ພະຍາກອນອາກາດປະຈໍາແລງ ວັນທີ 29 ມີນາ 2022

0
649

ພະຍາກອນອາກາດປະຈໍາວັນທີ ວັນທີ 29 ມີນາ 2022

ຄວາມກົດດັນສູງຂອງອາກາດເຢັນທີ່ປະເທດຈີນໄດ້ແຜ່ລົງມາປົກຄຸມຢູ່ທົ່ວທຸກພາກຂອງປະເທດລາວດ້ວຍກໍາລັງອ່ອນ, ສົມທົບ ກັບກະແສລົມຕາເວັນອອກທີ່ມີກໍາລັງແຮງປານກາງພັດປົກຄຸມ. ຊຶ່ງຈະເຮັດໃຫ້ມີຝົນຕົກຟ້າຮ້ອງ ຟ້າເຫຼື້ອມໃນລະດັບຄ່ອຍ ຫາ ປານກາງ ພ້ອມມີລົມພັດແຮງເປັນບາງໂອກາດຢູ່ບາງທ້ອງຖິ່ນໃນແຕ່ລະພາກ.

ລາຍງານສະພາບການເກີດແຜ່ນດິນໄຫວປະຈໍາວັນ ທີ 29 ມີນາ 2022, ເວລາ 12ໂມງ 36 ນາທີ ໄດ້ພົບສັນຍານການເກີດແຜ່ນດິນໄຫວ ພາຍໃນປະເທດລາວຈໍານວນ 1 ຄັ້ງ ຢູ່ບ້ານ ສີດົງຄຸນ, ເມືອງ ຕົ້ນເຜິ້ງ ແຂວງ ບໍ່ແກ້ວ, ເຊິ່ງມີຈຸດສູນກາງຢູ່ເສັ້ນຂະຫນານທີ 20.3 ອົງສາເຫນືອ ແລະ ເສັ້ນແວງທີ 100.1 ອົງສາ ຕາເວັນອອກ ຄວາມແຮງສັ່ນສະເທຶອນວັດແທກໄດ້ 1.9 ຣິກເຕີ ມີຄວາມເລິກຈາກຫນ້າດິນປະມານ 1 ກິໂລແມັດ.

ຈຸດເກີດ ແຜ່ນດິນໄຫວແມ່ນຫ່າງເທດສະບານເມືອງຕົ້ນເຜິ້ງປະມານ 10ກິໂລແມັດ, ເຫດການແຜ່ນດິນໄຫວໃນເບື້ອງຕົ້ນຍັງບໍ່ມີລາຍງານ ຜົນເສຍຫາຍ.

LEAVE A REPLY

Please enter your comment!
Please enter your name here