ລາຍງານມີຜູ້ເສຍຊີວິດ ຈາກໄພທຳມະຊາດຄັ້ງນີ້

0
1925

ແຫຼງຂ່າວຈາກ ແຂວງສາລະວັນ ໃຫ້ຮູ້ວ່າ: ເວລາປະມານ 18:00 ແລງ ວັນທີ 11 ກັນຍາ 2021 ເກີດເຫດມີລົມພະຍຸເຂດຮ້ອນ ໂກນເຊີນ ພັດຜ່ານ ເຮັດໃຫ້ເຮືອນຂອງພໍ່ແມ່ປະຊາຊົນ ບ້ານໂພນໃຜ່ ເມືອງສາລະວັນ ໄດ້ຮັບຜົນເສຍຫາຍ ມີເຮືອນລົ້ມ, ຫລັງຄາເລີກ ຈຳນວນ 75 ຫລັງ, ໃນນັ້ນເສຍຫາຍໜັກຈໍານວນ 20 ຫລັງ, ເ ສຍຫາຍປານກາງ 45 ຫລັງ ແລະ ເສຍຫາຍເລັກນ້ອຍ 10 ຫລັງ, ເຮັດໃຫ້ມີຜູ້ເສຍຊີວິດ 1 ຄົນ ເພດຍິງ ອາຍຸ 50 ກວ່າ ປີ, ບາດເຈັບສາຫັດ 2 ຄົນ ແລະ ບາດເລັກນ້ອຍ 6 ຄົນ, ປັດຈຸບັນ ປະຊາຊົນຈຳນວນ 139 ຄົນ ຂາດທີ່ຢູ່ອາໄສ.

ທ່ານ ພິດສະໄໝ ເຂັມວິໄລ ຮອງເລຂາພັກເມືອງສາລະວັນ ໄດ້ໃຫ້ສໍາພາດໃນຕອນເຊົ້າວັນ 12 ກັນຍາ 2021 ນີ້ວ່າ: ປັດຈຸບັນ ອຳນາດການປົກຄອງແຂວງ ແລະ ເມືອງ ໄດ້ມີການຄົ້ນຄ້ວາ, ແຕ່ງຕັ້ງຄະນະຮັບຜິດຊອບລົງຊ່ວຍເຫລືອພໍ່ແມ່ປະຊາຊົນ, ຈັດຫາທີ່ພັກອາໄສຊົ່ວຄາວ ແລະ ຈັດວາງກຳລັງປ້ອງກັນຊາດ-ປ້ອງກັນຄວາມສະຫງົບ ເຂົ້າຊ່ວຍເຫລືອສ້ອມແປງເຮືອນໃຫ້ພໍ່ແມ່ປະຊາຊົນຢ່າງຮີບດ່ວນ.

ໃນໂອກາດດຽວກັນ, ຫ້ອງການສະພາປະຊາຊົນແຂວງສາລະວັນ ກໍໄດ້ນຳເອົາເຂົ້າ ສານໜຽວ ຈຳນວນ 1 ໂຕນ ມາມອບໃຫ້ອຳນາດການປົກຄອງ ບ້ານໂພນໃຜ່ ເພື່ອເປັນການບັນເທົາໃນເບື້ອງຕົ້ນ.

LEAVE A REPLY

Please enter your comment!
Please enter your name here