມກັນຮັບຮອງເອົາບັນຫາຕ່າງໆທີ່ໄດ້ຄົ້ນຄວ້າປຶກສາຫາລືກັນ ແລະນໍາເອົາບົດຮຽນທີ່ຖອດຖອນໄດ້ນໍາໄປຈັດຕັ້ງປະຕິບັດວຽກງານຕົວຈິງໃນຕໍ່ໜ້າໃຫ້ມີປະສິທິພາບ ແລະປະສິດທິຜົນສູງກວ່າເກົ່າ.

ຊົມຄລິບ ມ່ວນໆ ມັນໆ ມີສາລະ

ອອກ​ຈາກ ບ່ອນໃຫ້ຄໍາເຫັນ

ກະລຸນາໃຫ້ຄໍາຄິດເຫັນ
ກະລຸນາໃສ່ຊື່