ທ່ານຮອງເຈົ້າແຂວງໆຄຳມ່ວນ ລົງຕິດຕາມຂະບວນການກໍ່ສ້າງທາງຜ່ານພູຊ້າງນ້ອຍ

0
1046

ໃນວັນທີ 2 ເມສາ 2022 ທີ່ພູຊ້າງນ້ອຍ, ບ້ານຕາດ ເມືອງຍົມມະລາດ, ທ່ານ ປອ. ແກ້ວອຸດອນ ບຸດສິງຂອນ ຮອງເຈົ້າແຂວງຄຳມ່ວນ ໄດ້ລົງຕິດຕາມ ແລະ ຊຸກຍູ້ຂະບວນການ ເທເບຕົງເສີມເຫຼັກ ຂຶ້ນພູຊ້າງນ້ອຍ ຫາ ເຂດຈຸດສຸມວຽງຫຼວງ ເມືອງຍົມມະລາດ ໃຫ້ກຽດຕ້ອນຮັບໂດຍທ່ານ ບຸນທັນ ສຸວັນນະລາດ ເຈົ້າເມືອງໆຍົມມະລາດ, ມີບັນດາທ່ານ ໃນຄະນະຮັບຜິດຊອບຂັ້ນເມືອງ ເຂົ້າຮ່ວມຢ່າງພ້ອມພຽງ.

ຜ່ານການດຳເນີນມາເປັນເວລາ 7 ວັນເລີ່ມແຕ່ວັນທີ 25 ມີນາ 2022 ເປັນຕົ້ນມາເຫັນວ່າບັນດາສະມາຊິກຊາວໜຸ່ມເມືອງ, ບ້ານ ແລະ ພໍ່ແມ່ປະຊາຊົນບ້ານຕາດ ແລະ ກຸ່ມບ້ານວຽງຫຼວງໄດ້ພ້ອມໃຈກັນສຸມເຫື່ອແຮງໃສ່ໃນການກໍ່ສ້າງທາງໃນຄັ້ງນີ້. ເຊິ່ງມາເຖິງປະຈຸບັນສາມາດເທໄປໄດ້ແລ້ວ 100 ກວ່າແມັດ. ໃນໂອກາດດັ່ງກ່າວທ່ານ ປອ. ແກ້ວອຸດອນ ບຸດສິງຂອນ ຮອງເຈົ້າແຂວງໆຄຳມ່ວນ ໄດ້ໃຫ້ກຽດໂອ້ລົມ ກໍາລັງຊາວໜຸ່ມ-ໄວໜຸ່ມ ແລະ ພໍ່ແມ່ປະຊາຊົນ ຈົ່ງຮ່ວມກັນເປັນເຈົ້າການປຸກລະດົມຂົນຂວາຍທ່າແຮງ, ກໍາລັງຊາວໜຸ່ມຕະລຸມບອນ ເພື່ອນໍາພາສ້າງຂະບວນການດັ່ງກ່າວນີ້ໃຫ້ບັນລຸຕາມລະດັບຄາດໝາຍທີ່ວາງໄວ້.

ໂດຍສະເພາະ ສ້າງຄວາມເຂັ້ມແຂງ ທາງດ້ານກໍາລັງ ໃນການປະກອບສ່ວນເຫື່ອແຮງສະຕິປັນຍາ ເຂົ້າໃນຂະບວນການແຂ່ງຂັນ “ຮັກຊາດ ແລະ ພັດທະນາ” ໃຫ້ເກີດຜົນປະໂຫຍດສູງສຸດ ແກ່ສັງຄົມ ແລະ ປະເທດຊາດ.

ແຫຼ່ງຂ່າວ: Khammouane News

LEAVE A REPLY

Please enter your comment!
Please enter your name here