ຈາກການຊັດທອດ ສືບຕໍ່ຈັບຜູ້ຖືກສົງໄສ ພ້ອມກາງຢ້າບ້າ 42.000 ເມັດ ຈາກການຂະຫຍາຍຜົນ ແລ້ວໄລ່ຊອກໄລ່ຈັບກຸ່ມແກ້ງຜູ້ຮ່ວມຂະບວນການ

ຕາມການລາຍງານ ຂອງປ້ອງກັນຄວາມສະຫົງບນະຄອນຫຼວງວຽງຈັນ ໃຫ້ຮູ້ວ່າ: ມາຮອດວັນທີ 26 ມີຖຸນາ 2022 ເວລາ 08:25 ໂມງ ເຈົ້າໜ້າທີ່ພະແນກຕໍາຫຼວດ ປກສ ເມືອງຫາດຊາຍຟອງ ຈຶ່ງເຂົ້າແກ້ໄຂຜູ້ມີສ່ວນຮ່ວມຄ້າຂາຍເສບຕິດລາຍໃຫ່ຍມີການພົວພັນກວ້າງຂວາງ ຢູ່ບ້ານທົ່ງຂັນຄຳ ເມືອງຈັນທະບູລີ ນະຄອນຫລວງວຽງຈັນ ຈັບຕົວຜູ້ມີສ່ວນພົວພັນເຄືອຂ່າຍໄດ້ 01ຄົນຊື່ ນາງ ວິໄລພອນ ຫຼື ຈັນ ອາຍຸ 33 ປີ ອາຊີບ ຄ້າຂາຍ ຢູ່ບ້ານທົ່ງຂັນຄໍາ ເມືອງຈັນທະບູລີ ນະຄອນຫຼວງວຽງຈັນ ພ້ອມເຄື່ອງຂອງກາງ ແລະ ເຄື່ອງຕິດຕົວມີ ຢາບ້າ 7 ແພັກ ເທົ່າກັບ 21 ມັດ ຫຼື 42.000 ເມັດ, ໂທລະສັບມືຖື 01 ໜ່ວຍ, ເງິນ 300.000 ກີບ ແລະ ເງິນ 100 ໂລດາ.

ຜ່ານການສືບສວນ-ສອບສວນ ນາງ ວິໄລພອນ ຫຼື ຈັນ ໄດ້ໃຫ້ການຮັບສາລະພາບວ່າ: ຢາບ້າທີ່ຜູ່ກ່ຽວນໍາມາຂາຍໄດ້ຊື້ນໍາ ທ້າວ ຈັນວື ອາຍຸ 24 ປີ ຢູ່ບ້ານ ໜອງວຽງຄຳ ເມືອງໄຊທານີ ນະຄອນ ຫຼວງວຽງຈັນ ຊື້ຈຳນວນ 07 ແພັກ ຫຼື 21 ມັດ, ມີ 42,000 ເມັດ.

ຈາກນັ້ນ ເຈົ້າໜ້າທີ່ຈື່ງຂະຫຍາຍຜົນສືບຄົ້ນຫາຜູ້ຮ່ວມຂະບວນການ. ມາຮອດວັນທີ 28 ມິຖຸນາ 2022 ເວລາ 18:00 ໂມງ ເຈົ້າໜ້າທີ່ຈຶ່ງສາມາດ ຈັບຕົວ ທ້າວ ຈັນວື ໄດ້ຢູ່ບ້ານທົ່ງຂັນຄໍາ ເມືອງຈັນທະບູລີ ນະຄອນຫຼວງວຽງຈັນ ພ້ອມຂອງກາງຢາບ້າຈຳນວນ 18 ເມັດ, ລົດຈັກເວບ 100 ສີປອນ ເລກທະບຽນ ດຮ 5088 ກຳແພງນະຄອນ ຈຳນວນ 01 ຄັນ. ສ່ວນລາຍຄະດີດັ່ງກ່າວ ໜ່ວຍງານສະກັດກັ້ນ ແລະ ຕ້ານຢາເສບຕິດ ພະແນກຕຳຫຼວດ ປກສ ເມືອງຫາດຊາຍຟອງ ກຳລັງສືບສວນ-ສອບສວນຂະຫຍາຍຜົນ ເພື່ອຊອກຫາກຸ່ມແກ້ງຜູ່ຮ່ວມຂະບວນການ ເພື່ອນໍາຕົວພວກກ່ຽວມາດຳເນີນຄະດີ ຕາມຂັ້ນຕອນຂອງກົດໝາຍ.

LEAVE A REPLY

Please enter your comment!
Please enter your name here