ເລັ່ງສ້ອມແປງ ສາຍໄຟທີ່ຖືກຕົ້ນໄມ້ຫັກທັບຫຼາຍຈຸດ

0
324

ພະນັກງານ ວິຊາການ ໄຟຟ້າລາວ ແຂວງບໍ່ແກ້ວ ໄດ້ເລັ່ງສ້ອມແປງ ສາຍໄຟທີ່ຖືກຕົ້ນໄມ້ຫັກທັບຫຼາຍຈຸດ ເຮັດໃຫ້ໄຟຟ້າດັບຫຼາຍຊົ່ວໂມງ

ໃນຕອນຄຳ່ ຂອງວັນທີ 17 ເມສາ ທີ່ຜ່ານມາ,ໄດ້ເກີດມີຝົນຕົກ ແລະ ລົມພັດແຮງຢູ່ຫຼາຍເຂດທົ່ວແຂວງບໍ່ແກ້ວ ເຮັດໃຫ້ມີຕົ້ນໄມ້ ຫັກທັບສາຍໄຟຟ້າ ຫຼາຍຈູດ ໄຟຟ້າດັບຫຼາຍຊົ່ວໂມງ ທາງພະນັກງານວິຊາການໄຟຟ້າໄດ້ລົງພາກສະໜາມ ນໍາພາໂດຍ ທ່ານ ຈັນຖະໝອມ ສີປະເສີດ ຮອງຫົວໜ້າ ຫ້ອງການ ຄຸ້ມຄອງລະບົບ ແລະ ບໍລິການ ສາຂາລັດວິສາຫະກິດໄຟຟ້າລາວ ແຂວງບໍ່ແກ້ວ ພ້ອມກັບພະນັກງານໄດ້ລົງກວດກາຕົວຈິ່ງ ເບີ່່ງຕາຂ່າຍໄຟຟ້າ 22 ກິໂລໂວນ ຕາມເສັ້ນທາງສາຍຕ່າງໆ ພົບເຫັນວ່າ ມີຕົ້ນໄມ້ໃຫຍ່ ແລະ ຕົ້ນໄມ້ນ້ອຍ ຫຼາຍຕົ້ນໄດ້ຫັກທັບເສົາໄຟຟ້າ ລົ້ມຢູ່ບ້ານດອນທາດ ເມືອງຕົ້ນເຜີ້ງ ແຂວງບໍ່ແກ້ວ 1 ຈຸດ ຄອນຫັກຢູ່ບ້ານດອນຟອງ 1 ຈຸດ.

ນອກນິ້; ຍັງມີຫຼາຍຈຸດ ສ່ວນຫຼາຍແມ່ນຕົ້ນຢ່າງພາລາ,ທາງພະນັກງານວິຊາການໄຟຟ້າ ແມ່ນໄດ້ເອົາໃຈໃສ່ຢ່ງເຄັ່ງຮ້ອນ ເພື່ອແກ້ໄຂໂດຍໄວທີ່ຈະໄວໄດ້ໃຫ້ທັນກັບເວລາ ເພາະວ່າ ຍັງເປັນມື້ສຸດທ້າຍ ຂອງການຫລິ້ນບຸນປີໃໝ່ ແລະ ເປັນເວລາກາງຄື່ນແນ່ອາກາດຍັງຮ້ອນອົບເອົ ຜູ້ຊົມໃຊ້ໄຟ ໄດ້ພົບຄວາມຫຍຸ້ງຍາກ ໃນທີສຸດກໍ່ສາມາດແກ້ໄຂໄດ້ ແລະ ສົ່ງກະແສໄຟຟ້າເປັນປົກກະຕິໃຫ້ແກ່ລູກຄ້າ ກໍ່ຄືປະຊາຊົນຜູ້ຊົມໃຊ້ ໄດ້ຈໍານວນໜື່ງ ທ່ານ ຈັນຖະໝອມ ສີປະເສີດ ຍັງກ່າວອິກວ່າ: ມື້ນິ້ ເປັນວັນທີ 18 ທາງພະນັກງານວິຊາການ ຍັງສືບຕໍ່ລົງພາກສະໜາມເພື່ອສ້ອມແປງຢູ່ຫຼາຍຈຸດ ສ່ວນເສັ້ນທາງໄປທ່າຟ້າ ແລະເມືອງເມິງ ແມ່ນຢູ່ໃນໄລຍະລົງກວດກາ ແລະສ້ອມແປງ ຍັງບໍສາມາດປ່ອຍກະແສໄຟຟ້າໃຫ້ແກ່ຊົມໃຊ້ໄດ້ເທື່ອ.ແລະ ຄາດວ່າທາງພະນັກງານແມ່ນຈະເອົາໃຈໃສ່ ແກ້ໄຂໃຫ້ປະຊາຊົນໄດ້ຊົມໃຊ້ໄຟ້າໃນໄວໆນິ້.

ສຳລັບຜົນເສຍຫາຍ ຈາກໄພທໍາມະຊາດຄັ້ງນິ້ ຍັງບໍ່ທັນສະຫຼຸບຕົວເລກໄດ້ເທື່ອ, ເບື້ອງຕົ້ນ ຈາກການປະເມີນເບື້ອງຕົ້ນ ຂອງວິຊາການ ເຫັນວ່າ ມີຄວາຍເສຍຫາຍຫຼາຍ ໃຫ້ແກ່ລັດວິສາຫະກິດໄຟຟ້າລາວແຂວງບໍ່ແກ້ວ.

ສະນັ້ນ ຮຽກຮ້ອງມາຍັງທຸກພາກສ່ວນ ແລະ ປະຊາຊົນລາວບັນດາເຜົ່າ ຜູ້ທີ່ປູກຕົ້ນໄມ້ກິນໝາກ ແລະ ຕົ້ນໄມ້ອຸສາຫະກຳຕ່າງໆ ຢູ່ຕາມສໍານັກງານອົງການ.ບ້ານ ແລະ ຢູ່ຕາມສວນແຄມທາງ ໃກ້ ເສົາ-ສາຍໄຟຟ້າ ຈົ່ງເປັນເຈົ້າການໃນການຮ່ວມມືກັບພະນັກງານໄຟຟ້າ ໃນການຕັດອອກ ເພື່ອຮັບປະກັນຄວາມປອດໄພ ເມື່ອເວລາມີຝົນຕົກ ລົມແຮງຈະເຮັດໃຫ້ຕົ້ນໄມ້ຫັກທັບເສົາໄຟ ແລະ ຟ້າຫັກຂາດ ຈະສ້າງຄວາມເສຍຫາຍໃຫ້ແກ່ ພັກ-ລັດ ແລະ ປະຊາຊົນຜູ້ຊົມໃຊ້ໄຟຟ້າ ຈະພົບຄວາມເດືອດຮ້ອນ ຄືຜ່ານໆມາ.

ແຫຼ່ງຂ່າວ: ໜັງສືພິມບໍ່ແກ້ວ Bokeo Newspaper

LEAVE A REPLY

Please enter your comment!
Please enter your name here