Home Blog Page 142

ລາຍລະອຽດຜູ້ເສຍຊີວິດ ແລະ ຜູ້ຕິດເຊື້ອໃໝ່ມື້ນີ້!

ໂທລະໂຄ່ງ THOLAKHONG
-
0
ລາຍລະອຽດຜູ້ເສຍຊີວິດ ແລະ ຜູ້ຕິດເຊື້ອໃໝ່ມື້ນີ້!

ຕາມກາລາຍງານຈາກຄະນະສະເພາະກິດ ປະຈຳວັນໃຫ້ຮູ້ວ່າ: ທົ່ວປະເທດ ໄດ້ເກັບຕົວຢ່າງມາກວດຊອກຫາເຊືື້ອ COVID-19 ທັງໝົດ 4,793 ຕົວຢ່າງ, ໃນນັ້ນ ກວດພົບຜູ້ຕິດເຊືື້ອໃໝ່ 999 ຄົນ (ຕິດເຊື້ອພາຍໃນ ມີ 995 ຄົນ ແລະ ຕິດເຊື້ອນໍາເຂົ້າ04 ຄົນ).  

ຂໍ້ມູນໂດຍຫຍໍ້ກ່ຽວກັບການຕິດເຊືື້ອພາຍໃນໃໝ່ ທັງໝົດ 995 ຄົນ ຈາກ 16 ແຂວງ ເຊີ່ງຈະລຽງລຳດັບຈາກແຂວງທີ່ມີກໍລະນີຫຼາຍຫາໜ້ອຍ ເຊິ່ງມີລາຍລະອຽດ ດັ່ງນີ້:

–ນະຄອນຫຼວງ 407 ຄົນ ໃນ 156 ບ້ານ ແລະ 8 ເມືອງ

  • ເມືອງຈັນທະບູລີ 42 ຄົນ ຈາກ 21 ບ້ານ
  • ເມືອງສີໂຄດຕະບອງ 67 ຄົນ ຈາກ 28 ບ້ານ
  • ເມືອງໄຊເສດຖາ 91​ ຄົນ ຈາກ 33 ບ້ານ
  • ເມືອງສີສັດຕະນາກ 46 ຄົນ ຈາກ 15​ ບ້ານ
  • ເມືອງນາຊາຍທອງ 23​ ຄົນ ຈາກ 8 ບ້ານ
  • ເມືອງໄຊທານີ 100 ຄົນ ຈາກ 32 ບ້ານ
  • ເມືອງຫາດຊາຍຟອງ 30 ຄົນ ຈາກ 18 ບ້ານ
  • ເມືອງສັງທອງ 1 ຄົນ ຈາກ 1 ບ້ານ
  • ເຫຼືອນັ້ນ ກຳລັງສືບຕໍ່ເອົາຂໍ້ມູນ

–ຫຼວງພະບາງ ມີ 123 ຄົນ ໃນ 45 ບ້ານ ແລະ 8 ເມືອງ

–ແຂວງວຽງຈັນ ມີ 99 ຄົນ ໃນ 17 ບ້ານ ແລະ 4 ເມືອງ

–ຜົ້ງສາລີ ມີ 73 ຄົນ ໃນ 16 ບ້ານ ແລະ 6 ເມືອງ

-ບໍ່ແກ້ວ ມີ 63 ຄົນ ໃນ 17 ບ້ານ ແລະ 2 ເມືອງ

–ຈຳປາສັກ ມີ 45 ຄົນ ໃນ 28 ບ້ານ ແລະ 5 ເມືອງ

–ບໍລິຄຳໄຊ ມີ 37 ຄົນ ໃນ 13 ບ້ານ ແລະ 3 ເມືອງ

–ໄຊຍະບູລີ ມີ 35 ຄົນ

–ຄຳມ່ວນ ມີ 22 ຄົນ ໃນ 7 ບ້ານ ແລະ 2 ເມືອງ

–ສາລະວັນ ມີ 22 ຄົນ ໃນ 8 ບ້ານ ແລະ 3 ເມືອງ

–ອຸດົມໄຊ ມີ 19 ຄົນ ໃນ 12 ບ້ານ ແລະ 1 ເມືອງ

–ສະຫວັນນະເຂດ ມີ 17 ຄົນ ໃນ 13 ບ້ານ ແລະ 1 ເມືອງ

–ອັດຕະປື 10 ຄົນ

-ຫຼວງນ້ຳທາ ມີ 10 ຄົນ, 2 ຄົນມາຈາກ ໃນ 2 ບ້ານ ແລະ 1 ເມືອງ ແລະ 8 ຄົນ ແມ່ນຜູ້ທີ່ເດີນທາງມາຈາກແຂວງອື່ນເພື່ອເດີນທາງໄປເຂດບໍ່ເຕນ

–ຫົວພັນ ມີ 4 ຄົນ ຈາກ 2 ເມືອງ

-ເຊກອງ ມີ 6 ຄົນ ໃນ 4 ບ້ານ ແລະ 2 ເມືອງ

ສ່ວນການຕິດເຊືື້ອນໍາເຂົ້າ ຂອງຜູ້ທີ່ເດີນທາງເຂົ້າປະເທດມີຈໍານວນ 4 ຄົນ ຈາກ ສະຫວັນນະເຂດ 1 ຄົນ, ສາລະວັນ 1 ຄົນ ແລະ ແຂວງຫົວພັນ 2 ຄົນ ແມ່ນພວກກ່ຽວໄດ້ຖືກນຳສົ່ງໄປສະຖານທີ່ປິ່ນປົວທີ່ກໍານົດໄວ້.

ສຳລັບລາຍລະອຽດຜູ້ເສຍຊີວິດໃໝ່ 01 ຄົນ ມີດັ່ງນີ້:

  • ເພດຍິງ, ອາຍຸ 58 ປີ, ອາຊີບ: ແມ່ເຮືອນ, ບ້ານສີສະຫວາດ, ເມືອງບໍລິຄັນ, ແຂວງບໍລິຄຳໄຊ
  • ວັນທີ່ 20 ພະຈິກ 2021: ໂຮງໝໍມິດຕະພາບໄດ້ຮັບຄົນເຈັບທີ່ສົ່ງມາແຕ່ໂຮງໝໍແຂວງບໍລິຄໍາໄຊ
  • ມື້ດຽວກັນນັ້ນ, ຄົນເຈັບມາຮອດພະແນກສຸກເສີນ ຂອງໂຮງໝໍມິດຕະພາບ ດ້ວຍອາການກະວົນກະວາຍ, ອິດເມື່ອຍ, ຫາຍໃຈຝືດ, ຫາຍໃຈໄວ, ນອນພຽງບໍ່ໄດ້ ບໍ່ມີນ້ຳຍ່ຽວໄດ້ 03 ມື້້ (ລວມປະຈຸບັນ 05 ມື້) ມີອາການບວມໃບໜ້າ ທັງແຂນ ແລະ ຂາ ມີເລືອດສີແດງສົດຊືມຢູ່ເຂດຜ່າຕັດ (ໜ້າທ້ອງ)
  • ໄດ້ເກັບຕົວຢ່າງກວດຊອກຫາພະຍາດໂຄວິດ-19 ດ້ວຍ Gen expert ກວດພົບເຊື້ອ
  • ບໍ່ເຄີຍກວດພະຍາດ, ແຕ່ວ່າວັນທີ 15 ພະຈິກ 2021: ຜູ້ກ່ຽວໄດ້ຜ່າຕັດໜີ້ວຖົງບີ ທີ່ໂຮງໝໍແຂວງບໍລິຄໍາໄຊ ແລະ ມີເລືອດຊືມທາງບາດແຜບໍ່ຢຸດ ຍ້ອນຂາດປັດໃຈການກ້າມຂອງເລືອດ (ຕາມການບອກເລົ່າຂອງລູກສາວເປັນພະນັກງານແພດ) ໄດ້ໃສ່ເລືອດຫຼາຍຖົງຈາກໂຮງໝໍແຂວງ
  • ສັກຢາວັກຊີນ J&J ຄົບ
  • ໄລຍະນອນປິ່ນປົວຢູ່ໂຮງໝໍມິດຕະພາຍ ແຕ່ວັນທີ 20-21 ພະຈິກ 2021, ເປັນເວລາ 02 ມື້ ຄົນເຈັບກໍ່ໄດ້ຮັບການເອົາໃຈໃສ່ຈາກແພດໝໍເພື່ອເຊີດຊູ
  • ມາຮອດເວລາ 22:15 ນາທີ ຂອງວັນທີ 21 ພະຈິກ 2021: ຄົນເຈັບໄດ້ເສຍຊີວິດ
  • ມະຕິພະຍາດ: Critical covid19 (Severe pneumonia, Sepsis, AKI, ARDS)

ມາຮອດວັນທີ 22 ພະຈິກ 2021 ຕົວເລກຜູ້ຕິດເຊື້ອສະສົມ ພະຍາດໂຄວິດ-19 ຢູ່ ສປປ ລາວ 63,159 ຄົນ, ເສຍຊີວິດສະສົມ 132 ຄົນ (ໃໝ່ 01), ປິ່ນປົວຫາຍດີ ແລະ ກັບບ້ານໃນມື້ວານ ມີ 463ຄົນ, ກໍາລັງປິ່ນປົວ 11,490 ຄົນ.

ສາທາ ອະນຸມັດໃຫ້ໂຮງງານຜະລິດຢາເລກ 3 ຜະລິດຢາໂມນນູພິຣາເວຍ ປິ່ນປົວໂຄວິດ-19

ໂທລະໂຄ່ງ THOLAKHONG
-
0
ສາທາ ອະນຸມັດໃຫ້ໂຮງງານຜະລິດຢາເລກ 3 ຜະລິດຢາໂມນນູພິຣາເວຍ ປິ່ນປົວໂຄວິດ-19

ອີງຕາມການລາຍງານຂອງ​ ໜັງສືພິມ Vientiane Times​ ໃຫ້ຮູ້ວ່າວ່າ: ກະຊວງສາທາລະນະສຸກ ອະນຸມັດໃຫ້ລັດວິສາຫະກິດ ໂຮງງານຜະລິດຢາເລກ 3 ຜະລິດຢາໂມນນູພິຣາເວຍ (Molnupiravir) ເຊິ່ງເປັນຢາເມັດ ເພື່ອໃຊ້ປິ່ນປົວພະຍາດໂຄວິດ-19.

ທ່ານ ພູໂຂງ ໂຈມມາລາ ຮອງຜູ້ນຳນວຍການລັດວິສາຫະກິດ ໂຮງງານຜະລິດຢາເລກ 3 ໃຫ້ສຳພາດກັບ Vientiane Times ເມື່ອວັນທີ່ 18 ພະຈິກ 2021​ ທີ່ຜ່ານມາວ່າ: ໂຮງງານຈະເລີ່ມຜະລິດຢາໃນເດືອນທັນວາ 2021 ນີ້ ຕາມຄຳແນະນຳຂອ​ງ​ ທ່ານ ດຣ. ບຸນແຝງ ພູມມະໄລສິດ ລັດຖະມົນຕີກະຊວງສາທາລະນະສຸກ.

ທ່ານ ພູໂຄງ ໂຈມມາລາ​ ຍັງກ່າວຕື່ມວ່າ: ພວກເຮົາຄາດຫວັງວ່າ ຈະສາມາດສະໜອງຢາຊະນິດນີ້ໃນເບື້ອງຕົ້ນ ໃຫ້ກັບຜູ້ຕິດເຊື້ອໂຄວິດ-19 ຈຳນວນ 1,000 ຄົນ ພາຍໃຕ້ໂຄງການເລີ່ມຕົ້ນຜະລິດ ເຊິ່ງໂຄງການດັ່ງກ່າວຈະໄດ້ຮັບການກວດສອບ ໂດຍອົງການອະນາໄມໂລກ.

ການໃຊ້ຢາໃໝ່ໃນການປິ່ນປົ່ວພະຍາດໂຄວິດ-19 ເປັນສ່ວນໜຶ່ງ ຂອງຄວາມພະຍາຍາມຂອງລັດຖະບານ ໃນການຕໍ່ສູ້ກັບການແຜ່ລະບາດຂອງພະຍາດໂຄວິດ-19, ໂຄງການເລີ່ມຕົ້ນຜະລິດຢານີ້ ໄດ້ກຳນົດເອົາຜູ້ຕິດເຊື້ອທີ່ມີອາຍຸລະຫວ່າງ 18-65 ປີ ເປັນກຸ່ມເປົ້າໝາຍ ເປັນຜູ້ທີ່ມີອາການເບົາບາງ ຫາ ປານກາງ ແລະ ຢູ່ໃນໄລຍະເລີ່ມຕົ້ນຂອງການຕິດເຊື້ອ, ຜູ້ທີ່ຈະກິນຢານີ້ໃນການປິ່ນປົວ ຕ້ອງບໍ່ມີອາການປອດບວມ ຫຼື ຂາດອົກຊີແຊນ ໂດຍຈະໄດ້ກິນຢາເປັນເວລາ 5 ວັນ.

ຢາໂມນນູພິຣາເວຍ (Molnupiravir)  ເປັນຢາເມັດຊະນິດກິນ ມີຜົນໃນການອອກລິດຕ້ານໄວຣັສ ພັດທະນາຂຶ້ນເພື່ອໃຊ້ປິ່ນປົວໄຂ້ຫວັດໃຫຍ່ ໂດຍເກີດຈາກການຮ່ວມມືໃນການພັດທະນາ ຂອງບໍລິວັດ Ridgebback Biothera peuthisc ປະເທດ ສ.ອາເມຣິກາ ແລະ ບໍລິສັດ Merck ປະເທດເຢຍລະມັນ ມີລິດຕໍ່ຕ້ານໄວຣັສໂຄໂຣນາຫຼາຍຊະນິດເຊັ່ນ: SARS, MERS ແລະ ໂຄວິດ-19.

ລາຍລະອຽດຜູ້ເສຍຊີວິດໃໝ່ ແລະ ຕິດເຊື້ອໃໝ່ 21 ພະຈິກ 2021

ໂທລະໂຄ່ງ THOLAKHONG
-
0
ລາຍລະອຽດຜູ້ເສຍຊີວິດໃໝ່ ແລະ ຕິດເຊື້ອໃໝ່ 21 ພະຈິກ 2021

ຕາມການລາຍງານ ຂອງຄະນະສະເພາະກິດປະຈຳວັນ ໃຫ້ຮູ້ວ່າ:

ສໍາລັບ ຄົນເຈັບເສຍຊີວິດ 4 ຄົນ, ລາຍລະອຽດ ດັ່ງນີ້:

ຜູ້ທີ 1: ເພດຍິງ, ອາຍຸ 88 ປີ, ບ້ານວັດທາດ, ນະຄອນຫຼວງພະບາງ, ແຂວງຫຼວງພະບາງ 

  • ພະຍາດປະຈໍາຕົວ: ຄວາມດັນເລືອດສູງ
  • ຜ່ານມາບໍ່ໄດ້ສັກຢາວັກຊີນກັນໂຄວິດ-19
  • ວັນທີ 17 ພະຈິກ 2021: ໄດ້ເຂົ້າມາກວດຢູ່ໂຮງຫມໍແຂວງ ຍ້ອນບໍ່ຮູ້ສະຕິພ້ອມທັງ ເກັບຕົວຢ່າງມາກວດຊອກຫາພະຍາດໂຄວິດ-19 ແລະ ຜົນກວດພົບ
  • ວັນທີ 20 ພະຈິກ 2021: ຄົນເຈັບມີອາການຊຸດລົງກະທັນຫັນ. ມາຮອດເວລາ 17:30 ໂມງ ຄົນເຈັບໄດ້ເສຍຊີວິດ

-ຜູ້ທີ 2: ເພດຊາຍ, ອາຍຸ 88 ປີ, ສັນຊາດ: ຫວຽດນາມ, ບ້ານໂພນໄຊ, ເມືອງໄຊເສດຖາ, ນະຄອນຫລວງ

  • ພະຍາດປະຈໍາຕົວ: ເບົາຫວານ ແລະ ຄວາມດັນເລືອດສູງ
  • ຜ່ານມາບໍ່ໄດ້ສັກຢາວັກຊີນກັນໂຄວິດ-19
  • ວັນທີ 11 ພະຈິກ 2021: ມີໄຂ້ ແລະ ເຈັບຄໍ ຈຶ່ງເກັບຕົວຢ່າງມາກວດຊອດຫາ ພະຍາດໂຄວິດ-19 ຜົນກວດແມ່ນພົບເຊື້ອ
  • ນັບແຕ່ວັນທີ 11-16 ພະຈິກ 2021: ຄົນເຈັບປິ່ນປົວຢູ່ບ້ານ
  • ວັນທີ 16 ພະຈິກ 2021: ໄດ້ມາປິ່ນປົວຢູ່ສູນລ້ານຊ້າງ
  • ວັນທີ 19 ພະຈິກ 2021: ໄດ້ຍ້າຍຄົນເຈັບຈາກສູນລ້ານຊ້າງ ມາໂຮງຫມໍເສດ ຖາທິລາດ ຍ້ອນຄົນເຈັບອິດເມື່ອຍ, ຫາຍໃຈຍາກ ແລະ ອົກຊີໃນເລືອດຕ່ໍາ
  • ມາຮອດເວລາ 20:30 ໂມງ ຂອງວັນທີ 20 ພະຈິກ 2021: ຄົນເຈັບ ໄດ້ເສຍ ຊີວິດ

-ຜູ້ທີ 3: ເພດຊາຍ, ອາຍຸ 71 ປີ, ອາຊີບ: ຜູ້ເຖົ້າ, ບ້ານຢູ່ປະຈຸບັນ ບ້ານ ສີສຸມຸງຄຸນ , ເມືອງປາກຊັນ, ແຂວງບໍລິຄໍາໄຊ

  • ພະຍາດປະຈໍາຕົວ: ເປັນເບົາຫວານ ແລະ ຄວາມດັນເລືອດສູງ – ຜ່ານມາໄດ້ຮັບການສັກວັກຊີນກັນໂຄວິດ-19 ຄົບ
  • ວັນທີ 20 ພະຈິກ 2021: ເຂົ້າໂຮງຫມໍ ຍ້ອນອາການ ໄອ ແລະ ຫາຍໃຈຍາກ ຈິງໄດ້ເກັບຕົວຢ່າງກວດຫາເຊື້ອໂຄວິດ-19, ຜົນກວດແມ່ນພົບເຊື້ອ ແລະ ໄດ້ນໍາສົ່ງເຂົ້າໄປປິ່ນປົວ ສູນຫຼັກ 6 ຂອງແຂວງ
  • ເວລາ 6 :42 ໂມງ ຜູ້ກ່ຽວລຸກມານັ່ງລົມກັບລູກລາວ ແລະ ໄດ້ນອນລົງເອງ ແລະ ເກີດພາວະຊອຶກກະທັນຫັນ ຈິ່ງໄດ້ເສຍຊີວິດໃນຕໍ່ມາ ຜູ້ທີ 4: ເພດຊາຍ ອາຍຸ 39 ປີ, ອາຊີບ: ປະຊາຊົນ, ບ້ານ ນ້ໍາອາງ (ຄຸ້ມໂພນໄຮ), ເມືອງທຸລະຄົມ, ແຂວງວຽງຈັນ. ບໍ່ມີປະຫວັດພະຍາດປະຈໍາຕົວ ຜ່ານມາຮັບການສັກວັກຊິນກັນໂຄວິດ-19 ໄດ້ 1 ເຂັ້ມ ຜູ້ກ່ຽວຢູ່ສະຖານທີ່ຄຸມຂັງ ຖືກກັກໂຕແຕ່ວັນທີ 28 ສິງຫາ 2021.
  • ວັນທີ 19 ພະຈິກ 2021 ເວລາ 13:00 ໂມງ: ຜູ້ກ່ຽວອິດເມື່ອຍ, ອ່ອນເພຍ, ໄອ, ເຈັບຄໍ, ຫັນໃຈຝືດ ແລະ ແຫນ້ນຫນ້າເອີກ.
  • ເວລາ 15:00 ໂມງ ຖືຄີງໄຂ້, ຫັນໃຈຝືດ, ແຫນ້ນຫນ້າເອີກ, ນອນພຽງບໍ່ໄດ້, ຈຶ່ງຖືກໄດ້ນໍາສົ່ງມາໂຮງຫມໍ ເມືອງທຸລະຄົມ ແລະ ເກັບຕົວຢ່າງກວດຫາເຊື້ອໂຄວິດ-19, ຜົນກວດເປັນບວກ ໃນໄລຍະຕໍ່ມາ ຜູ້ກ່ຽວມີອາການດີຂື້ນ ຈິ່ງໄດ້ຂໍນໍາເອົາຄົນເຈັບກັບຄືນໄປສະ ຖານທີ່ຄຸມຂັງ ເຊິ່ງມີແພດປະຈໍປິ່ນປົວ.
  • ວັນທີ 20 ພະຈິກ 2021 ເວລາ 7:30 ນາທີ ຜູ້ກ່ຽວເສຍຊີວິດ.

-ຜູ້ທີ 5: ເພດຊາຍ ອາຍຸ 62 ປີ, ບ້ານຢູ່ປະຈຸບັນ: ບ້ານອາມອນ, ເມືອງໄຊເສດຖານະຄອນຫລວງ

  • ພະຍາດປະຈໍາຕົວ: ເບົາຫວານ, ຄວາມດັນເລືອດສູງ ແລະ ໄຂ່ຫຼັງຊຸດໂຊມ.
  • ຜ່ານມາບໍ່ໄດ້ສັກວັກຊີນກັນໂຄວິດ-19 –
  • ວັນທີ 12 ພະຈິກ 2021: ເຂົ້າມາກວດ ຢູ່ໂຮງຫມໍ 103 ດ້ວຍອາການໄຂ້, ໄອ, ເມື່ອຍ ແລະ ຫາຍໃຈຍາກ ພ້ອມທັງ ເກັບຕົວຢ່າງມາກວດຊອດຫາພະຍາດໂຄວິດ-19 ຜົນກວດ ແມ່ນພົບເຊື້ອ – ໄລຍະເວລາປິ່ນປົວຢູ່ໂຮງຫມໍດັ່ງກ່າວ ແຕ່ວັນທີ 12-20 ພະຈິກ 2021, ເປັນເວລາ 09 ນີ້
  • ມາຮອດເວລາ 06:00 ໂມງເຊົ້າຂອງວັນທີ 20 ພະຈິກ 2021: ຄົນເຈັບ ໄດ້ເສຍຊີວິດ

-ຜູ້ທີ 6: ເພດຍິງ, ອາຍຸ 51 ປີ, ບ້ານຢູ່ປະຈຸບັນ: ບ້ານສົມສະຫັວນ, ເມືອງໄຊທານນີ, ນະຄອນຫລວງ

  • ພະຍາດປະຈໍາຕົວ: ເບົາຫວານ, ຄວາມດັນເລືອດສູງ ແລະ ພະຍາດຕັບ.
  • ໄດ້ຮັບການສັກຢາວັກຊີນກັນໂຄວິດ-19 ຄົບ
  • ວັນທີ 13 ພະຈິກ 2021: ເຂົ້າມາກວດ ຢູ່ໂຮງຫມໍ 103 ດ້ວຍອາການເຈັບທ້ອງ , ທ້ອງເບັງ, ຕົນໂຕເຫລຶອງ ຈຶ່ງໄດ້ເກັບຕົວຢ່າງມາກວດຊອດຫາພະຍາດໂຄວິດ-19, ຜົນກວດແມ່ນພົບເຊື້ອ ໄລຍະເວລາປິ່ນປົວຢູ່ໂຮງຫມໍດັ່ງກ່າວ ແຕ່ວັນທີ 13-20 ພະຈິກ 2021, ເປັນ ເວລາ 08 ມື້
  • ມາຮອດເວລາ 12:00 ໂມງຂອງວັນທີ 20 ພະຈິກ 2021: ຄົນເຈັບ ໄດ້ເສຍ ຊີວິດ

ການຕິດເຊື້ອພາຍໃນປະເທດ ຈໍານວນ 911 ຄົນ ຄື:

1. ນະຄອນຫຼວງ 359 ຄົນ: ມາຈາກ 161 ບ້ານ, ໃນ 8 ເມືອງ

  • ເມືອງຈັນທະບູລີ ມີ 14 ບ້ານ (34 ຄົນ)
  • ເມືອງສີໂຄດຕະບອງ ມີ 31 ບ້ານ (67 ຄົນ)
  • ເມືອງໄຊເສດຖາ ມີ 31 ບ້ານ (69 ຄົນ)
  • ເມືອງສີສັດຕະນາກມີ 17 ບ້ານ (44 ຄົນ)
  • ເມືອງ ນາຊາຍທອງ ມີ 11 ບ້ານ (34 ຄົນ)
  • ເມືອງໄຊທານີ ມີ 31 ບ້ານ (64 ຄົນ)
  • ມືອງຫາດຊາຍຟອງ ມີ 24 ບ້ານ (37 ຄົນ)
  • ເມືອງ ສັງທອງ ມີ 06 ບ້ານ (07 ຄົນ)
  • ຕ່າງແຂວງ ມີ 05 ຄົນ

-ຫຼວງພະບາງ ມີ 123 ຄົນ ໃນ 38 ບ້ານ ແລະ 9 ເມືອງ 3

-ຈໍາປາສັກ ມີ 81 ຄົນ ໃນ 39 ບ້ານ ແລະ 10 ເມືອງ

-ໄຊຍະບູລີ ມີ 49 ຄົນ ໃນ 13 ບ້ານ ແລະ 1 ເມືອງ 5

-ອຸດົມໄຊ ມີ 26 ຄົນ ໃນ 9 ບ້ານ ແລະ 3 ເມືອງ

-ຫຼວງນ້ໍາທາ ມີ 19 ຄົນ ໃນ 8 ບ້ານ ແລະ 1 ເມືອງ

-ວຽງຈັນ ມີ 31 ຄົນ ໃນ 20 ບ້ານ ແລະ 6 ເມືອງ

– ບໍ່ແກ້ວ ມີ 52 ຄົນ ໃນ 8 ບ້ານ ແລະ 3 ເມືອງ

– ຜົ້ງສາລີ ມີ 86 ຄົນ ໃນ 15 ບ້ານ ແລະ 4 ເມືອງ 1

-ບໍລິຄໍາໄຊ ມີ 11 ຄົນ ໃນ 8 ບ້ານ ແລະ 2 ເມືອງ

– ເຊກອງ ມີ 7 ຄົນ ໃນ 3 ບ້ານ ແລະ 2 ເມືອງ

– ສະຫວັນນະເຂດ ມີ 29 ຄົນ ໃນ 15 ບ້ານ ແລະ 3 ເມືອງ

– ຄໍາມ່ວນ ມີ 8 ຄົນ ໃນ 4 ບ້ານ ແລະ 2 ເມືອງ

– ສາລະວັນ ມີ 23 ຄົນ ໃນ 7 ບ້ານ ແລະ 2 ເມືອງ

– ຫົວພັນ ມີ 2 ຄົນ ໃນ 1 ບ້ານ ແລະ 1 ເມືອງ

– ຊຽງຂວາງ ມີ 2 ຄົນ ໃນ 2 ບ້ານ ແລະ 2 ເມືອງ

– ອັດຕະປື ມີ 3 ຄົນ ໃນ 2 ບ້ານ ແລະ 1 ເມືອງ

ຫຼຸດລົງມາແລ້ວ! ລາຍງານໂຄວິດ-19 ປະຈຳວັນ

ໂທລະໂຄ່ງ THOLAKHONG
-
0
ຫຼຸດລົງມາແລ້ວ! ລາຍງານໂຄວິດ-19 ປະຈຳວັນ

ລາຍງານຈາກສູນຂ່າວສານການແພດສຸຂະສຶກສາ

ລາຍລະອຽດພາຍຫຼັງ

ເສົ້າໃຈ! ເສຍຊີວິດມື້ດຽວ +7 ຈາກໂຄວິດ-19 ລາຍລະອຽດຜູ້ເສຍຊີວິດ ແລະ ຕິດເຊື້ອໃໝ່

ໂທລະໂຄ່ງ THOLAKHONG
-
0
ເສົ້າໃຈ! ເສຍຊີວິດມື້ດຽວ +7 ຈາກໂຄວິດ-19 ລາຍລະອຽດຜູ້ເສຍຊີວິດ ແລະ ຕິດເຊື້ອໃໝ່

ຈຳນວນແຂວງທີ່ມີລາຍງານການຕິດເຊື້ອ ມື້ນີ້ ແມ່ນມີ ນະຄອນຫຼວງວຽງຈັນ ແລະ 17 ແຂວງ ຕາມລາຍລະອຽດ

ສຳລັບ ຄົນເຈັບເສຍຊີວີດ 7 ຄົນ,​ ລາຍລະອຽດ ດັ່ງນີ້:

ຜູ້ທີ 1: ເພດຍິງ, ອາຍຸ 41 ປີ, ບ້ານສ້າງເຫວີຍ, ເມືອງສີສັດຕະນາກ, ນະຄອນຫລວງ

  • ສັກວັກຊີນໂຄວິດ-19 ຄົບ
  • ວັນທີ 11 ພະຈິກ 2021: ເຂົ້າມາກວດຢູ່ໂຮງໝໍເສດຖາທິລາດ ດ້ວຍອາການອິດເມື່ອຍ, ສະຕີບໍ່ດີ ພ້ອມທັງເກັບຕົວຢ່າງມາກວດຊອກຫາພະຍາດໂຄດວິດ-19 ແລະ ຜົນກວດພົບເຊື້ອ
  • ໄລຍະນອນປີ່ນປົວ ຢູ່ໂຮງໝໍດັ່ງກ່າວ ແຕ່ວັນທີ 6-18 ພະຈິກ 2021, ເປັນເວລາ 13 ມື້
  • ມາຮອດເວລາ 15:20 ນາທີ ຂອງວັນທີ 18 ພະຈິກ 2021: ຄົນເຈັບ ໄດ້ເສຍຊີວິດ

ຜູ້ທີ 2: ເພດຊາຍ, ອາຍຸ 78 ປີ, ບ້ານທົ່ງສ້າງນາງ, ເມືອງຈັນທະບູລີ, ນະຄອນຫລວງ

  • ວັນທີ 04 ພະຈິກ 2021: ເຂົ້າມາກວດຢູ່ໂຮງໝໍເສດຖາທິລາດ ດ້ວຍອາການໄຂ້, ຄໍແຂງ ແລະ ສະຕີບໍ່ດີ ພ້ອມທັງເກັບຕົວຢ່າງມາກວດຊອກຫາພະຍາດໂຄວິດ-19 ແລະ ຜົນກວດພົບເຊື້ອ
  • ໄລຍະນອນປີ່ນປົວ ຢູ່ໂຮງໝໍດັ່ງກ່າວ ແຕ່ວັນທີ 4-18 ພະຈິກ 2021, ເປັນເວລາ 15 ມື້
  • ມາຮອດເວລາ 1:00 ນາທີ ຂອງວັນທີ 18 ພະຈິກ 2021: ຄົນເຈັບ ໄດ້ເສຍຊີວິດ

ຜູ້ທີ 3: ເພດຍິງ, ອາຍຸ 55 ປີ, ບ້ານດົງນາໂຊກ, ເມືອງສີໂຄດຕະບອງ, ນະຄອນຫລວງ

  • ວັນທີ 12 ພະຈິກ 2021: ເຂົ້າມາກວດຢູ່ໂຮງໝໍເສດຖາທິລາດ ດ້ວຍອາການໄຂ້, ໄອ, ຫາຍໃຈຝຶດ ແລະ ອິດເມື່ອຍ ພ້ອມທັງເກັບຕົວຢ່າງມາກວດຊອກຫາພະຍາດໂຄດວິດ-19 ແລະ ຜົນກວດພົບເຊື້ອ
  • ໄລຍະນອນປີ່ນປົວ ຢູ່ໂຮງໝໍດັ່ງກ່າວ ແຕ່ວັນທີ 12-17 ພະຈິກ 2021, ເປັນເວລາ 06 ມື້
  • ມາຮອດເວລາ 21:00 ນາທີ ຂອງວັນທີ 17 ພະຈິກ 2021: ຄົນເຈັບ ໄດ້ເສຍຊີວິດ

ຜູ້ທີ 4:​ ເພດຍິງ, ອາຍຸ 58 ປີ, ບ້ານປ່າຝາງ, ນະຄອນຫລວງ

  • ພະຍາດປະຈໍາຕົວ: ເບົາຫວານ, ໝາກໄຂ່ຫຼັງຊຸດໂຊມ ແລະ ພະຍາດອັກເສບຕັບບີ
  • ບໍ່ໄດ້ສັກຢາວັກຊີນກັນໂຄວິດ-19
  • ວັນທີ 16 ພະຈິກ 2021: ເຂົ້າມາກວດຢູ່ໂຮງໝໍເສດຖາທິລາດ ດ້ວຍອາການໄອ, ຫາຍໃຈຝຶດ, ຂາບວມທັງສອງຂ້າງ ພ້ອມທັງເກັບຕົວຢ່າງມາກວດຊອກຫາພະຍາດໂຄດວິດ-19 ແລະ ຜົນກວດພົບເຊື້ອ
  • ໄລຍະນອນປີ່ນປົວ ຢູ່ໂຮງໝໍດັ່ງກ່າວ ແຕ່ວັນທີ 16-19 ພະຈິກ 2021, ເປັນເວລາ  04 ມື້
  • ມາຮອດເວລາ 19:00 ນາທີ ຂອງວັນທີ 19 ພະຈິກ 2021: ຄົນເຈັບ ໄດ້ເສຍຊີວິດ

ຜູ້ທີ 5: ເພດຊາຍ, ອາຍຸ 22 ປີ, ອາຊີບ: ປະຊາຊົນ, ບ້ານໂພນງາມ (ຄຸ້ມໂພນຂາມ), ເມືອງທຸລະຄົມ, ແຂວງວຽງຈັນ

  • ບໍ່ມີພະຍາດປະຈໍາໂຕ.
  • ບໍ່ໄດ້ຮັບການສັກວັກຊີນກັນໂຄວິດ-19​
  • ຜູ້ກ່ຽວຢູ່ສະຖານທີ່ຄຸມຂັງໄດ້ 2 ເດືອນ ໃນໄລຍະດັ່ງກ່າວ ປົກກະຕິແຂງແຮງດີ
  • ວັນທີ 19 ພະຈິກ 2021: ມີອາການອິດເມື່ອຍ, ອ່ອນເພຍ, ຫັນໃຈຝືດ,ແໜ້ນໜ້າເອິກ ຈຶ່ງຖືກນໍາສົ່ງມາໂຮງໝໍ ໃນໄລຍະເດີນທາງ ຜູ້ກ່ຽວໄດ້ເສຍຊີວິດ ກ່ອນມາຮອດໂຮງໝໍ. ເມື່ອມາຮອດໂຮງໝໍ ໄດ້ເກັບຕົວຢ່າງມາກວດຊອກຫາພະຍາດໂຄດວິດ-19 ແລະ ຜົນກວດພົບເຊື້ອ

ຜູ້ທີ 6: ເພດຊາຍ, ອາຍຸ 62 ປີ, ອາຊີບ ພະນັກງານ, ບ້ານຫນອງບຶກ, ເມືອງສີໂຄດຕະບອງ, ນະຄອນຫລວງ.

  • ພະຍາດປະຈໍາຕົວ: ຄວາມດັນເລືອດສູງ
  • ໄດ້ສັກຢາວັກຊີນກັນໂຄວິດ-19 ຄົບ
  • ວັນທີ 13 ພະຈິກ 2021: ເກັບຕົວຢ່າງມາກວດຊອກຫາພະຍາດໂຄດວິດ-19 ຢູ່ໂຮງໝໍມິດຕະພາບ
  • 14 ພະຈິກ 2021: ຜົນກວດພົບເຊື້ອ ແຕ່ຍັງບໍ່ທັນໄປໂຮງໝໍ ແລະ ຜູ້ກ່ຽວຢູ່ບ້ານ
  • ວັນທີ 17 ພະຈິກ 2021: ມາໂຮງໝໍມິດຕະພາບ ດ້ວຍອາການ ອິດເມື່ອຍ, ຫາຍໃຈຝືດ, ຫາຍໃຈໄວ, ນອນພຽງບໍ່ໄດ້
  • ໄລຍະນອນປິ່ນປົວຢູ່ໂຮງໝໍດັ່ງກ່າວ ແຕ່ວັນທີ 17-19 ພະຈິກ 2021, ເປັນເວລາ 03 ວັນ
  • ຮອດເວລາ 23:15 ຂອງວັນທີ19 ພະຈິກ 2021: ຄົນເຈັບໄດ້ ເສຍຊີວິດ

ຜູ້ທີ 7: ເພດຊາຍ, ອາຍຸ 74 ປີ, ບ້ານໜອງແຕງ, ເມືອງສີໂຄດຕະບອງ, ນະຄອຫລວງ

  • ພະຍາດປະຈໍາຕົວ: ເບົາຫວານ, ຄວາມດັນເລືອດ ແລະ ອັກເສບຕັບຊີ
  • ສັກວັກຊີນກັນໂຄວິດ-19 ຄົບ
  • ວັນທີ 10 ພະຈິກ 2021: ຜູ້ກ່ຽວ ໄດ້ມາກວດ ຢູ່ໂຮງໝໍ 103 ຍ້ອນມີອາການໄຂ້, ໄອ ແລະ ອ່ອນເພ່ຍ ພ້ອມທັງເກັບຕົວຢ່າງມາກວດຊອກຫາພະຍາດໂຄດວິດ-19 ແລະ ຜົນກວດພົບເຊື້ອ
  • ໄລຍະເວລານອນປີ່ນປົວ ຢູ່ໂຮງໝໍດັ່ງກ່າວ ແຕ່ວັນທີ 10-19 ພະຈິກ 2021, ເປັນເວລາ 10 ວັນ
  • ມາຮອດເວລາ 22:00ໂມງຂອງວັນທີ 19 ພະຈິກ 2021: ຄົນເຈັບ ໄດ້ເສຍຊີວິດ

ຂໍ້ມູນໂດຍຫຍໍ້ ກ່ຽວກັບຄົນຕິດເຊື້ອໃໝ່ 1,344 ຄົນ ມີດັ່ງນີ້

ສຳລັບການຕີດເຊື້ອໃນຜູ້ທີ່ເດີນທາງເຂົ້າປະເທດມີຈຳນວນ 03 ຄົນ ຄື: ທັງໝົດແມ່ນມາຈາກແຂວງຈໍາປາສັກ ນັ້ນແມ່ນໄດ້ມີການເກັບຕົວຢ່າງແລະ ສົ່ງໄປຈຳກັດບໍລິເວນຢູ່ສູນຈຳກັດບໍລິ ເວນ ຂອງແຕລະແຂວງແຕ່ມື້ເດີນທາງ ແຂົ້າມາສປປລາວ, ເມື່ອຜົນກວດເປັນບວກພວກກ່ຽວຈະ ຖືກນຳສົ່ງໄປປີ່ນປົວຢູ່ສະຖານທີ່ທີ່ ແຂວງກຳນົດໄວ້

ສ່ວນການຕິດເຊື້ອພາຍໃນປະເທດ ຈຳນວນ 1,341 ຄົນ ຄື:

-ນະຄອນຫຼວງ 636 ຄົນ: ມາຈາກ 178 ບ້ານ, ໃນ 9 ເມືອງ

  • ເມືອງຈັນທະບູລີ ມີ 18 ບ້ານ (49 ຄົນ ແລະ ສະຖານທີ່ຄຸມຂັງ 136 ຄົນ)
  • ເມືອງສີໂຄດຕະບອງ ມີ 35 ບ້ານ (102 ຄົນ)
  • ເມືອງໄຊເສດຖາ ມີ 34 ບ້ານ (108 ຄົນ)
  • ເມືອງສີສັດຕະນາກມີ 19 ບ້ານ (56 ຄົນ)
  • ເມືອງ ນາຊາຍທອງ ມີ 13 ບ້ານ (27 ຄົນ)
  • ເມືອງໄຊທານີ ມີ 35 ບ້ານ (99 ຄົນ)
  • ເມືອງຫາດຊາຍຟອງ ມີ 20 ບ້ານ (39 ຄົນ)
  •  ເມືອງ ສັງທອງ ມີ 03 ບ້ານ (03 ຄົນ)
  • ເມືອງ ປາກງື່ມ ມີ 1 ບ້ານ (01 ຄົນ)
  • ຕ່າງແຂວງ ມີ 12 ຄົນ

-ຫຼວງພະບາງ ມີ 185 ຄົນ ໃນ 46 ບ້ານ ແລະ 9 ເມືອງ

-ຈຳປາສັກ ມີ 79 ຄົນ ໃນ 35 ບ້ານ ແລະ 4 ເມືອງ

-ໄຊຍະບູລີ ມີ 49 ຄົນ ໃນ 10 ບ້ານ ແລະ 1 ເມືອງ

-ອຸດົມໄຊ ມີ 22 ຄົນ

-ຫຼວງນ້ຳທາ ມີ 18 ຄົນ ໃນ 8 ບ້ານ ແລະ 1 ເມືອງ

-ວຽງຈັນ ມີ 101 ຄົນ ໃນ 31 ບ້ານ ແລະ 9 ເມືອງ

-ບໍ່ແກ້ວ ມີ 40 ຄົນ ໃນ 7 ບ້ານ ແລະ 2 ເມືອງ

-ຜົ້ງສາລີ ມີ 81 ຄົນ ໃນ 10 ບ້ານ ແລະ 4 ເມືອງ

-ບໍລິຄຳໄຊ ມີ 21 ຄົນ ໃນ 15 ບ້ານ ແລະ 5 ເມືອງ

-ເຊກອງ ມີ 19 ຄົນ ໃນ 8 ບ້ານ ແລະ 2 ເມືອງ

-ສະຫວັນນະເຂດ ມີ 32 ຄົນ ໃນ 18 ບ້ານ ແລະ 2 ເມືອງ

-ຄຳມ່ວນ ມີ 24 ຄົນ ໃນ 14 ບ້ານ ແລະ 3 ເມືອງ

-ສາລະວັນ ມີ 3 ຄົນ ໃນ 2 ບ້ານ ແລະ 1 ເມືອງ

-ຫົວພັນ ມີ 21 ຄົນ ໃນ 5 ບ້ານ ແລະ 2 ເມືອງ

-ຊຽງຂວາງ ມີ 2 ຄົນ ໃນ 1 ບ້ານ ແລະ 1 ເມືອງ

-ອັດຕະປືມີ 1 ຄົນ ໃນ 1 ບ້ານ ແລະ 1 ເມືອງ

-ໄຊສົມບູນມີ 7 ຄົນ

ລາຍງານໂຄວິດ-19 ປະຈຳວັນ

ໂທລະໂຄ່ງ THOLAKHONG
-
0
ລາຍງານໂຄວິດ-19 ປະຈຳວັນ

ຈາກສູນຂ່າວສານການແພດສຸຂະສຶກສາ ລາຍງານ ວັນທີ 20 ພະຈິກ 2021

ລາບລະອຽດເພີ່ມພາຍຫຼັງ

ລາຍງານໂຄວິດ-19 ໃນ ລາວ ປະຈຳວັນ

ໂທລະໂຄ່ງ THOLAKHONG
-
0
ລາຍງານໂຄວິດ-19 ໃນ ລາວ ປະຈຳວັນ

ຕາມການລາຍງານ ຂອງສູນຂ່າວສານການແພດສຸຂະສຶກສາ ປະຈຳວັນທີ 19 ພະຈິກ 2021 ໃຫ້ຮູ້ວ່າ:

ລາຍລະອຽດຜູ້ເສຍຊີວິດໃໝ່ 03 ຄົນ ມີດັ່ງນີ້:

ຜູ້ທີ 1: ເພດຊາຍ, ອາຍຸ 76 ປີ, ອາຊີບ: ພະນັກງານບຳນານ, ບ້ານສີຫອມ, ເມືອງຈັນທະບູລິ, ນະຄອນຫລວງ.

  • ພະຍາດປະຈໍາຕົວ: ມະເຮັງລຳໄສ້ ແລະ ຄວາມດັນເລືອດສູງ
  • ຜ່ານມາໄດ້ສັກວັກຊີນກັນໂຄວິດ-19 ຄົບ
  • ວັນທີ 12 ພະຈິກ 2021: ຄົນເຈັບມີອາການໄຂ້, ໄອ, ຫາຍໃຈຝືດ
  • ວັນທີ 14 ພະຈິກ 2021: ໄດ້ມາກວດ ຢູ່ໂຮງໝໍມິດຕະພາບ ພ້ອມທັງເກັບຕົວຢ່າງມາກວດຊອກຫາພະຍາດໂຄວິດ-19
  • ວັນທີ 15 ພະຈິກ 2021: ຜົນກວດພົບເຊື້ອ ແລະ ເຂົ້ານອນປິ່ນປົວຢູ່ໂຮງໝໍມິດຕະພາບ
  • ໄລຍະນອນປິ່ນປົວຢູ່ໂຮງໝໍດັ່ງກ່າວ ແຕ່ວັນທີ 15-18 ພະຈິກ 2021 ເປັນເວລາ 04 ວັນ
  • ຮອດເວລາ 18:18 ນາທີ ຂອງວັນທີ 18 ພະຈິກ 2021: ຄົນເຈັບໄດ້ເສຍຊີວິດ

ຜູ້ທີ 2: ເພດຍິງ, ອາຍຸ 82ປີ, ອາຊີບ: ແມ່ເຮືອນ, ບ້ານພູເຂົາຄຳ, ເມືອງແກ້ວອຸດົມ, ແຂວງວຽງຈັນ

  • ພະຍາດປະຈໍາຕົວ: ຄວາມດັນເລືອດສູງ
  • ຜ່ານມາບໍ່ໄດ້ຮັບການສັກວັກຊີນກັນໂຄວິດ-19
  • ຜູ້ກ່ຽວຕິດເຊື້ອຈາກສະມາຊິກໃນຄອບຄົວ
  • ວັນທີ 9 ພະຈິກ 2021: ຜົນກວດຢັ້ງຢືນຕິດເຊື້ອ ແລະ ຖືກນຳສົ່ງຈາກໂຮງໝໍເມືອງແກ້ວອຸດົມ ເຂົ້າມາສູນປິ່ນປົວໂຄວິດໂພນໂຮງ ດ້ວຍອາການອິດເມື່ອຍ, ຫາຍໃຈຝືດ, ແໜ້ນໜ້າເອິກ, ໄຂ້ ແລະ ໄອ
  • ນັບແຕ່ວັນທີ 09-18 ພະຈິກ 2021: ໃນຕະຫລອດໄລຍະການປິ່ນປົວ ອາການຂອງຜູ້ກ່ຽວບໍ່ດີຂຶ້ນ
  • ວັນທີ 17 ພະຈິກ 2021: ຄົນເຈັບຫາຍໃຈຫອບ ແພດໝໍ, ພະຍາບານໄດ້ສຸມທຸກກຳລັງເຊີດຊູທັງຢາ ແລະ ອຸປະກອນເຕັມທີ່  ແຕ່ຄົນເຈັບບໍ່ມີອາການຕອບສະໜອງມາຮອດເວລາ 16:30 ໂມງ ຂອງວັນທີ 18 ພະຈິກ 2021 ຜູ້ກ່ຽວໄດ້ເສຍຊີວິດ

ຜູ້ທີ 3: ເພດຊາຍ, ອາຍຸ 1 ເດືອນ 14 ມື້, ອາຊີບ: ເດັກ, ບ້ານຜາບ່ອງ, ເມືອງຫີນເຫີບ, ແຂວງວຽງຈັນ

  • ຕິດເຊື້ອຈາກສະມາຊິກໃນຄອບຄົວ
  • ວັນທີ 17 ພະຈິກ 2021: ເຂົ້າໄປກວດຢູ່ສຸກເສີນໂຮງຫມໍແຂວງວຽງຈັນ ຍ້ອນອາການໄຂ້, ຮາກ, ຖ່າຍເປັນນໍ້າດູດນົມໄດ້ເລັກນ້ອຍ ຈຶ່ງໄດ້ເກັບຕົວຢ່າງກວດ ຜົນເປັນບວກ  ແລະ ຖືກສົ່ງໂຕມາສູນປິ່ນປົວໂຄວິດໂພນໂຮງ
  • ວັນທີ 18 ພະຈິກ 2021: ເດັກບໍ່ດູດນົມ, ຫາຍໃຈໄວ, ອາການທາງລະບົບຫາຍໃຈຊຸດໂຊມ, ແພດໄດ້ສຸມໃສ່ເຊີດຊູໃຫ້ຢາເຕັມທີ່ ແຕ່ຄົນເຈັບບໍ່ມີການຕອບສະໜອງ –    ມາຮອດເວລາ 4:00 ໂມງ ຂອງວັນທີ 19 ພະຈິກ 2021: ຄົນເຈັບໄດ້ເສຍຊີວິດ

ສຳລັບຜູ້ຕິດເຊື້ອໃໝ່, ທົ່ວປະເທດ ໄດ້ເກັບຕົວຢ່າງມາກວດຊອກຫາເຊືື້ອ COVID-19 ທັງໝົດ 5,987 ຕົວຢ່າງ, ໃນນັ້ນ ກວດພົບຜູ້ຕິດເຊືື້ອໃໝ່ 1,097 ຄົນ (ຕິດເຊື້ອພາຍໃນ ມີ 1,082 ຄົນ ແລະ ຕິດເຊື້ອນໍາເຂົ້າ15 ຄົນ).  

ຂໍ້ມູນໂດຍຫຍໍ້ກ່ຽວກັບການຕິດເຊືື້ອພາຍໃນໃໝ່ ທັງໝົດ 1,082 ຄົນ ຈາກ 16 ແຂວງ ເຊິ່ງມີລາຍລະອຽດ ດັ່ງນີ້:

–ນະຄອນຫຼວງ 460 ຄົນ ໃນ 167 ບ້ານ ແລະ 9 ເມືອງ

  • ເມືອງຈັນທະບູລີ 47 ຄົນ ຈາກ 18 ບ້ານ
  • ເມືອງສີໂຄດຕະບອງ 58 ຄົນ ຈາກ 28 ບ້ານ
  • ເມືອງໄຊເສດຖາ 98​ ຄົນ ຈາກ 38 ບ້ານ
  • ເມືອງສີສັດຕະນາກ 67 ຄົນ ຈາກ 20​ ບ້ານ
  • ເມືອງນາຊາຍທອງ 24​ ຄົນ ຈາກ 12 ບ້ານ
  • ເມືອງໄຊທານີ 91​ ຄົນ ຈາກ 31 ບ້ານ
  • ເມືອງຫາດຊາຍຟອງ 49​ ຄົນ ຈາກ 18 ບ້ານ
  • ເມືອງສັງທອງ 5 ຄົນ ຈາກ 2 ບ້ານ ເຫຼືອນັ້ນ ກຳລັງສືບຕໍ່ເອົາຂໍ້ມູນ
  • ຫຼວງພະບາງ ມີ 137 ຄົນ ໃນ 46 ບ້ານ ແລະ 10 ເມືອງ
  • ແຂວງວຽງຈັນ ມີ 72 ຄົນ ໃນ 31 ບ້ານ ແລະ 9 ເມືອງ
  • ຫຼວງນ້ຳທາ ມີ 12 ຄົນ ໃນ 9 ບ້ານ ແລະ 2 ເມືອງ
  • ຜົ້ງສາລີ ມີ 78 ຄົນ ໃນ 20 ບ້ານ ແລະ 4 ເມືອງ
  • ຈຳປາສັກ ມີ 59 ຄົນ ໃນ 33 ບ້ານ ແລະ 4 ເມືອງ
  • ອຸດົມໄຊ ມີ 18 ຄົນ ໃນ 6 ບ້ານ ແລະ 3 ເມືອງ
  • ຄຳມ່ວນ ມີ 13 ຄົນ ໃນ 6 ບ້ານ ແລະ 4 ເມືອງ
  • ເຊກອງ ມີ 14 ຄົນ ໃນ 9 ບ້ານ ແລະ 2 ເມືອງ
  • ບໍລິຄຳໄຊ ມີ 49 ຄົນ
  • ສະຫວັນນະເຂດ ມີ 27 ຄົນ ໃນ 19 ບ້ານ ແລະ 3 ເມືອງ
  • ບໍ່ແກ້ວ ມີ 65 ຄົນ ໃນ 19 ບ້ານ ແລະ 3 ເມືອງ
  • ສາລະວັນ ມີ 19 ຄົນ ໃນ 5 ບ້ານ ແລະ 2 ເມືອງ
  • ຫົວພັນ ມີ 5 ຄົນ
  • ໄຊຍະບູລີ ມີ 52 ຄົນ ໃນ 15 ບ້ານ ແລະ 1 ເມືອງ
  • ຊຽງຂວາງ ມີ 2 ຄົນ ໃນ 2 ບ້ານ ແລະ 2 ເມືອງ

ສ່ວນການຕິດເຊືື້ອນໍາເຂົ້າ ຂອງຜູ້ທີ່ເດີນທາງເຂົ້າປະເທດມີຈໍານວນ 15 ຄົນ ຈາກ ນະຄອນຫຼວງ 1 ຄົນ, ໄຊຍະບູລີ 12 ຄົນ ແລະ ຈຳປາສັກ 2 ຄົນ ເຊິ່ງທັງໝົດໄດ້ຖືກເກັບຕົວຢ່າງ ແລະ ສົ່ງໄປຈໍາກັດບໍລິເວນຢູ່ສູນຈໍາກັດບໍລິເວນ. ເມື່ອຜົນກວດເປັນບວກ ພວກກ່ຽວໄດ້ຖືກນຳສົ່ງໄປສະຖານທີ່ປິ່ນປົວທີ່ກໍານົດໄວ້.

ມາຮອດວັນທີ 19 ພະຈິກ ຕົວເລກຜູ້ຕິດເຊື້ອສະສົມ ພະຍາດໂຄວິດ-19 ຢູ່ ສປປ ລາວ 59,895 ຄົນ, ເສຍຊີວິດສະສົມ 119 ຄົນ (ໃໝ່ 03), ປິ່ນປົວຫາຍດີ ແລະ ກັບບ້ານໃນມື້ວານ ມີ 403 ຄົນ, ກໍາລັງປິ່ນປົວ 11,220 ຄົນ.

ບໍ່ລອດຕາ! ກັກຕົວຜູ້ຖືກຫາ 2 ຄົນ ກໍາລັງຈະຂ້າມນໍ້າຂອງໄປໄທ

ໂທລະໂຄ່ງ THOLAKHONG
-
0
ບໍ່ລອດຕາ! ກັກຕົວຜູ້ຖືກຫາ 2 ຄົນ ກໍາລັງຈະຂ້າມນໍ້າຂອງໄປໄທ

ຕາມການລາຍງານ ຂອງປ້ອງກັນຄວາມສະຫງົບນະຄອນຫຼວງວຽງຈັນ ໃຫ້ຮູ້ວ່າ: ປກສ ກຸ່ມທາດຂາວ ສົມທົບກັບທະຫານຊາຍແດນ ເມືອງສີສັດຕະນາກ ນະຄອນຫຼວງວຽງຈັນ ກັກຕົວຜູ້ຖືກຫາ 2 ຄົນ ທີ່ກໍາລັງຈະລັກລອບຂ້າມຊາຍແດນແມ່ນໍ້າຂອງ ຢູ່ຈຸດທ່າເຮືອໜ້າໂຮງແຮມແລນມາກ ບ້ານທາດຂາວ ເມືອງສີສັດຕະນາກ ໃນວັນທີ 16 ພະຈິກ 2021.ປກສ ກຸ່ມທາດຂາວ ໃຫ້ຮູ້ວ່າ: ໃນເວລາ 19:00 ໂມງ ວັນທີ 16 ພະຈິກ 2021 ໄດ້ຮັບແຈ້ງວ່າ:

ມີຄົນກໍາລັງຈະລັກລອບຂ້າມແມ່ນໍ້າຂອງໄປຍັງປະເທດໄທ, ປກສ ກຸ່ມທາດຂາວ ໄດ້ສົມທົບກັບທະຫານຊາຍແດນ ອອກຕິດຕາມພົບເຫັນເປົ້າໝາຍ 2 ຄົນ ຢູ່ຈຸດທ່າເຮືອໜ້າໂຮງແຮມແລນມາກ ບ້ານທາດຂາວ ເມືອງສີສັດຕະນາກ ຈິ່ງເຂົ້າກັກຕົວຊາບຊື່ພາຍຫຼັງ ຊື່ທ້າວ ຕ້ອມອາຊາ ອາຍຸ 29 ປີ ກໍາມະກອນ ຢູ່ບ້ານໜອງຂອນ ເມືອງອຸທຸມພອນ ແຂວງສະຫວັນນະເຂດ ແລະ ທ້າວ ລາສຸພາເທບ ອາຍຸ 28 ປີ ກໍາມະກອນ ສັນຊາດໄທ ທີ່ກໍາລັງຈະເດີນທາງໄປ ຈັງຫວັດໜອງຄາຍ ( ປະເທດໄທ ); ປັດຈຸບັນ ປກສ ກຸ່ມທາດຂາວ ໄດ້ສົ່ງໃຫ້ ປກສ ເມືອງສີສັດຕະນາກ ສືບຕໍ່ດໍາເນີນຄະດີຕາມລະບຽບກົດໝາຍ.

ກອງບັນຊາການ ປກສ ນວ ຂໍຮຽກຮ້ອງໃຫ້ພໍ່ແມ່ປະຊາຊົນ ຈົ່ງພ້ອມກັນປະກອບສ່ວນເຂົ້າໃນວຽກງານປ້ອງກັນຄວາມສະຫງົບ ຖ້າພົບເຫັນກຸ່ມຄົນທີ່ລັກລອບຂ້າມຊາຍແດນແມ່ນໍ້າຂອງ ບໍ່ຖືກຕ້ອງ ໃຫ້ແຈ້ງເຈົ້າໜ້າທີ່ຢູ່ໃກ້ທ່ານ ຫຼື ແຈ້ງຜ່ານທາງວອດແອັບ ເບີ 02028899774 ແລະ ເຟສບຸກ ປ້ອງກັນຄວາມສະຫງົບ ນະຄອນຫຼວງວຽງຈັນ

ປອດໄພທັງແມ່ທັງລູກ!

ໂທລະໂຄ່ງ THOLAKHONG
-
0
ປອດໄພທັງແມ່ທັງລູກ!

ບຸນຄໍ້ານຳຊູເດີ້ລູກເອີຍ

ຂໍຊົມເຊີຍທ່ານໝໍ ແລະ ພາກສ່ວນທີ່ກ່ຽວຂ້ອງທຸກທ່ານເດີ້

ການຂຶ້ນອາກອນຢາສູບ ມີປະສິດທິພາບ ໃນການຫຼຸດຜ່ອນການສູບຢາ

ໂທລະໂຄ່ງ THOLAKHONG
-
0
ການຂຶ້ນອາກອນຢາສູບ ມີປະສິດທິພາບ ໃນການຫຼຸດຜ່ອນການສູບຢາ

ການຂຶ້ນອາກອນຢາສູບ ເປັນມາດຕະການໜຶ່ງມີປະສິດທິຜົນທີ່ສຸດ ໃນການຫຼຸດຜ່ອນການສູບຢາ ແລະ ການຂຶ້ນອາກອນຢາສູບ ກໍບໍ່ໄດ້ແຕະຕ້ອງເຖິງການຜະລິດ, ແຕ່ກົງກັນຂ້າມເຮັດໃຫ້ຜູ້ຊົມໃຊ້ມີຈຳນວນຫຼຸດລົງ, ເຊິ່ງ ທ່ານ ດຣ.ສະໜອງ ທອງສະນະ ຮອງລັດຖະມົນຕີ ກະຊວງສາທາ ລະນະສຸກ ໄດ້ຊີ້ແຈງໃນວັນທີ 12 ພະຈິກ 2021 ທີ່ຜ່ານມານີ້ວ່າ: ຖ້າຫຼຸດ ຫຼື ເພີ່ມເປີເຊັນລາຄາຂອງຢາສູບ, ລາຄາຢາສູບຂຶ້ນ 10% ສາມາດຫຼຸດການຊົມໃຊ້ຢາສູບລົງເຖິງ 4-5%.

ປັດຈຸບັນໃນທົ່ວໂລກ ໄດ້ມີນະໂຍບາຍການເພີ່ມອາກອນຢາສູບໃນທຸກປະເທດ ບໍ່ວ່າຈະເປັນປະເທດທີ່ຈະເລີນ ຫຼື ປະເທດທີ່ກຳລັງພັດທະນາ. ນອກຈາກນີ້, ອີງໃສ່ອົງການອະນາໂລກທີ່ ສປປ ລາວ ເປັນພາຄີ ກໍໄດ້ແນະນຳວ່າໃຫ້ເພີ່ມອາກອນຢາສູບຂຶ້ນໃຫ້ໄດ້ຢ່າງໜ້ອຍ 75% ຈະເຮັດໃຫ້ການສູບຢາຫຼຸດຜ່ອນລົງ.

ໃນດ້ານ ທ່ານຮອງລັດຖະມົນຕີ ກະຊວງສາທາລະນະສຸກ ໃຫ້ຮູ້ວ່າ: ສປປ ລາວ ເປັນປະເທດໜຶ່ງ ທີ່ເປັນສະມາຊິກອາຊຽນ ແລະ ສະມາຊິກຂອງອົງການອະນາໂລກ ໃນການຄວບຄຸມຢາສູບ ທັງເປັນສະມາຊິກຂອງອົງການ ການຄ້າໂລກ ເຊິ່ງອັດຕາການເກັບອາກອນຂອງຢາສູບ ໃນ ສປປ ລາວ ແມ່ນຕ່ຳທີ່ສຸດໃນບັນດາອາຊຽນ ມີພຽງແຕ່ 18,8%, ຂະນະທີ່ກຳປູເຈຍ 25-30%, ຫວຽດນາມ 36% ເຫລືອນັ້ນແມ່ນ 60-80% ເຮັດໃຫ້ການຄວບຄຸມຢາສູບຂອງເຂົາເຈົ້າໄດ້ຜົນກວ່າປະເທດເຮົາ.

ສະນັ້ນ, ອາກອນຢາສູບຕ້ອງເພີ່ມຂຶ້ນໃນແຕ່ລະໄລຍະ ໂດຍສອດຄ່ອງກັບການຂະຫຍາຍຕົວທາງດ້ານເສດຖະກິດ-ສັງຄົມ, ຄວາມສາມາດຊື້ຢາສູບ, ອັດຕາເງິນເຟີ້ ແລະ ຂໍ້ແນະນຳສົນທິສັນຍາວ່າດ້ວຍການປັບປຸງຢາ ສູບ ເພື່ອຫລຸດຜ່ອນການຊົມໃຊ້ຢາສູບລົງໄດ້.

ທ່ານ ດຣ. ສະໜອງ ທອງສະນະ ກ່າວຕື່ມວ່າ: ສ່ວນການຄຸ້ມຄອງ ແລະ ການນຳໃຊ້ກອງທຶນຄວບຄຸມຢາສູບ ກະຊວງສາທາລະນະສຸກ ເປັນຜູ້ຄຸ້ມຄອງບໍລິຫານພາຍໃຕ້ການຊີ້ນຳຂອງຄະນະກຳມະການແຫ່ງຊາດ ເພື່ອການຄວບຄຸມຢາສູບ ໄດ້ມີການກຳນົດເນື້ອໃນຂອງກົດໝາຍ ຄວບຄຸມຢາສູບ ເຊິ່ງບັນດາສະພາແຫ່ງຊາດ ອາດຈະເປັນຫ່ວງເປັນໃຍໃນການນຳໃຊ້ກອງທຶນດັ່ງກ່າວ ວ່າຈະຖືກຕາມຈຸດປະສົງນັ້ນ ຫຼື ບໍ່, ແຕ່ຢືນຢັນວ່າການນຳໃຊ້ກອງທຶນນີ້ ໄດ້ມີດຳລັດ 155 ລົງວັນທີ 21 ກຸມພາ 2013 ໃນມາດຕາ 6 ໄດ້ລະບຸໄວ້ວ່າ 37% ຂອງກອງທຶນນໍາໃຊ້ເຂົ້າໃນການເຄື່ອນໄຫວກິດຈະກຳຕ່າງໆ ຂອງຂະແໜງການທີ່ກ່ຽວຂ້ອງ ກ່ຽວກັບວຽກງານຢາສູບ 32% ນໍາໃຊ້ເຂົ້າໃນວຽກງານຄັງປະກັນສຸຂະພາບແຫ່ງຊາດ 25% ນໍາໃຊ້ເຂົ້າໃນການປັບປຸງວຽກງານການບໍລິການສາທາລະນະສຸກ 6% ນໍາໃຊ້ເຂົ້າໃນວຽກງານບໍລິຫານ ຂອງຄະນະກໍາມະການແຫ່ງຊາດ ເພື່ອຄວບຄຸມຢາສູບ ແລະ ຂະແໜງການຕ່າງໆທີ່ກ່ຽວຂ້ອງ ທີ່ເຮັດວຽກງານການຄວບຄຸມຢາສູບສາມາດນຳໃຊ້ງົບປະມານຮ່ວງ 37% ໃນການເຄື່ອນໄຫວກິດຈະກໍາຂອງວຽກງານຄວບຄຸມຢາສູບ.

ຂ່າວ: ຂປລ. ມະນີທອນ

1...141142143...265Page 142 of 265