ໂຄງການສູນການຄ້າສາກົນ ແຂວງບໍ່ແກ້ວ ຕັ້ງຢູ່ບ້ານມົກກະຈອກ ມີເນື້ອທີ່ 49 ພັນຕາແມັດ, ໄດ້ເລີ່ມກໍ່ສ້າງມາແຕ່ເດືອນທັນວາ 2020 ໜ້າວຽກຕົ້ນຕໍ່ແມ່ນ ກໍ່ກຳແພງອ້ອມຮອບເດີນ, ເທທາງປູເບຕົງເຂົ້າ – ອອກ, ເຮັດສວນສາທາລະນະ, ສະຖານທີ່ຈອດລົດ, ກໍ່ສ້າງຕຶກຂາຍເຄື່ອງທີ່ມີລວງຍາວ 18 ແມັດ ກ້ວາງ 7 ແມັດ, ຈັດເປັນ 91 ຫ້ອງຂາຍເຄື່ອງ, ເປັນອາຄານ 2 ຊັ້ນ ມີ 5 ຕຶກ ລວມມູນຄ່າການກໍ່ສ້າງທາງໝົດ 36 ຕື້ກວ່າກີບ.

ມາຮອດປັດຈຸບັນແມ່ນສຳເລັດເປັນທີ່ຮຽບຮ້ອຍແລ້ວ ເຊິ່ງໄດ້ຈັດພິທີເປີການນຳໃຊ້ຢ່າງເປັນທາງການໃນວັນທີ 10 ມີນາ ທີ່ຜ່ານມານີ້ ແລະ ໃຫ້ກຽດເຂົ້າຮ່ວມຕັດແຖບຜ້າມີ ທ່ານ ຈາງຮວຍຍີນ ປະທານ ບໍລິສັດ ຮວຍຍີນ ກໍ່ສ້າງເຄຫາສະຖານ ຈຳກັດ ພ້ອມບໍລິສັດຜູ້ຮ່ວມທຶນ, ນັກທຸລະກິດເຂົ້າຮ່ວມເປັນສັກຂີພິຍານ.

ຂ່າວ: ຄຳໄຊ ລີໄຊມົວຕູ້, ພາບ:ຄຳພັນ ແກ້ວມະນີ

LEAVE A REPLY

Please enter your comment!
Please enter your name here