ໂຮງງານຜະລິດໝໍ້ແປງໄຟຟ້າ ຍີ່ຫໍ້ ເອັດເຄ (SK) ເປັນໂຮງງານຂອງຄົນລາວ, ຜະລິດໝໍ້ແປງໄຟຟ້າ ທີ່ມີຄຸນນະພາບ ໄດ້ມາດຕະຖານສາກົນ ໂດຍການຜະລິດຈາກສີມືແຮງງານຂອງຄົນລາວ ອອກຮັບໃຊ້ສັງຄົມ ກໍຄື ກຸ່ມລູກຄ້າ ໄດ້ຢ່າງພຽງພໍກັບຄວາມຮຽກຮ້ອງຕ້ອງການ ເຊິ່ງໂຮງງານຕັ້ັງຢູ່ບ້ານໂພນສະອາດ ເມືອງປາກຊັນ ແຂວງບໍລິຄຳໄຊ.ທ່ານ ໄຊຍະເພັດ ຈັນທິສອນ ເຈົ້າຂອງໂຮງງານຜະລິດໝໍ້ແປງໄຟຟ້າ SK, ທັງເປັນປະທານບໍລິສັດເອັດອີເອັດ (SES) ກໍ່ສ້າງຄົບວົງຈອນ ຈຳກັດ ໃຫ້ສຳພາດຕໍ່ສືມວນຊົນເມື່ອບໍ່ດົນນີ້ວ່າ: ບໍລິສັດ SES ກໍ່ສ້າງຄົບວົງຈອນ ຈໍາກັດສ້າງຂຶ້ນ ໃນປີ 1997 ຈົນເຖິງປັດຈຸບັນ, ໃນເບື້ອງຕົ້ນໄດ້ດໍາເນີນທຸລະກິດກ່ຽວກັບຂະແໜງກໍ່ສ້າງ ແລະ ຕິດຕັ້ງໄຟຟ້າຄົບອົງຈອນ (ຕິດຕັ້ງໄຟຟ້າໃນອາຄານ, ຕິດຕັ້ງຕາຂ່າຍ 22kV ແລະ 0,4kV) ໂດຍດຳເນີນຈາກຄວາມຊຳນິຊຳນານ ແລະ ມີປະສົບການ.ມາຮອດປີ 2017 ບໍລິສັດ ໄດ້ສ້າງຕັ້ງໂຮງງານຜະລິດໝໍ້ແປງໄຟຟ້າ ຍີ່ຫໍ້ SK ເພື່ອສະໜອງໝໍ້ແປງໄຟຟ້າ ທີ່ມີຄຸນນະພາບຕາມຄວາມຕ້ອງການຂອງລູກຄ້າ ເຊິ່ງຜະລິດຕັ້ງແຕ່ຂະໜາດ 30-3.000 KVA, 1Phase-3Phase, ລະບົບແຮງດັນ 22 KV, ການຜະລິດແມ່ນຕາມມາດຕະຖານ ISO9001:2015 ແລະ ໄດ້ຮັບເຄື່ອງໝາຍການຜະລິດ Made in laos.ປັດຈຸບັນ, ໂຮງງານຜະລິດໝໍ້ແປງໄຟຟ້າ ຍີ່ຫໍ້ SK ມີຕົວແທນຈໍາໜ່າຍ 6 ສາຂາຄື: ສາຂາແຂວງບໍລິຄຳໄຊ (ທີ່ຕັ້ງໂຮງງານ), ສາຂານະຄອນຫລວງວຽງຈັນ, ສາຂາແຂວງວຽງຈັນ, ສາຂາແຂວງສະຫວັນນະເຂດ, ສາຂາແຂວງຈຳປາສັກ ແລະ ສາຂາແຂວງອັດຕະປື.ສຳລັບ ຂະບວນການຜະລິດ ໂຮງງານໄດ້ນຳໃຊ້ເຄື່ອງຈັກ ທີ່ທັນສະໄໝ ນຳເຂົ້າຈາກຕ່າງປະເທດ ແລະ ມີມາດຕະຖານ ISO ຮອງຮັບມາຕິດຕັ້ງ ເພື່ອທຳການຜະລິດໃຫ້ມີຄຸນນະພາບທຽບເທົ່າສາກົນ ແລະ ໄດ້ນຳເຂົ້າວັດຖຸດິບ ທີ່ມີຄຸນນະພາບ, ໄດ້ມາດຕະຖານຈາກຕ່າງປະເທດ ເຂົ້າໃນການຜະລິດ, ພ້ອມທັງໄດ້ຈ້າງວິສະວະກອນ, ຜູ້ຊ່ຽວຊານ ຈາກຕ່າງປະເທດ ແລະ ວິສະວະກອນ ຈາກພາຍໃນ ຈຳ ນວນໜຶ່ງ ເຂົ້າມາຄວບຄຸມ, ກວດກາ ແລະ ທົດສອບຂອງທຸກຂັ້ນຕອນການຜະລິດ. ສ່ວນບຸກຄະລາກອນ ໄດ້ນຳໃຊ້ແຮງງານທ້ອງຖິ່ນ ໂດຍໄດ້ສົ່ງໄປຝຶກອົບຮົມ ທັງຢູ່ພາຍໃນ ແລະ ຕ່າງປະເທດ ເພື່ອໃຫ້ເຂົາເຈົ້າເຮັດວຽກຢ່າງມືອາຊີບ, ທັງເປັນການສ້າງວຽກເຮັດງານທຳ ໃຫ້ຄົນໃນທ້ອງຖິ່ນ ຕື່ມອີກ.ບໍລິສັດ SES ກໍ່ສ້າງຄົບວົງຈອນ ຈຳກັດ ໄດ້ດຳເນີນທຸລະກິດໃນ 4 ຂະແໜງການຄື: ຂະແໜງ ກໍ່ສ້າງ ແລະ ຕິດຕັ້ງໄຟຟ້າ ຄົບວົງຈອນ, ຂະແໜງໂຮງງານອຸດສາຫະກຳຜະລິດໝໍ້ແປງ SK, ຂະແໜງກໍ່ສ້າງເຄຫາສະຖານ ແລະ ຂະແໜງຈຳໜ່າຍສິນຄ້າໄຟຟ້າ ແລະ ແຜ່ນອາລຸຊິງ. ໃນໄລຍະຜ່ານມາ, ບໍລິສັດ ໄດ້ປະກອບສ່ວນຊຸກຍູ້ສົ່ງເສີມ, ຊ່ວຍເຫລືອສັງຄົມໃນຫລາຍດ້ານ ເປັນຕົ້ນ ການແກ້ໄຂຄວາມທຸກຍາກຂອງປະຊາຊົນ, ໄພພິບັດ, ການສຶກສາ ແລະ ອື່ນໆ.

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່ ເພື່ອເສີມສ້າງລະບົບການຂົນສົ່ງໃນພາກພື້ນ, ສົ່ງເສີມການຮ່ວມມືທາງເສດຖະກິດ, ແລະ ເຊື່ອມຕໍ່ອາຊີຕາເວັນອອກສຽງໃຕ້ ເຂົ້າກັບເສັ້ນທາງການຄ້າໂລກ. ອີງຕາມການລາຍງານຂອງເວັບໄຊຕ໌ຂ່າວການຂົນສົ່ງທາງລົດໄຟ Railway Supply.ໃນວັນທີ 25 ພຶດສະພາ, ບໍລິສັດ Penang Port Sdn Bhd ແລະ ບໍລິສັດ ທ່າບົກທ່ານາແລ້ງ ຂອງ ສປປ ລາວ ໄດ້ລົງນາມໃນບັນທຶກການຮ່ວມມື (MoC) ເພື່ອພັດທະນາຄວາມຄິດລິເລີ່ມແຫ່ງຍຸດທະສາດນີ້. ບົດບັນທຶກນີ້ ໄດ້ຮັບການລົງນາມໂດຍ ປະທານບໍລິສັດ PTLH ທ່ານ ຈັນທອນ ສິດທິໄຊ, ແລະ ປະທານບໍລິສັດ MMC Ports ທ່ານ Datuk Azman Shah Mohd Yusof ພາຍໃຕ້ການເປັນສັກຂີພະຍານ ຂອງນາຍົກລັດຖະມົນຕີຂອງທັງສອງປະເທດ.

ເສັ້ນທາງການຄ້າທາງລົດໄຟ-ທະເລນີ້ ເຊື່ອມຕໍ່ລົດໄຟຈີນ-ລາວ ເຂົ້າກັບຝັ່ງຕາເວັນຕົກຂອງມາເລເຊຍ, ເພີ່ມການເຊື່ອມຕໍ່ເສັ້ນທາງໃນຫຼາຍຮູບແບບ ແລະ ສະໜັບສະໜູນວິໄສທັດຂອງລາວໃນການເປັນປະເທດເສດຖະກິດທີ່ເຊື່ອມຕໍ່ທາງບົກ.ເສັ້ນທາງການຄ້າທາງລົດໄຟ-ທະເລ ຈະສົ່ງເສີມການຈັບກຸ່ມພາກພື້ນ MMC Ports ຄຸ້ມຄອງທ່າເຮືອ 5 ແຫ່ງໃນມາເລເຊຍ ແລະ ມີຄວາມມຸ້ງໝັ້ນທີ່ຈະເສີມສ້າງບົດບາດຂອງມາເລເຊຍໃນຖານະເປັນສູນກາງການຂົນສົ່ງ. ທ່ານ Azman Shah ໄດ້ກ່າວວ່າ ເສັ້ນທາງນີ້ ຈະຊ່ວຍຫຼຸດຜ່ອນເວລາການຂົນສົ່ງ, ຫຼຸດຜ່ອນຄ່າໃຊ້ຈ່າຍການຂົນສົ່ງ, ແລະ ສົ່ງເສີມການເຊື່ອມປະສານຂອງອາຊຽນ.

ການຮ່ວມມືນີ້ຍັງປະກອບມີການເຊື່ອມປະສານລະບົບ, ການຕະຫຼາດຮ່ວມ, ການແລກປ່ຽນພະນັກງານ, ແລະ ການເຮັດໃຫ້ເອກະສານງ່າຍຂຶ້ນ. ຄວາມພະຍາຍາມເຫຼົ່ານີ້ມີຈຸດມຸ້ງໝາຍເພື່ອຈັດລະບົບການດໍາເນີນງານໃຫ້ມີປະສິດທິພາບຫຼາຍຂຶ້ນ ແລະ ປັບປຸງປະສິດທິຜົນໃນທົ່ວເສັ້ນທາງ.ສປປ ລາວ ແມ່ນໄດ້ພຶ່ງພາ ການຮ່ວມມືໃນພາກພື້ນ ເນື່ອງຈາກເສດຖະກິດທີ່ມີຂະໜາດນ້ອຍ ແລະ ທີ່ຕັ້ງທາງພູມສາດທີ່ບໍ່ມີທາງອອກທະເລ. ການເຊື່ອມຕໍ່ທາງທະເລທີ່ເຂັ້ມແຂງຂອງມາເລເຊຍກັບອິນເດຍ ແລະ ອາຟຣິກາ ເຮັດໃຫ້ທ່າເຮືອປີນັງກາຍເປັນປະຕູເສັ້ນທາງທີ່ເໝາະສົມ.

ເຊິ່ງປັດຈຸບັນ ການລົງທຶນຂອງມາເລເຊຍ ມີມູນຄ່າທັງໝົດ 946 ລ້ານໂດລາ ສະຫະລັດ, ກວມເອົາ 88 ໂຄງການ ແລະ ຖືກຈັດຢູ່ໃນອັນດັບທີ 4 ຂອງການລົງທຶນຕ່າງປະເທດ ຢູ່ ສປປ ລາວ, ພ້ອມທັງໄດ້ສະເໜີໃຫ້ລັດຖະບານມາເລເຊຍ ສືບຕໍ່ຊຸກຍູ້ ແລະ ລະດົມນັກທຸລະກິດມາເລເຊຍ ເຂົ້າມາລົງທຶນຢູ່ ສປປ ລາວ ໃຫ້ນັບມື້ນັບຫຼາຍຂຶ້ນ, ໂດຍສະເພາະ ຂະແຫນງການທີ່ເປັນບູລິມະສິດຂອງລັດຖະບານລາວ.ເຊິ່ງໃນປີ 2024 ຜ່ານມາ ການຄ້າສອງຝ່າຍມີມູນຄ່າຫຼາຍກວ່າ 43 ລ້ານໂດລາ ສະຫະລັດ ເມື່ອທຽບໃສ່ປີ 2023 ມີພຽງ 30 ລ້ານໂດລາ ສະຫະລັດ

Laos and Malaysia have established a strategic partnership to boost cross-border trade via a rail-sea route, with the exchange of a Memorandum of Cooperation between Penang Port Sdn Bhd (PPSB) and Thanaleng Dry Port (TDP) in Malaysia on Sunday.The document was exchanged between MMC Port Holdings Sdn Bhd Chief Executive Officer Datuk Azman Shah Mohd Yusof and PTL Holding Co., Ltd. (PTLH) Chairman and Founder, Dr Chanthone Sitthixay, witnessed by Prime Minister Sonexay Siphandone and his Malaysian counterpart Datuk Seri Anwar Ibrahim, Bernama reported on the day.

The Lao Prime Minister is in Malaysia on an official visit that includes attending the 46th Summit of the Association of Southeast Asian Nations (ASEAN) and related meetings, scheduled to take place on May 26-27, at the invitation of PM Anwar.
The partnership between the two companies is part of the broader effort to bolster economic ties between the two ASEAN members and the rest of the region.
PPSB is a subsidiary of MMC Port, while PTLH is the parent company of Vientiane Logistics Park Co., Ltd., which manages the Thanaleng Dry Port – Laos’ integrated logistics centre and the single window customs clearance point on the Laos-China Railway.
The partnership is part of a broader initiative under the regional Pan-Asia Railway Network, integrating the China-Laos Railway to create a strategic trade route linking southern China through Laos and Thailand, to Malaysia’s west coast.

Thanaleng Dry Port managing director Sakhone Philangam told Bernama that the collaboration marked a significant milestone in transforming Laos into a key logistics player, building on its landlocked status.
He expected that the partnership would benefit Laos economically, as the country’s small-scale economy needs to rely on higher trade volumes through cooperation with regional players like Malaysia and China.

“In logistics, you need agglomeration and massification. We don’t have that volume, so this partnership will enable us to tap into a larger logistics network,” he was quoted as saying.
The collaboration will involve the sharing of operational knowledge, joint marketing efforts, system integration, simplification of documentation processes, harmonisation of infrastructure, and short-term personnel exchanges.
MMC Port is a holding company that operates five ports across Peninsular Malaysia, namely the PPSB, Port of Tanjung Pelepas, Johor Port Bhd, Northport (Malaysia) Bhd, and Tanjung Bruas Port Sdn Bhd, making it Malaysia’s largest port operator.
Meanwhile, PTLH is a major Lao conglomerate that operates a wide range of businesses including logistics, finance, railway, industrial and investment zones, and gold (Bullion Bank).

Azman Shah said the initiative, which is aligned with efforts to enhance ASEAN connectivity, will reduce transit times and logistics costs, improve supply chain efficiency, and boost regional economic growth.
“We are pleased to contribute to Thanaleng Dry Port’s efforts to realise Laos’ national strategy to transform from a land-locked country to a land-linked nation,” the CEO was quoted as saying.
This is the second partnership that the Thanaleng Dry Port has secured with a Malaysian company.

Earlier, it signed an agreement with Mutiara Perlis Sdn Bhd to facilitate inland port services, leveraging the existing multimodal integration including the rail network of which the TDP is a vital part.
Containing the standard-gauge Laos-China Railway and the one-metre gauge Laos-Thailand rail track that run side by side to enable seamless connection, Thanaleng Dry Port has facilitated rail freight expresses linking Malaysia to several Chinese cities, bolstering cross-border trade.

In 2024, total bilateral trade between Laos and Malaysia exceeded US$43 million, up from just US$30 million in 2023, according to the Lao Ministry of Foreign Affairs.
Malaysia is Laos’ fourth-largest foreign investor, with total investments amounting to US$946 million across 88 projects, in sectors including renewable energy, transport, telecommunications, construction, banking and hospitality.

ໃນວັນສຸກ ວັນທີ 09 ພຶດສະພາ 2025 ທີ່ຜ່ານມາ. ບໍລິສັດ ອິນດັດສ໌ເທັກ ຈຳກັດ (IndusTek Co., Ltd.) ນຳໂດຍ ທ່ານ ພອນສະຫວັນ ໄຊປັນຍາ ຜູ້ອຳນວຍການບໍລິສັດ ຮ່ວມກັບ ບໍລິສັດ ອິມເພີຣ້ຽວ ໄຟເອີ້ ເອັນຈິເນຍຣີ້ງ（Imperial Fire Engineering） ໄດ້ຈັດງານສຳມະນາ ເຊິ່ງພາຍໃນງານຄັ້ງນີ້ໃຫ້ກຽດເຂົ້າຮ່ວມໂດຍ ທ່ານ ພັອ. ວິລະພອນ ວົງຄຳມຸນຕີ ຫົວໜ້າກົມຕຳຫຼວດສະກັດກັ້ນ ແລະ ຕ້ານອັກຄີໄພ ກະຊວງປ້ອງກັນຄວາມສະຫງົບ ພ້ອມດ້ວຍຄະນະ. ທາງບໍລິສັດ ອິນດັດສ໌ເທັກ ຈຳກັດ ໄດ້ຈັດງານສຳມະນາໃນຄັ້ງນີ້ຂຶ້ນມາ ເພື່ອໃຫ້ຄວາມຮູ້ດ້ານຄວາມປອດໄພໃນຫົວຂໍ້ “ການນຳໃຊ້ປະເພດຖັງດັບເພີງ ແລະ ເກນການຄັດເລືອກລະບົບດັບເພີງອັດຕະໂນມັດດ້ວຍສານພິເສດແບບທັນສະໄໝ (Fire Suppression System) ແລະ ລະບົບສັນຍານແຈ້ງເຕືອນອັກຄີໄພ” ທີ່ໂຮງແຮມ ດອນຈັນ ພາເລດ (Donchan Palace) ນະຄອນຫຼວງວຽງຈັນ ສ.ປ.ປ ລາວ.

ງານສຳມະນາໃນຄັ້ງນີ້ ເຮົາໄດ້ຈັດຂຶ້ນໂດຍມີຈຸດປະສົງທີ່ສຳຄັນເພື່ອປ້ອງກັນ, ເຜີຍແຜ່ຄວາມຮູ້,  ແລະ ຫຼຸດຜ່ອນຄວາມສ່ຽງຈາກອັກຄີໄພທີ່ອາດຈະເກີດຂຶ້ນໃນຊີວິດປະຈຳວັນ ທັງໃນທີ່ຢູ່ອາໄສ, ຕຶກອາຄານ, ສຳນັກງານ, ໂຮງງານອຸດສາຫະກຳ ແລະ ພື້ນທີ່ສາທາລະນະໜ່ວຍງານພາກລັດ ແລະ ເອກະຊົນ ໄປຈົນເຖິງຜູ້ປະກອບການໃນຫຼາຍໆອຸດສາຫະກຳ ໂດຍມີຈຸດປະສົງຫຼັກເພື່ອຫຼຸດຄວາມສ່ຽງ ແລະ ຜົນກະທົບຈາກເຫດການໄຟໄໝ້ທີ່ອາດຈະເກີດຂຶ້ນໃນປະເທດລາວ ແລະ ເຮົາຍັງໄດ້ຄຳນຶງເຖິງຄວາມປອດໄພຂອງຊີວິດ ແລະ ຊັບສິນອັນມີຄ່າຂອງປະຊາຊົນເປັນຫຼັກ.

ໂດຍພາຍໃນງານມີການບັນຍາຍໂດຍວິທະຍາກອນ ແລະ ຜູ້ຊ່ຽວຊານທີ່ມີປະສົບການມາຫຼາຍກວ່າ 20ປີ ຈາກບໍລິສັດ Imperial Fire Engineering ປະເທດໄທ ໄດ້ແກ່:
– Mr. Panu Witthaya-Amnueykun （Chief Exceutive Officer）
– Mr. Narit Khamintakun （Fire Protection Engineer）
ທັງສອງທ່ານໄດ້ຖ່າຍທອດຄວາມຮູ້ທີ່ຄອບຄຸມໃນຫຼາກຫຼາຍດ້ານເຊັ່ນ: ປະເພດຂອງຖັງດັບເພີງຊະນິດຕ່າງໆ ແລະ ຄຸນນະສົມບັດໃນການໃຊ້ງານ:
– ແນວທາງການເລືອກໃຊ້ຖັງດັບເພີງ ແລະ ວິທີການດູແລຮັກສາ
– ລະບົບດັບເພີງອັດຕະໂນມັດຊະນິດຕ່າງໆ ແລະ ການເລືອກໃຊ້ Fire Suppression System
– ລະບົບສັນຍານແຈ້ງເຫດເພີງໄໝ້ Fire Alarm System ແລະ ອື່ນໆ

ພາຍໃນງານຍັງມີການຍົກກໍລະນີສຶກສາ ແລະ ມີການສາທິດເຫດການໄຟໄໝ້ ເພື່ອໃຊ້ເປັນບົດຮຽນໃນການຮຽນຮູ້ ແລະ ຫາທາງປ້ອງກັນໃນອະນາຄົດ ພ້ອມເປີດໂອກາດໃຫ້ຜູ້ເຂົ້າຮ່ວມໄດ້ສອບຄຳຖາມ, ສາທິດຕົວຈິງ ແລະ ໄດ້ແລກປ່ຽນຄວາມຄິດເຫັນກັບຜູ້ຊ່ຽວຊານໂດຍຕົງ.

ບໍລິສັດ IndusTek Co., Ltd ແລະ ບໍລິສັດ Imperial Fire Engineering ຕ່າງກໍຕະໜັກເຖິງບົດບາດ ແລະ ຄວາມສຳຄັນໃນການສົ່ງເສີມວັດທະນາທຳຄວາມປອດໄພໃນສັງຄົມ ໂດຍມຸ່ງເນັ້ນໃຫ້ປະຊາຊົນ, ຫົວໜ່ວຍທຸລະກິດ ແລະ ອົງການຈັດຕັ້ງຕ່າງໆ ໃຫ້ມີຄວາມຮູ້, ຄວາມເຂົ້າໃຈ ແລະ ມີທ່າແຮງໃນການປ້ອງກັນ ແລະ ຮັບມືກັບອັກຄີໄພໄດ້ຢ່າງມີປະສິດທິພາບ ທັງໃນລະດັບຄົວເຮືອນ ແລະ ໃນລະດັບອົງກອນ.

ເປົ້າໝາຍໄລຍະຍາວຂອງງານສຳມະນາໃນຄັ້ງນີ້ ຄືການສ້າງແຮງຜັກດັນໃຫ້ເກີດການປ່ຽນແປງດ້ານບວກກ່ຽວກັບຄວາມປອດໄພໃນປະເທດລາວ ເພື່ອລົດຄວາມສູນເສຍ ແລະ ສ້າງເຄື່ອຂ່າຍຄວາມຮ່ວມມືທີ່ເຂັ້ມແຂງລະຫວ່າງໜ່ວຍງານທີ່ກ່ຽວຂ້ອງ ເພື່ອໃຫ້ທຸກໆທ່ານຢູ່ໃນສະພາບແວດລ້ອມທີ່ປອດໄພຍິ່ງຂຶ້ນ.

ນະຄອນຫຼວງວຽງຈັນ, ສປປ ລາວ, ວັນທີ 30 ເມສາ 2025 – ທະນາຄານສົ່ງເສີມກະສິກຳ ຈຳກັດ (APB) ເສີມຂະຫຍາຍບົດບາດເປັນຜູ້ນຳດ້ານນະວັດຕະກຳດ້ານການເງິນ ໂດຍຜ່ານການຮ່ວມມືຍຸດທະສາດກັບ Visa, ເຊິ່ງເປັນຜູ້ບຸກເບີກການຊຳລະເງິນດິຈິຕອນທົ່ວໂລກ. ໂດຍການນຳໃຊ້ Visa B2B Connect, APB ກໍາລັງເພີ່ມຄວາມສາມາດໃນການຊໍາລະຂ້າມຊາຍແດນດ້ວຍຊ່ອງທາງທີ່ປອດໄພ, ມີປະສິດທິພາບ, ແລະໂປ່ງໃສທີ່ຖືກອອກແບບມາສໍາລັບຄວາມຕ້ອງການຂອງທຸລະກິດທີ່ທັນສະໄຫມ.

ການເປີດຕົວ APB World-Remit enabled by Visa B2B Connect ເປັນບາດກ້າວອັນສຳຄັນໃນການປັບປຸງວິທີການດຳເນີນທຸລະກິດຂອງລາວໃນການຈັດການທຸລະກຳລະຫວ່າງປະເທດ. ຊ່ອງທາງນີ້ຊ່ວຍໃຫ້ການໂອນເງິນຈາກທະນາຄານໄປຫາທະນາຄານໂດຍກົງ, ເພີ່ມຄວາມໂປ່ງໃສ, ແລະ ຊ່ວຍໃຫ້ລູກຄ້າສາມາດຕິດຕາມການຊໍາລະໄດ້ໃນເວລາທີ່ແທ້ຈິງ, ສະຫນອງຄວາມໄວ, ຄວາມຖືກຕ້ອງ, ແລະ ຄວາມຫມັ້ນໃຈໃນທຸກໆທຸລະກໍາ.

ທ່ານ ພິລາວັນ ສໍພາບມີໄຊ, ຜູ້ອຳນວຍການຂອງ ທສກ ໄດ້ກ່າວວ່າ: “ການຮ່ວມມືກັບ Visa ແມ່ນສອດຄ່ອງກັບຄວາມຕັ້ງໃຈຂອງ ທສກ ໃນການກ້າວໄປສູ່ການບໍລິການ ດ້ານການເງິນດິຈິຕອລ ແລະ ປະກອບສ່ວນເຂົ້າໃນການພັດທະນາເສດຖະກິດແບບຍືນຍົງໃນ ສປປ ລາວ. ເມື່ອແຍງໃສ່ຄຳເວົ້າທີ່ວ່າ “ວ່ອງໄວ ກ້າວໄກ ໄປຄຽງຄູ່ທ່ານ” ຂອງ ທສກ ແລ້ວ, ພວກເຮົາກຳລັງສ້າງລະບົບວົງຈອນທີ່ຄົບຊຸດ ທີ່ສາມາດຮອງຮັບລູກຄ້າລະດັບອົງກອນ ຜ່ານເຄື່ອງມືທັນສະໄໝສຳລັບການບໍລິຫານຈັດການດ້ານການຊຳລະເງິນ, ສະພາບຄ່ອງ, ແລະ ບໍລິຫານເງິນທຶນລະຫວ່າງປະເທດແບບທັນທີ.”

ນອກນັ້ນ ທ່ານຍັງໄດ້ຢໍ້າຕື່ມວ່າ APB World-Remit with Visa B2B Connect ສາມາດຮອງຮັບເງິນຕາຕ່າງປະເທດຫຼາຍສະກຸນເງິນ ແລະ ຫຼາຍກວ່າ 110 ປະເທດທົ່ວໂລກ, ເປັນການເສີມສ້າງບົດບາດຂອງ APB ໃນການເຊື່ອມຕໍ່ທຸລະກິດລາວກັບຕະຫຼາດສາກົນ.

ທ່ານ ນາງ Dung Dang, ຜູ້ອຳນວຍການ Visa ສະເພາະປະເທດຫວຽດນາມ ແລະ ລາວ ໄດ້ກ່າວວ່າ: “ພວກເຮົາດີໃຈທີ່ໄດ້ຮ່ວມມືກັບ APB ໃນການເສີມຂະຫຍາຍທຸລະກຳຂ້າມແດນສຳລັບທຸລະກິດຢູ່ ສປປ ລາວ. ການນຳໃຊ້ Visa B2B Connect ເປັນການເສີມສ້າງຄວາມເຂັ້ມແຂງແກ່ທຸລະກິດລາວ ໃນການບໍລິຫານການຊຳລະເງິນລະຫວ່າງປະເທດຢ່າງມີປະສິດທິຜົນຫຼາຍຂຶ້ນ. ການຮ່ວມມືຄັ້ງນີ້ສະແດງໃຫ້ເຫັນຄວາມຕັ້ງໃຈຂອງສອງຝ່າຍໃນການສົ່ງເສີມນະວັດຕະກຳ ແລະ ນຳສະເໜີບໍລິການທາງການເງິນທີ່ມີປະສິດທິພາບສູງ ສອດຄ່ອງກັບຄວາມຕ້ອງການຂອງລູກຄ້າ ແລະ ຄູ່ຮ່ວມຂອງທັງສອງຝ່າຍນັບມື້ນັບຫລາຍຂຶ້ນ.

ການຮ່ວມມືນີ້ແມ່ນສ່ວນໜຶ່ງຂອງໂຄງການກ່ຽວກັບຊ່ອງທາງການໂອນເງິນແບບດິຈິຕອລທີ່ຄອບຄຸມຫລາກຫລາຍຂອງ APB ທີ່ສຸມໃສ່ການຂະຫຍາຍການໃຫ້ບໍລິການທົ່ວໂລກຜ່ານເຕັກໂນໂລຊີທີ່ລໍ້າໜ້າ ແລະ ຜ່ານການຮ່ວມມືຍຸດທະສາດທີ່ເຂັ້ມແຂງ. ປັດຈຸບັນ ພວກເຮົາສາມາດເວົ້າໄດ້ວ່າ ລູກຄ້າລະດັບອົງກອນ ຫຼື ຫົວໜ່ວຍທຸລະກິດຂະແໜງຕ່າງໆ ສາມາດເຂົ້າໃຊ້ບໍລິການໂອນເງິນລະຫວ່າງປະເທດ ຜ່ານ APB World-Remit with Visa B2B Connect ໄດ້ແລ້ວ. ສໍາລັບລາຍລະອຽດເພີ່ມເຕີມ ສາມາດຕິດຕໍ່ສອບຖາມໄດ້ທີ່ສາຂາ ແລະ ໜ່ວຍບໍລິການທົ່ວປະເທດ APB ຫຼື ສາຍດ່ວນ 1989.

ໄດ້ຈັດຂຶ້ນໃນຄັ້ງວັນທີ 2 ພຶດສະພາ 2025, ທີ່ຜ່ານມາ, ຢູ່ໂຮງແຮມ ຮໍລິເດ ອິນ ໂດຍການເປັນປະທານຂອງທ່ານ ປອ ສິນລະວົງ ຄຸດໄພທູນ, ກໍາມະການກົມການເມືອງສູນການພັກ ປະທານສູນກາງແນວລາວສ້າງຊາດ ໂດຍມີບັນດາກະຊວງ ກົມ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ. ລວມມີຫ້ອງວ່າການສູນກາງພັກ, ສູນກາງແນວລາວສ້າງຊາດ, ສະພາແຫ່ງຊາດ, ສໍານັກງານນາຍົກລັດຖະມົນຕີ, ກະຊວງການເງິນ, ທະນາຄານແຫ່ງ ສປປ ລາວ, ກະຊວງອຸດສາຫະກໍາແລະການຄ້າ, ກະຊວງແຜນການແລະການລົງທຶນ, ຫ້ອງວ່າການນະຄອນຫຼວງ, ເຈົ້າເມືອງພາຍໃນນະຄອນຫຼວງ, ສະພາການຄ້າ ແລະ ອຸດສາຫະກໍາແຫ່ງຊາດລາວ, ທະນາຄານທຸລະກິດ, ຮ້ານຄໍາ ແລະ ແຂກຈາກບໍລິສັດຕ່າງໆ.

ຈຸດປະສົງ ຂອງກອງປະຊຸມໃນຄັ້ງນີ້ ແມ່ນເພື່ອຜັນຂະຫຍາຍຄວາມສໍາເລັດໃນການສ້າງຕັ້ງ ແລະ ດໍາເນີນງານຂອງ ທະນາຄານຄໍາ ລາວ ເທື່ອລະກ້າວ ອີງຕາມຄໍາສັ່ງຂອງສະຫາຍທອງລຸນ ສີສຸລິດ ເລຂາທິການໃຫຍ່ ປະທານປະເທດ ແຫ່ງ ສປປ ລາວ ທີ່ກອງປະຊຸມລັດຖະບານເປີດກວ້າງ ຄັ້ງທີ I ປີ 2024 ໃນວັນທີ 15 ກໍລະກົດນີ້ ທີ່ກ່ຽວກັບບາງລະດັບຄາດໝາຍ ແລະ ຈຸດໝາຍ ສະເພາະໜ້າທີ່ລັດຖະບານ ຕ້ອງໄດ້ສຸມໃສ່ແກ້ໄຂບັນຫາໃຫ້ໄດ້ຕາມຄາດໝາຍ ທີ່ຈຳເປັນຮີບດ່ວນ
“ຕັ້ງໜ້າຫຼຸດຜ່ອນການໃຊ້ເງິນຕາໃຫ້ຫຼຸດລົງ ດ້ວຍວິທີຈຳກັດການນໍາເຂົ້າສິນຄ້າທີ່ບໍ່ຈຳເປັນ ໃຫ້ເປັນຮູບປະທຳ, ໃຫ້ຮີບຮ້ອນສ້າງຕັ້ງທະນາຄານຄຳ ຂຶ້ນໂດຍໄວ ແລະ ເອົາຄຳເປັນຄັງສະສົມແຫ່ງລັດໃຫ້ໄດ້, ຖືເປັນບາດກ້າວສຳຄັນ ຂອງການຄໍ້າປະກັນສະຖຽນລະພາບ ຂອງເສດຖະກິດແຫ່ງຊາດ; ແຕ່ຕ້ອງຄຸ້ມຄອງໃຫ້ຮັດກຸມ, ຫຼຸດຜ່ອນການໃຊ້ເງິນຕາລົງ ແມ່ນໝາກຫົວໃຈ ຂອງການປະຢັດ, ແມ່ນການສະກັດກັ້ນການເພີ່ມຂຶ້ນ ຂອງການແລກປ່ຽນນອກລະບົບ”

ດັ່ງນັ້ນ, ການສ້າງຕັ້ງ ທະນາຄານຄຳ ລາວ ຈໍາກັດ ຈຶ່ງສະແດງໃຫ້ເຫັນເຖິງການຮ່ວມມືກັນລະຫວ່າງລັດຖະບານ ແລະ ເອກະຊົນ ກໍ່ຄືລະຫວ່າງກະຊວງການເງິນ ແລະ ບໍລິສັດ PTL Holding Co., Ltd. ເພື່ອຢັ້ງຢືນເຖິງວັດຖຸປະສົງດຽວກັນຈັດຕັ້ງຜັນຂະຫຍາຍແນວຄິດວິໄສທັດຂອງພັກ ແລະ ລັດຖະບານແຫ່ງ ສປປ ລາວ ວ່າດ້ວຍການສຳຮອງຄວາມໝັ້ນຄົງ ແລະ ສ້າງສະຖຽນລະພາບດ້ານເສດຖະກິດ ຂອງປະເທດຊາດ ຜ່ານການສ້າງຕັ້ງທະນາຄານຄຳ ລາວ ຈໍາກັດ ທີ່ຈະສາມາດປົດລັອກທ່າແຮງ ທາງດ້ານການເງິນ, ການຄັງ, ສ້າງຄວາມເຂັ້ມແຂງໃຫ້ສະກຸນເງິນກີບ, ການລະດົມທຶນ ແລະ ເສີມສ້າງສະພາບຄ່ອງ ເພື່ອເຂົ້າມາໝຸນໃຊ້ສ້າງພັດທະນາປະເທດຊາດໃຫ້ໄດ້ຢ່າງມີປະສິດຕິພາບ ແລະ ເກີດຜົນປະໂຫຍດສູງສຸດຕໍ່ກັບເສດຖະກິດຂອງປະເທດ. ໂດຍສະເພາະແມ່ນການເພີ່ມສະພາບຄ່ອງ ດ້ານການເງິນ ແລະ ເປັນແຫລ່ງທຶນຮອນເຂົ້າມາ ນຳໃຊ້ໃນການພັດທະນາບັນດາໂຄງການຍຸດທະສາດດ້ານພື້ນຖານໂຄງລ່າງ, ກະສິກຳ ແລະ ອຸດສາຫະກຳ ທີ່ສຳຄັນຈຳເປັນໃນການສ້າງພື້ນຖານທີ່ເຂັ້ມແຂງ ແລະ ຄວາມໝັ້ນຄົງໃຫ້ແກ່ລະບົບເສດຖະກິດຂອງປະເທດໃຫ້ນັບມື້ນັບຈະເລີນກ້າວໜ້າ.

ການສ້າງຕັ້ງ ແລະ ໃຫ້ບໍລິການທະນາຄານຄຳນີ້ ຈະສາມາດພັດທະນາຍົກລະດັບການຄຸ້ມຄອງບໍລິຫານຈັດ ການຄຳ ຂອງ ສປປ ລາວ ໃຫ້ໄດ້ມາດຕະຖານສາກົນ ກາຍເປັນທີ່ຍອມຮັບ ແລະ ສາມາດແຂ່ງກັນໄດ້ກັບພາກພື້ນ ແລະ ສາກົນ ຜ່ານບັນດາກົນໄກການບໍລິການຕ່າງໆຂອງທະນາ ຄານຄຳ ເປັນຕົ້ນແມ່ນ ບັນຊີຝາກຄຳ, ສິນເຊື່ອການໃຫ້ກູ້ເງິນ ແລະ ຄຳ, ການຢັ້ງຢືນຮັບຮອງຍົກລະດັບມາດຕະຖານ ຄຸນະພາບຄຳ ໃຫ້ເປັນລະດັບສາກົນ ເຊິ່ງບັນດາກົນໄກການບໍລິການຕ່າງໆເຫຼົ່ານີ້ ຈະສາມາດ ຍົກສູງພາລະບົດບາດ ອຸດສາຫະ ກຳ ແລະ ຕ່ອງໂສ້ການສະໜອງຄຳຂອງປະເທດລາວ, ສ້າງໃບໜ້າ ອັນໃໝ່ ແລະ ຊ່ວຍເຮັດໃຫ້ ສປປ ລາວ ເພີ່ມຄວາມອາດສາມາດກາຍເປັນໜຶ່ງໃນຜູ້ນຳດ້ານອຸດສາ ຫະກຳຄໍາ ທີ່ສາມາດແຂ່ງຂັນໄດ້ ກັບພາກພື້ນ ແລະ ສາກົນ ສ້າງຊື່ສຽງໃຫ້ ສປປ ລາວ ເປັນທີ່ຮູ້ຈັກ ແລະ ຍອມຮັບໃນເວທີເສດຖະກິດໂລກ ອີກທັງຈະເປັນການສົ່ງເສີມ ແລະ ດຶງດູດການລົງທຶນຈາກທັງພາຍໃນ ແລະ ຕ່າງປະເທດປະກອບສ່ວນເພີ່ມທະວີໃຫ້ມູນຄ່າທາງດ້ານເສດຖະກິດຂອງລາວ ໃຫ້ນັບມື້ນັບຂະຫຍາຍຕົວ.

ທະນາຄານຄໍາ ລາວ ໄດ້ເປີດໃຫ້ບໍລິການຢ່າງເປັນທາງການໃນເດືອນທັນວາ 2024 ທີ່ນະຄອນຫລວງວຽງຈັນ. ທະນາຄານຄໍາ ລາວ ສືບຕໍ່ພາກປະຕິບັດໃຫ້ເກີດຜົນເປັນຈິງ ແລະ ດໍາເນີນງານດ້ວຍຜົນສໍາເລັດເທື່ອລະກ້າວ ໂດຍມີບົດບາດໃນການສະສົມຄໍາ ເພື່ອສ້າງຄວາມເຂັ້ມແຂງໃຫ້ກັບລະບົບເງິນຕາຂອງປະເທດ ແລະ ສົ່ງເສີມການພັດທະນາເສດຖະກິດຢ່າງຍືນຍົງ. ທະນາຄານໄດ້ສະເຫນີບໍລິການທາງການເງິນທີ່ອີງໃສ່ຄໍາ ເຊັ່ນ ບັນຊີເງິນຝາກຄໍາ, ສິນເຊື່ອຄໍາ, ແລະ ໃບຢືນຢັນເງິນຝາກຄໍາ ທີ່ສາມາດນໍາໄປໃຊ້ເປັນຫຼັກປະກັນໄດ້.

ທ່ານ ປອ ສິນລະວົງ ຄຸດໄພທູນ, ກໍາມະການກົມການເມືອງສູນການພັກ ປະທານສູນກາງແນວລາວສ້າງຊາດ ໄດ້ກ່າວວ່າ ການສ້າງຕັ້ງທະນາຄານນີ້ເປັນສ່ວນໜຶ່ງຂອງຄວາມພະຍາຍາມຂອງລັດຖະບານໃນການສ້າງຄວາມເຂັ້ມແຂງໃຫ້ກັບລະບົບເງິນຕາ ແລະ ສົ່ງເສີມການພັດທະນາເສດຖະກິດຢ່າງຍືນຍົງ. ທະນາຄານຄໍາລາວຈຶ່ງເປັນການຕອບສະໜອງຕໍ່ວິໃສທັດຂອງລັດຖະບານໃນການສ້າງຄວາມມັ່ນຄົງທາງເສດຖະກິດ ແລະ ການເງິນ

ການເຜີຍແຜ່ປຸກລະດົມໃນຄັ້ງນີ້ມີຄວາມສໍາຄັນຫລາຍ. ນັກຄົ້ນຄວ້າ, ນັກທິດສະດີ, ນັກເສດຖະກິດ, ນັກທຸລະກິດ ຕ່າງກໍ່ມີຄວາມເຫັນດຽວກັນ ວ່າພວກເຮົາມີຄວາມພູມໃຈຕໍ່ທິດທາງຂອງການນໍາ ແລະ ລັດຖະບານໃນການສ້າງຕັ້ງທະນາຄານຄໍາ. ຜ່ານມາມີຫລາຍບໍລິສັດສົນໃຈ, ແຕ່ລັດຖະບານໄດ້ເຫັນເຖິງຄວາມຕ້ັງໃຈແລະສຶກສາມາຫລາຍປີ ແລະມີຄວາມພ້ອມຮອບດ້ານຫລາຍກ່ວາບໍລິສັດອື່ນ ດັ່ງນັ້ນຈຶ່ງໄດ້ອະນຸຍາດໃຫ້ບໍລິສັດ PTL HOLDING ສ້າງຕັ້ງ ຮ່ວມກັບລັດຖະບານ ໂດຍຕາງຫນ້າກະຊວງການເງິນ ແລະ ທະນາຄານແຫ່ງ ສປປ ລາວ. ຕໍ່ໄປຈຶ່ງພິຈາລະນາເພີ່ມຕື່ມຖ້າຈໍາເປັນ. ນອກຈາກນັ້ນ ທ່ານຍັງໄດ້ມິຄໍາເຫັນເພີ່ມຕື່ມອີກວ່າ ຜ່ານການເຄື່ອນໄຫວ ເຫັນວ່າມີຄວາມຄືບຫນ້າຫລາຍດ້ານ. ນັກວິໄຈເສດຖະສາດຂອງຫລາຍປະເທດ ກໍ່ໃຫ້ຄໍາເຫັນດ້ານບວກຕໍ່ການສ້າງຕັ້ງທະນາຄານຄໍາລາວ. ໃນໄລຍະຕໍ່ໄປ ທະນາຄານຄໍາ ລາວ ຕ້ອງໄດ້ປະຕິບັດຕາມແຜນວຽກ ແລະ ວິໄສທັດທີ່ກໍານົດໄວ້. ສໍາລັບແນວລາວສ້າງຊາດຕ້ອງໃຫ້ການສະຫນັບສະຫນູນທະນາຄານຄໍາ ລາວ, ສ້າງຄວາມເຂົ້າໃຈໃຫ້ກັບສັງຄົມແລະປະຊາຊົນ, ຜັນຂະຫຍາຍວິໄສທັດ, ຈຸດປະສົງ ແລະ ແຜນວຽກລວມຂອງລັດຖະບານ ພ້ອມກັນນັ້ນຕ້ອງໄດ້ປຸກລະດົມໃຫ້ສັງຄົມປະກອບສ່ວນ, ພາກັນຝາກຄໍາໃຫ້ຫລາຍຂຶ້ນ ຮ່ວມກັນຊື້ຄໍາໃນຫລາກຫລາຍຮູບແບບໃຫ້ຫລາຍຂຶ້ນ, ປົກປ້ອງ ແລະ ຊຸກຍູ້ສະຫນັບສະຫນູນທະນາຄານຄໍາ ລາວ. ທ້າຍສຸດນີ້ ສິ່ງສໍາຄັນທີ່ສຸດແມ່ນການລະດົມຄໍາເຂົ້າລະບົບໃຫ້ໄດ້ຫລາຍຂຶ້ນ ຜ່ານການເປີດບັນຊີຝາກຄໍາກັບທະນາຄານຄໍາ ລາວ ຂໍໃຫ້ທຸກທ່ານທີ່ເຂົ້າຮ່ວມ ແລະ ສັງຄົມຮ່ວມມືແລະຜັກດັນວຽກງານດັ່ງກ່າວໃຫ້ປະກົດຜົນເປັນຈິງ

ກອງປະຊຸມຄັ້ງນີ້ ຍັງໄດ້ມີການສອບຖາມຢ່າງກົງໄປກົງມາ ກ່ຽວກັບການເຄື່ອອນໄຫວຂອງທະນາຄານຄໍາ ໃນຫລາກຫລາຍປະເດັນດ້ວຍຄວາມສົນໃຈ ພ້ອມທັງເຈາະຈິ້ມຢ່າງເລິກເຊິ່ງດ້ວຍຄວາມຄິດສ້າງສັນ ແລະ ມີເປົ້າຫມາຍດຽວກັນ ເພື່ອໃຫ້ຄວາມຄາດຫມາຍທີ່ເປັນການມຸ່ງເນັ້ນໃຫ້ທຸກພາກສ່ວນໃນສັງຄົມ ກໍ່ຄືພັກ ແລະ ລັດຖະບານ ລວມທັງກະຊວງ ກົມກອງ ແລະ ບໍລິສັດຫ້າງຮ້ານຕ່າງໆ ໄດ້ເຂົ້າໃຈຢ່າງເລິກເຊິ່ງ ແລະ ເຫັນເຖິງຄວາມສໍາຄັນຂອງການສ້າງຕັ້ງທະນາຄານຄໍາ ລາວ ພ້ອມກັນນັ້ນຮຽນຮ້ອງມາຍັງທຸກພາກສ່ວນໃນການຮ່ວມມືປະຊາສໍາພັນໄປຍັງທົ່ວສັງຄົມ ຫມັ້ນໃຈ ເຊື່ອຫມັ້ນ ແລະ ໄວ້ວາງໃຈໃນການມາຢາກຄໍາ ກັບທະນາຄານຄໍາ ລາວ ທີ່ດໍາເນີນທຸລະກິດຢ່າງຖືກຕ້ອງ ແລະ ໂປ່ງໃສ ພາຍໃຕ້ກົດຫມາຍທະນາຄານທຸລະກິດແຫ່ງ ສປປ ລາວ ໂດຍສະເພາະແມ່ນຄໍາທີ່ເກັບໄວ້ໃນເຮືອນຂານບ້ານຊ່ອງຂອງພໍ່ແມ່ນປະຊາຊົນ ນໍາມາໃາກກັບທະນາຄານຄໍາ ລາວ ທີ່ມີຄວາມປອດໄພລະດັບສາກົນ
ພາຍໃຕ້ວິໄສທັດຂອງພັກ ແລະ ລັດຖະບານແຫ່ງ ສປປ ລາວ ໃນການສ້າງຕັ້ງ ແລະ ຄວາມສໍາເລັດການຈັດຕັ້ງປະຕິບັດທະນາຄານຄຳ ຈະເປັນປັດໄຈສຳຄັນໃນການກະຕຸກຊຸກຍູ້ ການເຕີບໂຕທາງດ້ານເສດຖະກິດ ຂອງປະເທດ ໂດຍເປັນການກາຍເປັນແຫຼ່ງສຳຮອງໃນການສະສົມຄຳ ຊັບພະຍາກອນແຮ່ຄຳ ພັດທະນາອຸດສາຫະກຳຄຳ ແລະ ຕະຫຼາດຄຳລາວ ໃຫ້ໄດ້ມາດຕະຖານ ການເປັນສູນກາງ ຕະຫຼາດການຄ້າ ແລະ ການລົງທຶນໃນຄຳ ຂອງພາກພື້ນ ແລະ ສາກົນ.