ໃນວັນທີ 5 ສິງຫາ ຜ່ານມາ, ກົມໃຫຍ່ຕໍາຫຼວດ ກະຊວງ ປກສ ໄດ້ຈັດພິທີປະກາດຍົກຍ້າຍ, ແຕ່ງຕັ້ງ, ຊັບຊ້ອນນາຍ ແລະ ພົນຕໍາຫຼວດ ເປັນປະທານໂດຍ ພົຕ ຄໍາຕິ່ງ ຕຸ້ຍຫຼ້າມະນີວົງ ຫົວຫນ້າກົມໃຫຍ່ຕໍາຫຼວດ ມີຮອງຫົວຫນ້າ, ຄະນະກົມໃຫຍ່, ຫ້ອງ, ກົມ-ກອງ, ພະ ແນກ, ແຂກຮັບເຊີນ, ພະນັກງານ ຫຼັກແຫຼ່ງ ເຂົ້າຮ່ວມ.

ພ້ອ ບຸນຫຼວງ ວິໄລສຸກ ຫົວຫນ້າຫ້ອງການເມືອງ ກົມໃຫຍ່ຕໍາຫຼວດ ໄດ້ຜ່ານຂໍ້ຕົກລົງວ່າດ້ວຍການຍົກ ຍ້າຍ, ແຕ່ງຕັ້ງ, ຊັບຊ້ອນ ນາຍ ແລະ ພົນຕໍາຫຼວດ ວ່າ:

ອີງຕາມກົດຫມາຍ ວ່າດ້ວຍກໍາລັງປ້ອງກັນຄວາມ ສະຫງົບປະຊາຊົນ, ອີງຕາມດໍາລັດຂອງນາຍົກລັດຖະມົນຕີ ວ່າດ້ວຍການຈັດຕັ້ງ ແລະ ເຄື່ອນໄຫວຂອງ ກະຊວງປ້ອງກັນຄວາມສະຫງົບ,

ອີງຕາມຫນັງສືສະເຫນີຂອງກົມໃຫຍ່ການເມືອງ ກະຊວງປ້ອງກັນຄວາມ ສະຫງົບ ກ່ຽວກັບການສະເຫນີຍົກຍ້າຍນາຍຕໍາຫຼວດທີ່ຂຶ້ນກັບກົມໃຫຍ່ຕໍາຫຼວດ

ດັ່ງນັ້ນ, ລັດຖະມົນຕີ ກະຊວງປ້ອງກັນຄວາມສະຫງົບ ຕົກລົງຍົກຍ້າຍ

  • ພ້ອ ຄໍາແກ້ວ ມະໂນລາ ຈາກກົມໃຫຍ່ຕໍາຫຼວດ ໄປຮັບຫນ້າທີ່ໃຫມ່ຢູ່ກອງບັນຊາການປ້ອງກັນທີ່ຕັ້ງ,
  • ພ້ອ ວາດສະຫນາ ວິລະວົງ ຈາກກົມຕໍາຫຼວດສືບຂ່າວອາຍາ ໄປ ຮັບຫນ້າທີ່ໃຫມ່ຢູ່ກົມຕໍາຫຼວດນິຕິວິທະຍາ,
  • ພັທ ຫຼັງຄໍາ ຫອມສົມບັດ ຈາກກົມຕໍາຫຼວດສືບຂ່າວອາຍາ ໄປຮັບຫນ້າທີ່ໃຫມ່ຢູ່ສູນຄວບຄຸມລະບົບວົງຈອນປິດ,
  • ພັທ ເກດມະນີ ວົງພະຈັນ ຈາກກົມຕໍາຫຼວດສືບຂ່າວອາຍາ ໄປ ຮັບຫນ້າທີ່ໃຫມ່ຢູ່ຫ້ອງການ, ພັທ ບໍລິວົງ ວົງຫຼວງລາດ ຈາກສູນຄວບຄຸມລະບົບວົງຈອນປິດ ໄປຮັບຫນ້າທີ່ ໃຫມ່ຢູ່ກົມຕໍາຫຼວດສະກັດກັ້ນ ແລະ ຕ້ານອັກຄີໄພ.
  • ແຕ່ງຕັ້ງ ພັທ ເກດມະນີ ວົງພະຈັນ ເປັນຫົວຫນ້າຫ້ອງການ,
  • ພັທ ບໍລິວົງ ວົງຫຼວງ ລາດ ເປັນຮອງຫົວຫນ້າກົມຕໍາຫຼວດສະກັດກັ້ນ ແລະ ຕ້ານອັກຄີໄພ,
  • ພ້ອ ວາດສະຫນາ ວິລະວົງ ເປັນຮອງຫົວຫນ້າກົມຕໍາຫຼວດນິຕິວິທະຍາ,
  • ພັທ ຫຼົງຄໍາ ຫອມສົມບັດ ເປັນຮອງ ຫົວຫນ້າສູນຄວບຄຸມວົງຈອນປິດ.

ນອກນັ້ນ, ໃນພິທີ ຍັງໄດ້ມີການຊັບຊ້ອນນາຍ ແລະ ພົນຕໍາຫຼວດ ເຂົ້າ ປະຕິບັດຫນ້າທີ່ຢູ່ບັນ ດາຫ້ອງ, ກົມ, ສູນ ທີ່ຂຶ້ນກັບກົມໃຫຍ່ຕໍາຫຼວດ. ໂອກາດດັ່ງກ່າວ, ພົຕ ຄໍາຕິ່ງ ຕຸຍຫຼ້າມະນີວົງ ກ່າວວ່າ: ການປະກາດຍົກຍ້າຍ, ແຕ່ງຕັ້ງ, ຊັບຊ້ອນນາຍ ແລະ ຜົນຕໍາຫຼວດຄັ້ງນີ້ແມ່ນປະຕິບັດຕາມລະ ບຽບກົດຫມາຍ, ປະຕິບັດຕາມຄວາມຮຽກຮ້ອງຕ້ອງການຂອງຫນ້າທີ່ວຽກງານ, ຕອບສະຫນອງໄດ້ຫນ້າທີ່ການເມືອງ ແລະ ທັງເປັນການມອບຫມາຍ ຫນ້າທີ່ຮັບຜິດຊອບຢ່າງ ຖືກຕ້ອງ ແລະ ທຸກສະຫາຍທີ່ໄດ້ຮັບການຍົກຍ້າຍ, ແຕ່ງຕັ້ງ, ຊັບຊ້ອນຈົ່ງເຂົ້າໃຈວ່າແມ່ນການມອບຫມາຍ ຫນ້າທີ່ໃຫ້ມີຄວາມຫນັກແຫນ້ນ, ສາມາດປະຕິບັດຫນ້າທີ່ການເມືອງຂອງຕົນໃຫ້ໄດ້ຮັບຜົນສໍາເລັດຕາມ ຄາດຫມາຍທີ່ວາງໄວ້.

ແຫຼ່ງຂ່າວ ແລະ ຮູບພາບຈາກ: ຄວາມສະຫງົບ

LEAVE A REPLY

Please enter your comment!
Please enter your name here