ຊົມເຊີຍ! ຫຼາຍພາກສືບຕໍ່ຊ່ວຍເຫຼືອແຂວງອຸດົມໄຊ

0
1157

ຫຼາຍພາກສ່ວນສືບຕໍ່ຮ່ວມບໍລິຈາກຊ່ວຍຜູ້ປະສົບໄພນ້ຳຖ້ວມ!

ພາຍຫຼັງເກີດມີນ້ຳຖ້ວມ ຂອງແຂວງອຸດົມໄຊ ເປັນຕົ້ນແມ່ນ ເມືອງໄຊ, ເມືອງຫຼາ, ເມືອງນາໜໍ້ ແລະ ເມືອງງາ ໃນວັນທີ 26 ສິງຫາ 2022 ເຮັດໃຫ້ເຮືອນຊານບ້ານຊ່ອງ ຖະໜົນຫົນທາງ ພື້ນທີ່ການຜະລິດຂອງປະຊາຊົນ ເສຍຫາຍເປັນຈຳນວນມະຫາສານ.

ດັ່ງນັ້ນ ທາງຄະນະຮັບຜິດຊອບ ຟື້ນຟູຜົນກະທົບຈາກໄພພິບັດນ້ຳຖ້ວມຢູ່ແຂວງອຸດົມໄຊ ໃນນາມຜູ້ຮັບຜິດຊອບໂດຍກົງ ໃນການແກ້ໄຂ ແລະ ຟື້ນຟູຜົນກະທົບຈາກໄພນ້ຳຖ້ວມຢູ່ 4 ເມືອງດັ່ງກ່າວ ຈິ່ງໄດ້ຕັ້ງຈຸດຮັບບໍລິຈາກຢູ່ຕໍ່ໜ້າພະແນກການເງິນແຂວງ ເພື່ອໃຫ້ທຸກຄົນໃນສັງຄົມໄດ້ຊ່ວຍເຫຼຶືອກັນໃນຍາມລຳບາກ

.

.

.

ເນື່ອງຈາກວ່າງົບປະມານຂອງແຂວງ ທີ່ຈະນຳໃຊ້ເຂົ້າໃນວຽກງານດັ່ງກ່າວ ແມ່ນມີຈຳນວນຈຳກັດ ເຊິ່ງການຮັບບໍລິຈາກມາຮອດ ໃນລະຫ່ວາງວັນທີ 31 ສິງຫາ 2022 ຫາ ຕອນບ່າຍ 1 ສິງຫາ 2022 ມີຜູ້ເຂົ້າມາໃຫ້ການບໍລິຈາກ ຄື ທ່ານ ຄອນສະຫັວນ ດວງສຸກ ສະຖາບັນການເງິນຈຸລະພາກໄຊນິຍົມ 10.000.000 ກີບ ທ່ານໄຊ ບ້ານຖີ່ນ ບໍລິສັດເວິນປີງ ທ່ານ ຄຳພຽງ ຢ່າຈົງວາ, ທ່ານອ່ອນແກ້ວອຸ່ນອາລົມ, ທ່ານ ຈັນເພັງ ພັນທຸອາມາດ ຫົວໜ້າພະແນກ ອຸດສາຫະກຳການຄ້າ ແຂວງໄຊຍະບູລີ ຜູ້ລະ 1.000.000 ກີບ ອົງການແນວລາວສ້າງຊາດ 880.000 ກີບ ທ່ານ ນ.ນ້ອຍລີ ເຕັງເບຍຈື ເຈົ້າຂອງຮ້ານສະນຸກເກີ ອຸດົມໄຊ, ທ່ານ ນ.ແກ້ວພາແສງ ດາວມະນີ ບ້ານຫຼັກ 4 ຜູ້ລະ 500.000 ກີບ ທ່ານເວັນໄທ ນັກທຸລະກິດ ບ້ານໂຮມສຸກ 200.000 ກີບ ທ່ານ ຈັນພວງ ບ້ານນາເລົາ 50.000 ກີບ ລວມເປັນເງິນທີ່ໄດ້ຮັບທັງໝົດ 27.130.000 ກີບ. ນອກຈາກນັ້ນແລ້ວ ຖາ້ພາກສ່ວນໃດຢາກຈະບໍລິຈາກຈະເປັນເງິນສົດ ແລະ ເຄື່ອງນຸງຂອງຖື ເຂົ້າສານອາຫານແຫ້ງກໍ່ສາມາດເຂົ້າມາມອບໃຫ້ທາງຄະນະຮັບຜິດຊອບຟື້ນຟູ ຜົນກະທົບຈາກ ໄພພິບັດນ້ຳຖ້ວມ ຢູ່ແຂວງອຸດົມໄຊ ຢູ່ຕໍ່ໜ້າພະແນກການເງິນແຂວງໃນເວລາທາງລັດຖະການ.

.

ກວດແກ້ໂດຍ: ດາວອນ ສີວິໄລ

LEAVE A REPLY

Please enter your comment!
Please enter your name here