ພິທີມອບ-ຮັບເຮືອບິນ IL-103 ຈໍານວນ 2 ລໍາລະຫວ່າງ ບໍລິສັດ ໄຊລຽນກຣຸບ ແລະ ກອງບັນຊາການທະຫານອາ ກາດ ກອງທັບປະຊາຊົນລາວໄດ້ຈັດຂຶ້ນຢູ່ສະໜາມບິນທົ່ງໄຫຫີນແຂວງຊຽງຂວາງ , ໃນວັນທີ 8 ຕຸລາ 2020 ນີ້, ໂດຍການເຂົ້າຮ່ວມເປັນປະທານຂອງ ທ່ານ ພົນຈັດຕະວາ ບຸນມາ ຈັນທະວົງສາ ຮອງຫົວໜ້າກອງບັນຊາການທະຫານອາກາດ, ມີຄະນະຫ້ອງເຕັກນິກ (ກທອ), ຄະນະພັກ-ຄະນະບັນຊາກອງພັນໃຫຍ່ 702 ແລະ ບໍລິສັດໄຊລຽນກຣຸບພ້ອມດ້ວຍພະນັກງານວິຊາການທັງສອງຝ່າຍເຂົ້າຮ່ວມ.
![](https://scontent.fvte3-1.fna.fbcdn.net/v/t1.0-9/121352775_4470650763009821_2532114915814815343_n.png?_nc_cat=106&_nc_sid=730e14&_nc_ohc=ayYvmaOQ7nsAX_flkhW&_nc_ht=scontent.fvte3-1.fna&oh=0ba7a185725c899a479805ff819421b2&oe=5FAD6261)
ທ່ານ ນາງ ຫອມມະລີ ເພັດທະນູ ຜູ້ຈັດການບໍລິສັດໄຊລຽນກຣຸບ ຕາງໜ້າໃຫ້ບໍລິສັດໄຊລຽນ ກຣຸບ ຂຶ້ນກ່າວມອບເຮືອບິນ IL-103 ຈໍານວນ 2 ລໍາ ຄື: ເບີ 735 ແລະ 732 ໃຫ້ກອງບັນຊາການທະຫານອາກາດອີງຕາມຄວາມຮຽກຮ້ອງຕ້ອງການຂອງວຽກງານ ການບິນເພື່ອຮັບໃຊ້ໜ້າທີ່ການເມືອງຂອງພັກ-ລັດ ເຮັດໃຫ້ເຮືອບິນສາມາດນຳໃຊ້ເຂົ້າໃນວຽກງານການບິນອົບຮົມ-ຫັດແອບ ໄດ້ຢ່າງຕໍ່ເນື່ອງໃຫ້ນັກບິນມີ ຄວາມຊຳນິຊຳນານໃນການຂັບ ຂີ່ຂັ້ນພື້ນຖານ ແລະ ຜົນສຳເລັດ ຂອງການສ້ອມແປງໃຫຍ່, ການປະກອບ ແລະ ກວດກາເຕັກນິກທົດລອງຕົວຈິງໃນການແປງເປັນໄລຍະເວລາ 5 ເດືອນ ນັບແຕ່ມື້ເຊັນສັນຍາເປັນຕົ້ນມາ ບໍລິສັດ ໄດ້ປະຕິບັດການສ້ອມແປງແຕ່ ວັນທີ 25/9/2020 ແລະ ສໍາເລັດ ການສ້ອມແປງ ວັນທີ 3/10/ 2020.
![Ilyushin Il-103 - Wikipedia](https://upload.wikimedia.org/wikipedia/commons/a/a5/Il-103.jpg)
ໂອກາດນີ້, ທ່ານ ພັນເອກ ສອນທອງ ແກ້ວຈັນດາ ຫົວໜ້າ ຫ້ອງເຕັກນິກ ກອງບັນຊາການ ທະຫານອາກາດ ຕາງໜ້າໃຫ້ຄະ ນະພັກ-ຄະນະບັນຊາ ກອງບັນຊາ ການທະຫານອາກາດຂຶ້ນກ່າວ ຮັບເອົາເຮືອບິນ IL-103 ຈຳ ນວນ 2 ລໍາ, ນໍ້າ ເບີ 735 ແລະ 732 ເປັນທາງການ.
![Ilyushin Il-103, pictures, technical data, history - Barrie Aircraft Museum](https://barrieaircraft.com/images/ilyushin-il-103-01.jpg)
ພ້ອມນີ້, ຍັງ ໄດ້ເຊັນສັນຍາລະຫ່ວາງບໍລິສັດ ໄຊລຽນກຣຸບ ແລະ ກອງບັນຊາ ການທະຫານອາກາດ, ຈາກນັ້ນ, ກໍມອບເຮືອບິນ IL- 103 ຈໍານວນ 2 ລໍາ, ນໍ້າເບີ 735 ແລະ 732 ໃຫ້ກອງພັນໃຫຍ່ 702 ເປັນຜູ້ນຳ ໃຊ້ເຂົ້າໃນການເຝິກແອບຮໍ່າຮຽນ ແລະ ກຽມພ້ອມສູ້ຮົບຕາມໜ້າທີ່ການເມືອງທີ່ຂັ້ນເທິງມອບໃຫ້ ດ້ວຍຄວາມຮັບຜິດຊອບສູງ.
![File:Ilyushin Il-103 at MAKS-2003 airshow.jpg - Wikimedia Commons](https://upload.wikimedia.org/wikipedia/commons/a/ac/Ilyushin_Il-103_at_MAKS-2003_airshow.jpg)