ຕາມການລາຍງານຂອງປ້ອງກັນຄວາມສະຫງົບນະຄອນຫຼວງວຽງຈັນ ໃຫ້ຮູ້ວ່າ: 1 ອາທິດຜ່ານມາ ( ໃນວັນທີ 29 ພະຈິກ – 5 ທັນວາ 2021 ) ຢູ່ນະຄອນຫຼວງວຽງຈັນ ມີອຸບັດຕິເຫດເກີດຂຶ້ນທັງໝົດ 19 ເລື່ອງ, ຄົນໄດ້ຮັບບາດເຈັບ 23 ຄົນ, ເສຍຊີວິດ 5 ຄົນ, ທຽບໃສ່ອາທິດຜ່ານມາ ອຸບັດຕິເຫດເພີ່ມຂຶ້ນ 6 ເລື່ອງ, ຄົນໄດ້ຮັບບາດເຈັບເພີ່ມຂຶ້ນ 5 ຄົນ ແລະ ຄົນເສຍຊີວິດເພີ່ມຂຶ້ນ 3 ຄົນ. ເຈົ້າໜ້າທີ່ ພະແນກຕໍາຫຼວດຈະລາຈອນ ນະຄອນຫຼວງວຽງຈັນ ໃຫ້ຮູ້ວ່າ:

1 ອາທິດຜ່ານມາ ຢູ່ນະຄອນຫຼວງວຽງຈັນ ມີອຸບັດຕິເຫດເກີດຂຶ້ນທັງໝົດ 19 ເລື່ອງ, ມີຄົນໄດ້ຮັບບາດເຈັບ 23 ຄົນ ແລະ ເສຍຊີວິດ 5 ຄົນ, ພາຫະນະເປ່ເພ່ ທັງໝົດ 33 ຄັນ, ລວມມູນຄ່າເສຍຫາຍ 245.000.000 ລ້ານກີບ, ໄລຍະເວລາທີ່ອຸບັດຕິເຫດເກີດຂຶ້ນຫລາຍ ແມ່ນເວລາ 17:00 – 23:45 ໂມງ ແລະ ສ່ວນຫຼາຍແມ່ນຖະໜົນທ່າເດື່ອ, ຖະໜົນ 13 ໃຕ້, ຖະໜົນ 450 ປີ ແລະ ອື່ນໆ; ສາເຫດທີ່ເຮັດໃຫ້ອຸບັດຕິເຫດເພີ່ມຂຶ້ນ ຍ້ອນນັກຂັບຂີ່ ບໍ່ປະຕິບັດລະບຽບການສັນຈອນ ເປັນຕົ້ນແມ່ນ ການຊິງແຊງ, ປ່ຽນທິດທາງການສັນຈອນບໍ່ມີຄວາມຮັບປະກັນ ແລະ ບໍ່ປະຕິບັດຕາມປ້າຍຈະລາຈອນ.

LEAVE A REPLY

Please enter your comment!
Please enter your name here