ຈັບສອງສ່ຽວ ຢູ່ຖຽງນາ ມີຢາບ້າ 200 ກວ່າເມັດ.

ຕາມການລາຍງານ ຂອງຄວາມສະຫງົບ ໃຫ້ຮູ້ວ່າ: ໃນເວລາປະມານ 11:00 ໂມງຂອງວັນທີ 26 ເມສາ 2022 ເຈົ້າໜ້າທີ່ກອງວິຊາສະເພາະໄດ້ອອກເຄື່ອນໄຫວຕິດຕາມ ເປົ້າໝາຍຢາເສບຕິດ ເຂດປ່າບ້ານປາກງື່ມ ນະຄອນຫຼວງວຽງຈັນ ພົບເຫັນເປົ້າໝາຍສົງໄສ ຢູ່ຖຽງນາ ເຂົ້າຄວບຄຸມຕົວ ພົບຢາບ້າ ເກືອບ 280 ເມັດ.

ພັທ ບຸນປານ ດາລາວົງ ຫົວໜ້າພະແນກຕຳຫລວດ ປກສ ເມືອງປາກງື່ມ ໃຫ້ຂໍ້ມູນວ່າ: ໃນຂະນະອອກເຄື່ອນໄຫວ ຕິດຕາມເປົ້າຫມາຍໄດ້ພົບເຫັນຜູ້ສົງໄສສອງທີ່ກໍາລັງນັ່ງຢູ່ຖຽງນາ ຈາກນັ້ນ ຈຶ່ງໄດ້ເຂົ້າຄຸມຕົວ ທ້າວ ເຕັມ ອາຍຸ 31 ປີ ເຮັດນາຢູ່ບ້ານປາກງື່ມພົບເຫັນຢາບ້າ ໃນຖົງໂສ້ງ ຈໍານວນ 195 ເມັດ ເງິນ 120 .000 ກີບ ປືນແກັບ 1 ກະບອກ ແລະ ທ້າວ ສາມາດ 31 ປີ ຄົນບ້ານດຽວກັນ ພົບເຫັນຢາບ້າຈໍານວນ 85 ເມັດ, ເງິນ150.000 ກີບ ປືນ 1 ກະບອກ ລວມຢາບ້າ 280 ເມັດ ຢາ 270.000 ກີບ ແລະ ປືນແກັບ 2 ກະບອກ.

ພວກກ່ຽວສາລະພາບວ່າ: ຢາບ້າຈໍານວນດັ່ງເປັນຂອງພວກກ່ຽວແທ້ ໂດຍຊື້ນຳ ຍະບວນການຄ້າຂາຍຢາເສບຕິດ ປັດຈຸບັນ ພວກເຮົາພວມດໍາເນີນການສອບສວນຂະຫຍາຍຜົນຕໍ່ໄປ.

LEAVE A REPLY

Please enter your comment!
Please enter your name here