ຈະລາຈອນ ນວ ສຶກສາອົບຮົມນັກຂັບຂີ່ຜູ້ລະເມີດຄໍາສັ່ງ 1 ພັນກວ່າຄົນ ໃນມື້ດຽວ

0
6937

ຕາມປ້ອງກັນຄວາມສະຫງົບນະຄອນຫຼວງວຽງຈັນ ໃຫ້ຮູ້ວ່າ: ໃນວັນທີ 7 ກັນຍາ 2021, ເຈົ້າໜ້າທີ່ຕໍາຫຼວດ ຈະລາຈອນ ນວ ໄດ້ສຸມໃສ່ຕັ້ງດ່ານກວດກາພາຫະນະຕາມທ້ອງຖະໜົນ ໃນຂອບເຂດຄວາມຮັບຜິດຊອບຂອງຕົນ, ໃນນີ້ ພົບເຫັນຜູ້ລະເມີດຄໍາສັ່ງເລກທີ 015/ຈນວ ແລະ ໄດ້ສຶກສາອົບຮົມທັງໝົດ 1.123 ຄົນ, ຍິງ 336 ຄົນ.

ພະແນກຕໍາຫຼວດຈະລາຈອນ ນວ ໃຫ້ຮູ້ວ່າ: ການປະຕິບັດຕາມຄໍາສັ່ງເລກທີ 015/ຈນວ ລົງວັນທີ 30 ສິງຫາ 2021, ວ່າດ້ວຍການເພີ່ມທະວີການປ້ອງກັນ, ຄວບຄຸມ ແລະ ແກ້ໄຂ ການແຜ່ລະບາດຂອງພະຍາດໂຄວິດ-19 ຢູ່ນະຄອນຫຼວງວຽງຈັນ ເຈົ້າໜ້າທີ່ຕໍາຫຼວດຈະລາຈອນ ນວ ຈຶ່ງໄດ້ສຸມໃສ່ລົງຕັ້ງດ່ານກວດກາພາຫະນະ ສັນຈອນໄປ-ມາຕາມທ້ອງຖະໜົນ ທົ່ວນະຄອນຫຼວງວຽງຈັນ ໃນ 1 ວັນ.

ເຊິ່ງພົບເຫັນນັກຂັບຂີ່ລະເມີດຄໍາສັ່ງ ທັງໝົດ 1.123 ຄົນ, ຍິງ 336 ຄົນ ໄດ້ສຶກສາອົບຮົມກ່າວເຕືອນ ພ້ອມທັງແນະນໍາໃຫ້ເຂົາເຈົ້າເອົາໃຈໃສ່ປະຕິບັດຕາມຄໍາສັ່ງຂອງຂັ້ນເທິງວາງອອກຢ່າງເຂັ້ມງວດ.ກອງບັນຊາການ ປກສ ນະຄອນຫຼວງວຽງຈັນ ຮຽກຮ້ອງມາຍັງນັກຂັບຂີ່ຜູ້ໃຊ້ລົດໃຊ້ຖະໜົນ ຈົ່ງຊ່ວຍກັນເປັນເຈົ້າການ ໃນການປະຕິບັດຄໍາສັ່ງເລກທີ 015/ຈນວ ຢ່າງເຂັ້ມງວດ ຖ້າບໍ່ມີຄວາມຈໍາເປັນກໍໃຫ້ຢູ່ບ້ານ ເພື່ອຕ້ານການແຜ່ລະບາດຂອງພະຍາດໂຄວິດ-19 ຢູ່ ສປປ ລາວ.

LEAVE A REPLY

Please enter your comment!
Please enter your name here