ອາທິດຜ່ານມາ ຢູ່ທີ່ສະໂມສອນຂອງເມືອງແກ້ວອຸດົມ ໄດ້ຈັດກອງປະຊຸມທາບທາມບຸກຄະລະກອນ ຄະນະບໍລິຫານງານພັກເມືອງຄັ້ງ 05 ຮອບທີ 01 ໂດຍໃຫ້ກຽດຂື້ນເປັນປະທານຂອງ ທ່ານ ທອງສະຫວັນ ວົງສຳພັນ ຄະນະປະຈຳພັກແຂວງປະທານແນວລາວສ້າງຊາດແຂວງວຽງຈັນ.

ໃນກອງປະຊຸມຜູ້ເຂົ້າຮ່ວມໄດ້ຮັບຟັງມະຕິຕົກລົງຂອງຄະນະປະຈຳພັກແຂວງວຽງຈັນສະບັບເລກທີ 08 / ຄປພ.ວຈ ລົງວັນທີ 09 ມັງກອນ 2019 ຜ່ານມະຕິຕົກລົງກົມການເມືອງສູນກາງພັກສະບັບເລກທີ 030 / ກມສພ ລົງວັນທີ 03 ມັງກອນ 2018 ວ່າດ້ວຍມາດຕະຖານຂອງພະນັກງານນຳພາຄຸ້ມຄອງທີ່ປະຊຸມຄະນະຮັບຜິດຊອບບຸກຄະລະກອນຂັ້ນແຂວງ ໄດ້ເນັ້ນໃຫ້ສະມາຊິກພັກະນັກງານກ່ຽວກັບການເລືອກເຟັ້ນ ແລະ ການທາບທາມບຸກຄະລະກອນຮອບ 01 ຢູ່ເມືອງແກ້ວອຸດົມ ປະກອບເຂົ້າເປັນຄະນະບໍລິງານພັກຊຸດໃໝ່ຕ້ອງຮັບປະກັນ 03 ຮຸ້ນອາວຸໂສ,ກາງ,ໜຸ່ມປະກອບມີທັງຜູ້ເກົ່າ ແລະ ຜູ້ໃໝ່ໃນນັ້ນຮຸ້ນໜຸ່ມ ແລະ ກາງໃຫ້ກວມອັດຕາສ່ວນຫຼາຍແນ່ໃສ່ຮັບປະກັນຫຼັກສະນະສືບທອດຕໍ່ເນື່ອງ ແລະ ຫັນເປັນໜຸ້ມສູ້ຊົນໃຫ້ໂຄງປະກອບເພດຍິງ,ຊົນເຜົ່າມີຈຳນວນເພີ່ມຂື້ນ.

ຈາກນັ້ນ ກອງໄດ້ພ້ອມກັນ ປ່ອນບັດທາບທາມບຸກຄະລະກອນຄະນະບໍລິຫານພັກເມືອງຮອບໜື່ງຕາມວາລະກະ ກຽມດຳເນີນກອງປະຊຸມໃຫຍ່ສາມຂັ້ນ. ອົງຄະນະພັກແຂວງ ອົງຄະນະພັກເມືອງ ແລະ ຮາກຖານນພັກທົ່ວແຂວງວຽງຈັນ ເຂົ້າຮ່ວມມີຄະນະປະຈຳພັກເມືອງ,ກຳມະການພັກເມືອງຫົວໜ້າຫ້ອງ,ຮອງຫ້ອງການ,ເລຂາໜ່ວຍພັກອ້ອມຂ້າງ ແລະ ເລຂາພັກບ້ານນາຍເຂົ້າຮ່ວມຢ່າງພ້ອມພຽງ.

ຂ່າວ : ເມືອງແກ້ວອຸດົມ ແຂວງວຽງຈັນ

ຊົມຄລິບ ມ່ວນໆ ມັນໆ ມີສາລະ

ອອກ​ຈາກ ບ່ອນໃຫ້ຄໍາເຫັນ

ກະລຸນາໃຫ້ຄໍາຄິດເຫັນ
ກະລຸນາໃສ່ຊື່