ໂຮງໝໍນ້ອຍຫ້ວຍລົມ ໄດ້ຮັບການຊ່ວຍເຫຼືອອຸປະກອນການແພດ

0
835

ຕາມການລາຍງານ ຈາກ ສຳນັກຂ່າວ ຂປລ. ແຫຼ່ງຂ່າວຈາກແຂວງບໍ່ແກ້ວ ໃຫ້ຮູ້ວ່າ: ເມື່ອບໍ່ດົນມານີ້, ພະປີຫລວງ ເຈົ້າສົມເດດ ພົມມະຈັນ ວັດສີດອນ ພ້ອມດ້ວຍຄະນະສົງ ແລະ ສັດທາອີ່ມບຸນ ນະຄອນ ຫຼວງວຽງຈັນ ຮ່ວມກັບ ອົງການປົກຄອງບ້ານສີດອນມີ, ບ້ານຫ້ວຍເຜິ້ງ ໄດ້ນຳເອົາອຸປະກອນການແພດ ມາມອບໃຫ້ໂຮງໝໍນ້ອຍ ຫ້ວຍລົມ ເມືອງຕົ້ນເຜິ້ງ ແຂວງບໍ່ແກ້ວ ໂດຍມີ ທ່ານ ດຣ ທອງຄູນ ໄຍສະຫວັນ ຮອງຫົວໜ້າຫ້ອງການສາທາລະນະສຸກເມືອງ ເຂົ້າຮ່ວມ.

ພະອາຈານສົມເດດ ພົມມະຈັນ ໄດ້ກ່າວວ່າ: ອຸປະກອນ ການແພດທີ່ໄດ້ນຳມາມອບໃນຄັ້ງນີ້, ປະກອບມີ: ຕຽງນອນຄົນເຈັບ 1 ໜ່ວຍ, ອົກຊີຊ່ວຍຫັນໃຈ 2 ບັ້ງ, ລໍ້ຍູ້ຄົນເຈັບ, ພັດລົມ ແລະ ກ່ອງຢາອີກຈຳນວນໜຶ່ງ ລວມມູນຄ່າທັງໝົດ 13 ລ້ານກີບ. ທັງນີ້, ກໍເພື່ອເປັນການປະກອບສ່ວນຊ່ວຍໃຫ້ໂຮງໝໍມີອຸປະກອນການແພດທີ່ພຽງພໍ ສາມາດຊ່ວຍເຫຼືອຄົນເຈັບ ທີ່ມາໃຊ້ບໍລິການໄດ້ທ່ວງທັນ, ເຊິ່ງໄລຍະຜ່ານມາ ອຸປະກອນການແພດຢູ່ບັນດາໂຮງໝໍນ້ອຍ ກໍຍັງບໍທັນພຽງພໍກັບຄວາມຕ້ອງການ.

ນອກຈາກມອບອຸປະກອນການແພດ ໃຫ້ໂຮງໝໍນ້ອຍແລ້ວ ຍັງໄດ້ມອບເຂົ້າສານ ອາຫານແຫ້ງ ແລະ ເຂົ້າກ່ອງໃຫ້ແກ່ປະຊາຊົນບ້ານຫ້ວຍລົມ ຕື່ມອີກ.

LEAVE A REPLY

Please enter your comment!
Please enter your name here