ອີງຕາມການລາຍງານປະຈຳວັນທີ  6 ສິງຫາ 2021 ໃຫ້ຮູ້ວ່າ: ແຂວງສະຫວັນນະເຂດມີຜູ້ຕິດເຊື້ອ 1 ຄົນ, ຂໍ້ມູນເບື້ອງຕົ້ນກໍລະນີຢັ້ງຢືນ ກໍລະນີ 2617 (ລະຫັດແຂວງ): ເພດຍິງ, ອາຍຸ 33 ປີ, ປະຈໍາຢູ່ ບ້ານເດັກ(SOS) ໄດ້ 11 ປີ, ບ້ານເກີດ: ບ້ານຫນອງໄຮໂຄກ ເມືອງໂພນທອງ ແຂວງ ຈໍາປາສັກ, ບ້ານຢູ່ປະຈຸບັນ: ບ້ານອຸດົມວິໄລ, ນະຄອນໄກສອນ ພົມວິຫານ, ແຂວງສະຫວັນນະເຂດ (ບ້ານເດັກ SOS)

ຜູ້ກ່ຽວມີອາການຄ້າຍໄຂ້ຫວັດ ດັງບໍ່ຮູ້ກິ່ນ ມີພະຍາດປະຈໍາໂຕເປັນປ້າງໃຫ່ຍ ໄດ້ສັກຢາວັກຊິນ Sinopharm ຄົບ 02 ເຂັ້ມ ແລະ ໄດ້ເກັບຕົວຢ່າງ ໃນວັນທີ 5/08/2021 ຜົນກວດເປັນບວກ ໄລຍະຜ່ານມາຜູ້ກ່ຽວ ບໍ່ໄດ້ພົວພັນກັບຜູ້ຕິດເຊື້ອ ແລະ ບໍ່ໄດ້ໄປໃສ ບໍ່ໄດ້ມາແຕ່ເຂດສ່ຽງ.

ການເຄື່ອນໄຫວຂອງຜູ້ກ່ຽວ:
• ໃນວັນທີ 28/07/2021 ໜ້າທີ່ຮັບຜິດຊອບຫຼັກ ແມ່ນເບິ່ງແຍງເດັກໃນ SOS ທີ່ຮັບຜິດຊອບ 7 ຄົນ
• ວັນທີ 28/7/2021:ໃນຕອນເຊົ້າຜູ້ກ່ຽວຂີ່ລົດກະບະສອງແຖວທີ່ຮັບໃຊ້ໃນບ້ານເດັກໄດ້ໄປຊື້ອາຫານການກິນຢູ່
ຕະຫຼາດສະຫວັນໄຊ ໄປນໍາກັນ 3 ຄົນ ໃສ່ຜ້າອັດປາກ) ຫຼັງຈາກນັ້ນ ພາກັນກັບມາບ້ານເດັກ SOS
• ວັນທີ 29/7/2021: ຜູ້ກ່ຽວຢູ່ເຮັດວຽກຢູ່ເບິ່ງແຍງ ໃນບ້ານເດັກ (ສ່ວນຫຼາຍຈະບໍ່ໃສຜ້າອັດປາກເວລາຢູ່ບ້ານເດັກ
SOS)
ວັນທີ 30/07/2021: ຜູ້ກ່ຽວ ຮູ້ສຶກເປັນຄ້າຍໄຂ້ຫວັດ, ປວດຕາມຕົນໂຕ ແລ້ວກໍ່ພັກຜ່ອນຢູ່ບ້ານ
ວັນທີ 31/07/2021: ຜູ້ກ່ຽວ ໄປຊື້ອາຫານການກິນຢູ່ຕະຫຼາດສະຫວັນໄໄຊ ໄປນໍາກັນ 3 ຄົນ (ໃສປ້າປິດປາກ) ແລະ ໄດ້ໄປຊື້ຢາຢູ່ຂ້າງຮ້ານຂາຍຄໍາທາງອອກຕະຫຼາດສະຫວັນໄຊ ແລ້ວກັບມາບ້ານເດັກ SOS
ວັນທີ 1-2 /08/2021: ຜູ້ກ່ຽວບໍ່ໄດ້ໄປໃສຢູ່ເຮັດວຽກຢູ່ເບີ່ງແຍງ ເດັກ ໃນບ້ານເດັກ (ສ່ວນຫຼາຍຈະບໍ່ໃສຜ້າອັດປາກ
ເວລາຢູ່ບ້ານເດັກ SOS)
• ວັນທີ3/08/2021:ຜູ້ກ່ຽວຂີ່ລົດກະບະສອງແຖວທີ່ຮັບໃຊ້ໃນບ້ານເດັກໄປຊື້ອາຫານການກິນຢູ່ຕະຫຼາດສະຫວັນ ໄຊ ໄປນໍາກັນ 3 ຄົນ (ໃສປ້າປິດປາກ) ແລ້ວກັບມາບ້ານເດັກ SOS
ວັນທີ 04/08/2021:.ຜູ້ກ່ຽວ ຮູ້ສິດເປັນຄ້າຍໄຂ້ຫວັດ, ປວດຕາມຕົນໂຕ, ດັງບໍ່ຮູ້ສຶກກິ່ນ ພັກຜ່ອນຢູ່ບ້ານບໍ່ໄດ້ໄປໃສ

• ວັນທີ 05/08/2021:.ຕອນເຊົ້າຜູ້ກ່ຽວ ຈື່ງໄດ້ມາກວດຢູ່ເຂດນອກໂຮງຫມໍແຂວງ ກວດອາການຊີວິດແລ້ວເຂົ້າໃຫ້ຂໍ້ມູນແພດ ຫຼັງຈາກນັ້ນໄດ້ໄປເກັບຕົວຢ່າງຢູ່ຊັ້ນ2 ຂອງຫ້ອງວິເຄາະ ແລ້ວກັບມາກວດເລືອດ ແລ້ວກັບບ້ານເດັກ, ເວລາ 14:00 ໄດ້ ມາເອົາຜົນກວດເລືອດ ແລ້ວນັ່ງລໍຖ້າແພດ ມີປະມານ 7 ຄົນ ຫຼັງຈາກນັ້ນເຂົ້າກວດນໍາທ່ານໝໍ ເວລາ 14:30 ໄປຊ່ອງໄຟຟ້າ ມີແພດ ແລະ ລູກສາວທີ່ໄປຮຽນແພດມາຫາ ລວມທັໝົດງ 4 ຄົນ ແລ້ວກັບມາຫາທ່ານໝໍ ໃນການເບີ່ງພິມປອດ ແລ້ວໃຫ້ຢາກິນຈໍານວນໜຶ່ງ ແລ້ວກັບມາບ້ານເດັກ (ໃສ່ຜ້າປິດປາກ) ເວລາ 16:30 ໄດ້ໄປຮັບລູກຢູ່ໂຮງຮຽນຫຼັກ7 ແຕ່ບໍ່ໄດ້ລົງລົດ ແລ້ວກັບມາບ້ານເດັກ SOS ເວລາ 20: 00 ໂມງ ຫ້ອງວິເຄາະໂຮງຫມໍແຂວງ ແຈ້ງຜົນກວດອອກເປັນບວກ.

ກຸ່ມສໍາຜັດໃກ້ຊິດກັບກໍລະນີຕິດເຊື້ອ: C1 ມີທັງຫນົດ 07 ຄົນ (ເດັກຢູ່ບ້ານເດັກ SOS) ໃຫ້ໄປເກັບຕົວຢ່າງ 07 ຄົນ ເພື່ອກວດຊອກຫາເຊື້ອ ແລ້ວກັກກັນ ໃຫ້ຄົບ 14 ວັນ (ແຕ່ມີຈໍານວນຄົນໃນ ບ້ານເດັກ SOS ປະມານ 150 ກວ່າຄົນ)

ເຈົ້າໜ້າທີ່ກອງຄຸ້ມຄອງພາສີ l ແຂວງຫລວງນໍ້າທາ ຢຶດພະຫະນະນໍາເຂົ້າຜິດກົດໜາຍ

ຕາມລາຍງານ ຊອງ ຂປລ. ໃຫ້ຮູ້ວ່າ: ຂະແໜງສືບສວນສອບສວນ ແລະ ປາບປາມການລັກລອບສິນຄ້າໜີພາສີ, ກອງຄຸ້ມຄອງພາສີ l ແຂວງຫລວງນໍ້າທາ ໃຫ້ຮູ້ໃນວັນທີ 4 ສິງຫາ 2021 ນີ້ວ່າ: ໄລຍະເດືອນພຶດສະພາ ຫາ ເດືອນກໍລະກົດ 2021 ຜ່ານມາ, ເຈົ້າໜ້າທີ່ກອງຄຸ້ມຄອງພາສີ l ແຂວງຫລວງນໍ້າທາ ໄດ້ ຢຶດພາຫະນະນໍາເຂົ້າແບບບໍ່ຖືກຕ້ອງ ຢູ່ດ່ານພາສີຊາຍແດນ ແລະ ນອກດ່ານພາສີຊາຍແດນ ຈໍານວນ 9 ຄັນ.

ໃນນັ້ນ ມີລົດບັນທຸກ 6 ລໍ້ຍີ່ຫໍ້ DONGFENG ສີຟ້າ, ລົດບັນທຸກ 6 ລໍ້ ຍີ່ຫໍ້ ISUZU ສີຂາວ, ລົດເກັງຍີ່ຫໍ້ TOYOTA CAMRY ສີດໍາ, ລົດເກັງຍີ່ຫໍ້ TOYOTA COROLLA ສີຂາວ (ທັງ 4 ຄັນ ແມ່ນຢຶດຈາກຄົນຈີນ), ລົດຈິບຍີ່ຫໍ້ TOYOTA LANDCRUISER ສີຂາວ, ລົດຈິບ ຍີ່ຫໍ້ HYUNDAI SANTAFE ສີດໍາ, ລົດຈິບຍີ່ຫໍ້ HONDA CR-V ສີຂາວ, ລົດຈິບຍີ່ຫໍ້ TOYOTA LEXUS ສີຂາວ ແລະ ລົດເກັງຍີ່ຫໍ້ BENZ ສີປອນ (ບໍ່ຮູ້ເຈົ້າຂອງ).

ພາຍຫລັງທີ່ຢຶດມາແລ້ວ, ກອງຄຸ້ມຄອງພາສີ l ກໍໄດ້ປະກາດແຈ້ງການຫາເຈົ້າຂອງພາຫະນະ ໃຫ້ເຂົ້າມາພົວພັນເອົາແຕ່ບໍ່ເຫັນເຈົ້າຂອງພາຫະນະມາພົວພັນ. ສະນັ້ນ, ທາງພາກສ່ວນກ່ຽວຂ້ອງຈຶ່ງໄດ້ແຈ້ງຄືນ ເຖິງເຈົ້າຂອງລົດຈຳນວນດັ່ງກ່າວ ໃຫ້ເຂົ້າມາພົວພັນນໍາຂະແໜງສືບສວນສອບສວນ ແລະ ປາບປາມ ການລັກລອບສິນຄ້າໜີພາສີ ປະຈໍາກອງຄຸ້ມຄອງພາສີ l ແຂວງຫລວງນໍ້າທາ ສໍານັກງານຕັ້ງຢູ່ສາມແຍກ ບ້ານນາເຕີຍ ເມືອງຫລວງ ນໍ້າທາ ນັບແຕ່ວັນທີ 6 ສິງຫາ 2021 ເປັນຕົ້ນໄປ(ກໍານົດເວລາ 21 ວັນ) ໃນໂມງລັດຖະການ, ຖ້າຫາກກາຍເວລາກໍານົດ ພາຫະນະຈະຕົກເປັນຂອງລັດ ແລະ ຖືກດໍາເນີນຕາມລະບຽບກົດໝາຍ. ຖ້າຫາກທ່ານໃດເປັນເຈົ້າຂອງລົດດັ່ງກ່າວ ໃຫ້ຖືເອກະສານທີ່ກ່ຽວຂ້ອງມາພົວພັນ, ເຊິ່ງປະກອບມີ: ໃບຢັ້ງຢືນທີ່ຢູ່ ຫລື PASSPORT, ເອກະສານຊື້-ຂາຍ, ເອກະສານຢັ້ງຢືນກ່ຽວກັບພາຫະນະ ແລະ ໃບມອບສິດ.

ຕາມການລາຍງານ ຂອງເຈົ້າໜ້າທີ່ພະແນກສືບສວນສອບສວນ ປກສ ແຂວງຈຳປາສັກໃຫ້ຮູ້ວ່າ: ໃນຄັ້ງວັນທີ 22 ກໍລະກົດ 2021 ທີ່ຜ່ານມາ ເວລາ ປະມານ 19:30 ໂມງ ເຈົ້າໜ້າທີ່ຕຳຫຼວດວິຊາສະເພາະ ໄດ້ຮັບແຈ້ງຈາກພົນລະເມືອງດີວ່າ ໃນເວລາ 19:20 ຂອງມື້ດຽວກັນ ໄດ້ມີຄົນນອນເສຍຊີວິດເປັນເພດຊາຍຈຳນວນ 1 ຄົນ ຢູ່ເຂດບ້ານທ່າໄຮ່ ນະຄອນປາກເຊ ແຂວງຈຳປາສັກ ຫຼັງຈາກນັ້ນເຈົ້າໜ້າທີ່ສືບສວນສອບສວນ ປກສ ແຂວງຈຳປາສັກ ຈຶ່ງໄດ້ຈັດກຳລັງວິຊາສະເພາະ ສົມທົບກັບພາກສ່ວນທີ່ກ່ຽວຂ້ອງ ລົງເຄື່ອນໄຫວສັນນະສູດ ສະຖານທີ່ເກີດເຫດ ພ້ອມທັງເກັບກຳຂ້ມູນຜູ້ເສຍຊີວິດຊື່ ທ້າວ ຄຳເຜົ່າ ອາຍຸ 45 ປີ ຢູ່ບ້ານທ່າໄຮ່ ນະຄອນປາກເຊ ໂດຍຖືກມີດແທງບໍລິເວນລໍາຄໍ ຈຳນວນໜຶ່ງບາດ ເຮັດໃຫ້ເສຍຊີວິດຄາທີ່.

ຈາກນັ້ນເຈົ້າໜ້າທີ່ຕຳຫຼວດວິຊາສະເພາະ ຈຶ່ງໄດ້ມີການສອບຖາມຜູ້ທີ່ຢູ່ເຮືອນໃກ້ຄຽງ ພ້ອມທັງປະຕິບັດຕາມວິຊາສະເພາະ ຈຶ່ງຮູ້ວ່າ ຜູ້ລົງມືຄາດຕະກຳຊື່ ທ້າວ ແສງອາທິດ ອາຍຸ 37 ປີ ຢູ່ບ້ານທ່າໄຮ ນະຄອນປາກເຊ ແຂວງຈຳປາສັກ ຕໍ່ມາຮອດເວລາ 21:31 ນາທີ ຂອງມື້ດຽວກັນຈຶ່ງສາມາດຈັບໂຕຜູ້ກ່ຽວມາດຳເນີນຄະດີ ຜ່ານການສືບສວນສອບສວນ ຜູ້ເກີດເຫດຈຶ່ງໄດ້ສາລະພາບວ່າ: ຜູ້ກ່ຽວໄດ້ເລີ່ມເສບຢາບ້າ ແຕ່ປີ 2000 ຈົນຮອດປະຈຸບັນ, ຕົກຮອດວັນທີ 22 ກໍລະກົດ 2021 ທີ່ຜ່ານມາເວລາ 12 ໂມງ ຜູ້ກ່ຽວໄດ້ຊື້ຢາບ້າມາເສບ 2  ເມັດ ແລະ ຊື້ເຫຼົ້າຂາວ 5 ພັນກີບ ມາດື່ມກັບໝູ່ ຢູ່ບ້ານທ່າໄຮ່ ນະຄອນປາກເຊ.

ຮອດເວລາປະມານ 19 ໂມງ 30 ຂອງມື້ດຽວກັນ ຜູ້ກ່ຽວມີອາການມືນເມົາ ແລ້ວຈັບເອົາມີດສັ້ນຍາວປະມານ ຢ່າງອອກໄປນອກທາງ ເວລານັ້ນຜູ້ກ່ຽວໄດ້ເຫັນ ທ້າວ ຄຳພ້າວ ຜູ້ເສຍຊີວິດ ຢືນຢູ່ແຄມທາງ ແລະໄດ້ຍິນສຽງຄົນດ່າໃສ່ ຈຶ່ງເກີດມີແນວຄິດຢາກຮ້າຍ ແລະຜູ້ກ່ຽວຄິດວ່າ ທ້າວຄຳພ້າວ ເປັນຜູ້ດ່າ ຈຶ່ງຍ່າງເຂົ້າໄປຫາ ແລະ ໃຊ້ມີດແທງໃສ່ບໍລິເວນລຳຄໍເບື້ອງຊ້າຍ ຈຳນວນໜຶ່ງບາດ ເຮັດໃຫ້ທ້າວ ຄຳພ້າວ ເສຍຊີວີດຄາທີ ຮອດເວລາ 21 ໂມງ 30 ນາທີ ຂອງວັນດຽວກັນ ຈຶ່ງສາມາດກັກໂຕຜູ້ກ່ຽວມາດຳເນີນຄະດີ.

ຜ່ານການສືບສວນ ຂອງເຈົ້າໜ້າທີ່ຈຶ່ງສາມາດຕີລາຄາໄດ້ວ່າ ຜູ້ກໍ່ເຫດ ແມ່ນມີເຈດຕະນາຄາດຕະກຳ ທ້າວ ຄຳພ້າວ ແທ້, ພ້ອມທັງເສບຢາບ້າ ເຊິ່ງການກະທຳດັ່ງກ່າວຜິດຕໍ່ມາດຕາ 188.320 ຂອງປະມວນກົດໝາຍອາຍາ ແຫ່ງ ສປປ ລາວ ເຊິ່ງແຕະຕ້ອງເຖິງຊີວິດບຸກຄົນອື່ນ ນອກນັ້ນຍັງສ້າງຄວາມບໍ່ສະຫງົບ ແລະ ຄວາມບໍ່ເປັນລະບຽບຮຽບຮ້ອຍຢູ່ໃນສັງຄົມ.

ສະຫວັນນະເຂດ ໄດ້ຮັບອຸປະກອນການແພດ ຈາກຈັ່ງຫວັດມຸກດາຫານ ໃນການຕອບໂຕພະຍາດ ໂຄວິດ-19

ສະຫວັນພັດທະນາ ຂ່າວ ລາຍງານ: ເພື່ອເປັນການສະໜັບສະໜູນ ເຂົ້າໃນວຽກງານຕ້ານ, ສະກັດ ກັ້ນພະຍາດໂຄວິດ-19 ທີ່ມີການ ແຜ່ລະບາດຢ່າງກວ້າງຂວາງ, ອີກຢ່າງກໍ່ເພື່ອເປັນການລະນຶກ ເຖິງຄວາມສຳພັນ-ຮ່ວມມືຢ່າງ ໃກ້ຊິດລະຫວ່າງຣາຊະອານາຈັກ ໄທ ແລະສປປ ລາວ ຄົບຮອບ 70 ປີ ທີ່ມີສາຍພົວພັນທາງການທູດ. ດັ່ງນັ້ນ, ມາໃນວັນທີ 30 ກໍລະກົດ 2021 ຈັງຫວັດມຸກດາຫານຣາຊະ ອານາຈັກໄທ ໄດ້ນຳເອົາເຄື່ອງ ມືທາງການແພດມອບໃຫ້ໂຮງ ໝໍແຂວງສະຫວັນນະເຂດ.

ເຊິ່ງພິທີດັ່ງກ່າວ ໄດ້ຈັດຂຶ້ນທີ່ດ່ານຊາຍ ແດນຂົວມິດຕະພາບ II (ສະຫວັນນະເຂດ) ໂດຍການໃຫ້ກຽດເຂົ້າ ຮ່ວມຮັບເຄື່ອງຂອງທ່ານ ສັນຕິ ພາບ ພົມວິຫານ ເຈົ້າແຂວງສະຫວັນນະເຂດ ທ່ານ ນາງ ຫຼິງທອງ ແສງຕາວັນ ຮອງເຈົ້າແຂວງ, ທ່ານ ດຣ ແສງດາວ ສີດາໄລ ຫົວໜ້າ ພະແນກສາທາລະນະສຸກແຂວງ ພ້ອມດ້ວຍຄະນະອຳນວຍການ ໂຮງໝໍແຂວງ ແລະພາກສ່ວນທີ່ ກ່ຽວຂ້ອງເຂົ້າຮ່ວມ. ຝ່າຍຈັງຫວັດມຸກດາຫານ ນຳໂດຍທ່ານ ວິຣະໄຊ ນາກມາດ ຜູ້ວ່າຣາຊະການ ຈັງຫວັດມຸກດາຫານ, ທ່ານ ບຸນ ຊ້ວຍ ນ້ອຍພັນເທີຍະ ຮອງຜູ້ວ່າຣາ ຊະການຈັງຫວັດ, ທ່ານ ບຸນເຣືອງ ເມກສິມ ຮອງຜູ້ວ່າຣາຊະການຈັງ ຫວັດ ພ້ອມດ້ວຍທ່ານຫົວໜ້າສຳ ນັກງານສາທາລະນະສຸກຈັງຫວັດ, ຜູ້ອຳນວຍການໂຮງພະ ບານຈັງຫວັດມຸກດາຫານ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ພິເສດຍັງມີທ່ານ ອະທິປຣັດ ໂຣດ ຈະນະໄພບູນ ກົງສຸນໃຫຍ່ແຫ່ງຣາ ຊະອານາຈັກໄທປະຈຳແຂວງສະ ຫວັນນະເຂດກໍ່ໄດ້ເຂົ້າຮ່ວມໃນ ພິທີຄັ້ງນີ້.ເຄື່ອງທີ່ນຳມາມອບໃນຄັ້ງນີ້ ປະກອບມີ: ເຄື່ອງຕິດຕາມສັນຍານ ຊີບ 4 ເຄື່ອງ, ເຄື່ອງກະຕຸ້ນຫົວໃຈ ອັດຕະໂນມັດ 2 ເຄື່ອງ, ເຄື່ອງວັດ ແທກຄວາມອີ່ມຕົວຂອງອົກຊີ ແຊນໃນເລືອດຈຳນວນ 8 ເຄື່ອງ ແລະເຄື່ອງວັດແທກອຸນນະພູມ ອິນຟາເລດຈຳນວນ 20 ເຄື່ອງ, ລວມມູນຄ່າ 698.000 ບາດ (ສະກຸນເງິນໄທ).ໂອກາດດັ່ງກ່າວ, ທ່ານຜູ້ວ່າ ຣາຊະການຈັງຫວັດມຸກດາ ຫານກໍ່ໄດ້ກ່າວມອບເຄື່ອງມືທາງ ການແພດໃຫ້ແກ່ແຂວງສະຫວັນ ນະເຂດຢ່າງເປັນທາງການ. ຈາກ ນັ້ນ, ທ່ານເຈົ້າແຂວງສະຫວັນ ນະເຂດ ກໍ່ໄດ້ກ່າວສະແດງຄວາມ ຂອບອົກຂອບໃຈທີ່ທາງຈັງຫວັດ ມຸກດາຫານກໍ່ຄືທ່ານກົງສຸນໃຫຍ່ ທີ່ເຫັນໄດ້ຄວາມສຳຄັນຕໍ່ວຽກງານດັ່ງກ່າວ.

ຈາກນັ້ນ ທ່ານເຈົ້າ ແຂວງຍັງໄດ້ສະແດງຄວາມຂອບ ໃຈມາຍັງທ່ານຜູ້ວ່າຣາຊະການ ຈັງຫວັດມຸກດາຫານທີ່ໄດ້ອຳ ນວຍຄວາມສະດວກໃຫ້ແກ່ແຮງ ງານລາວທີ່ຈະກັບຄືນປະເທດ ໃນການກະກຽມທີ່ພັກອາໄສຊົ່ວຄາວໃຫ້ກັບແຮງງານ ແລະບັນ ຫາອື່ນໆ.ທ່ານ ອະທິປຣັດ ໂຣດຈະ ນະໄພບູນ ໄດ້ແຈ້ງໃຫ້ຮູ້ວ່າ ເຄື່ອງມືທາງການແພດ ຈຳນວນດັ່ງກ່າວ ເປັນການຮ່ວມມືຂອງກົມຮ່ວມມື ກະຊວງການຕ່າງປະເທດຣາຊະ ອານາຈັກໄທທີ່ໄດ້ສະໜັບສະໜູນ ງົບປະມານໃຫ້ກັບສຳນັກງານສາ ທາລະນະສຸກຈັງຫວັດມຸກດາຫານ ມອບໃຫ້ແກ່ໂຮງໝໍແຂວງສະ ຫວັນນະເຂດ ເພື່ອນຳໃຊ້ເຂົ້າໃນ ວຽກງານສະກັດກັ້ນ, ຕ້ານ ແລະ ຄວບຄຸມພະຍາດໂຄວິດ-19 ທີ່ກຳ ລັງແຜ່ລະບາດຢູ່ໃນຂະນະນີ້.ຂ່າວແຈ້ງໃຫ້ຮູ້ຕື່ມວ່າ: ໃນ ຕອນເຊົ້າຂອງວັນດຽວກັນ, ທ່ານ ອະທິປຣັດ ໂຣດຈະນະໄພບູນ ກົງ ສຸນໃຫຍ່ແຫ່ງຣາຊະອານາຈັກໄທ ປະຈຳແຂວງສະຫວັນນະເຂດໄດ້ ມອບອາຫານຈຳນວນ 490 ຊຸດ, ພ້ອມດ້ວຍຜ້າອັດປາກ-ດັງຈຳ ນວນ 2 ແກັດ, ລວມມູນຄ່າ 50.000 ບາດ ເພື່ອສະໜັບສະໜູນ ແລະໃຫ້ ກຳລັງໃຈແພດ-ໝໍທີ່ກຳລັງປະຕິ ບັດໜ້າທີ່ຢູ່ຕາມຈຸດຕ່າງໆ, ເຊິ່ງ ພິທີດັ່ງກ່າວ ໄດ້ຈັດຂຶ້ນຢູ່ໂຮງໝໍ ແຂວງສະຫວັນນະເຂດ ໂດຍການ ໃຫ້ກຽດຮັບຂອງທ່ານ ນາງ ຫຼິງ ທອງ ແສງຕາວັນ ຮອງເຈົ້າແຂວງ ສະຫວັນນະເຂດ.

ສຳນັກຂ່າວ Reuters ລາຍງານ: ປັດຈຸບັນຍອດຜູ້ຕິດເຊື້ອໂຄວິດ-19 ທົ່ວໂລກພຸ່ງສູງຂຶ້ນກາຍ 200 ລ້ານຄົນແລ້ວ ເນື່ອງຈາກການກະຈາຍເຊື້ອຢ່າງໄວວາຂອງສາຍພັນເດວຕ້າ ໄດ້ເຂົ້າຄຸກຄາມຫຼາຍປະເທດທີ່ມີອັດຕາການເຂົ້າເຖິງວັກຊີນຕ້ານໂຄວິດໃນລະດັບຕໍ່າ.

ອີງຕາມຜົນການວິເຄາະຂອງຣອຍເຕີໄດ້ລະບຸວ່າ: ປະຊາກອນໂລກປະມານ 2.6% ຕິດເຊື້ອໂຄວິດ-19 ນັບແຕ່ເລີ່ມມີການລະບາດຄັ້ງທຳອິດ ແຕ່ຕົວເລກທີ່ແທ້ຈິງນັ້ນອາດສູງກວ່າ ເນື່ອງຈາກການກວດຫາເຊື້ອດັ່ງກ່າວມີຈຳນວນຈຳກັດໃນຫຼາຍປະເທດ, ຂະນະທີ່ຍອດຜູ້ປ່ວຍທີ່ຕິດເຊື້ອໂຄວິດໃນຈຳນວນ 100 ຄົນນັ້ນ ຕ້ອງໃຊ້ເວລາໜຶ່ງປີກວ່າຈິ່ງເຖິງຈຳນວນດັ່ງກ່າວ, ແຕ່ຍ້ອນການລະບາດຂອງສາຍພັນເດລຕ້າ ເຮັດໃຫ້ຍອດຜູ້ປ່ວຍເພີ່ມ 100 ກວ່າລ້ານຄົນໃນເວລາພຽງເຄິ່ງປີເທົ່ານັ້ນ.

ສຳລັບປະເທດທີ່ມີການລາຍງານຜູ້ປ່ວຍໂຄວິດ-19 ຫຼາຍກວ່າໝູ່ໂດຍສະເລ່ຍໃນ 7 ວັນ ລວມມີ ສະຫະລັດອາເມລິກາ, ເບຣຊິນ, ອິນໂດເນເຊຍ, ອິນເດຍ, ແລະ ອີຫຼ່ານ ໂດຍກວມເອົາ 38 ເປີເຊັນຂອງຈຳນວນຜູ້ຕິດເຊື້ອທົ່ວໂລກທີ່ໄດ້ລາຍງານໃນແຕ່ລະວັນ.

ຢ່າງໃດກໍຕາມ, ຈຳນວນຜູ້ປ່ວຍທີ່ເພີ່ມຂຶ້ນໃນທົ່ວໂລກ ກຳລັງສະແດງໃຫ້ເຫັນເຖິງຊ່ອງວ່າງຂອງການເຂົ້າເຖິງວັກຊີນປ້ອງກັນໂຄວິດ-19 ລະຫວ່າງປະເທດທີ່ຮັ່ງມີກັບທຸກຍາກ, ຂະນະທີ່ປະເທດທຸກຍາກຫຼາຍແຫ່ງຍັັງບໍ່ມີການສີດວັກຊີນໃຫ້ກັບພົນລະເມືອງຂອງຕົນແມ່ນແຕ່ເຂັມດຽວ.

ກຳນົດ 6 ຈຸດຈອດເຮືອ ເຂັ້ມງວດເຝົ້າລະວັງການລັກລອບນຳເຂົ້າສິນຄ້າ ທີ່ສ່ຽງຕໍ່ພະຍາດໂຄວິດ-19

ຕາມການລາຍງານ ຂອງ ສະຫວັນພັດທະນາ ຂ່າວ: ວັນທີ 29 ກໍລະກົດນີ້, ຢູ່ທີ່ ສະໂມສອນຫ້ອງການບ້ານແກ້ງ ກະເບົາໃຕ້ ເມືອງໄຊບູລີ ແຂວງສະຫວັນນະເຂດ ໄດ້ຈັດກອງປະຊຸມ ປຶກສາຫາລືກ່ຽວກັບການກໍານົດ ຈຸດຈອດເຮືອປະເພດຕ່າງໆຕາມ ລໍາແມ່ນໍ້າຂອງ ໂດຍການໃຫ້ກຽດ ເປັນປະທານຂອງທ່ານ ອ່ອນລໍາ ພັນ ບົວສີແກ້ວ ເຈົ້າເມືອງໄຊບູລີ, ທ່ານ ສີວິໄລ ອິນທະລືໄຊ ຮອງ ເຈົ້າເມືອງ ພ້ອມຄະນະການນຳ ຂອງເມືອງ, ກອງຮ້ອຍ 323 ທະຫານຊາຍແດນ, ຫົວໜ້າ ປກຊ-ປກສ ກຸ່ມ, ອໍານາດການປົກຄອງ ບ້ານທີ່ຕິດກັບຊາຍແດນເຂົ້າຮ່ວມ.

ທ່ານ ວັນໄຊ ສີປັດໃຈ ຫົວ ໜ້າຫ້ອງການ ຍທຂ ເມືອງ ໄດ້ຜ່ານ ແຈ້ງການຂອງຫ້ອງວ່າການປົກຄອງແຂວງສະຫວັນນະເຂດ ເລື່ອງທິດຊີ້ນໍາກ່ຽວກັບການສືບຕໍ່ ຈັດຕັ້ງຜັນຂະຫຍາຍຄໍາສັ່ງຂອງ ທ່ານເຈົ້າແຂວງສະຫວັນນະເຂດ ເລກທີ 1060/ຈຂ.ສຂ ວ່າດ້ວຍ ການເພີ່ມທະວີຄວາມເຂັ້ມງວດ ໃນການຄຸ້ມຄອງການນໍາໃຊ້ເຮືອ ປະເພດຕ່າງໆຕາມລໍາແມ່ນໍ້າ ຂອງໃນນັ້ນໃຫ້ລົບລ້າງທ່າເຮືອ ຂອງບຸກຄົນທີ່ສ້າງຂຶ້ນເອງໂດຍບໍ່ ໄດ້ຮັບອະນຸຍາດຈາກທາງການ ໂດຍໃຫ້ນໍາໃຊ້ທ່າເຮືອທີ່ທາງການກໍານົດໃຫ້, ສະເພາະເມືອງໄຊບູລີ ໄດ້ກໍານົດທ່າຈອດເຮືອ ຄໍ 323 ລວມທັງໝົດຈຳນວນ 6 ຈຸດຄື:

• – ຈຸດທີ 1 ບ້ານສະຫວ່າງ-ຫີນນໍ້າ ອ້ອຍ ຊຶ່ງຈຸດເຕົ້າໂຮມ ແມ່ນຢູ່ບ້ານ ສະຫວ່າງໄລຍະ 300 ແມັດ, ຈໍານວນເຮືອ 60 ລໍາ

• – ຈຸດທີ 2 ບ້ານແກ້ງກະເບົາໃຕ້ ຈຸດເຕົ້າໂຮມ ແມ່ນແຕ່ຈຸດປ້ອມທະຫານຊາຍ ແດນແກ່ຍາວຂຶ້ນຮອດ ໂຮງງານ ປຸ໋ຍສະຫວັນ ໃນໄລຍະ 300 ແມັດ, ຈໍານວນເຮືອ 58 ລໍາ

• – ຈຸດທີ 3 ບ້ານສີວິໄລ-ສົມສະໜຸກຈຸດເຕົ້າໂຮມແມ່ນຂອບເຂດທ່າວັດແກ່ ຍາວລົງຫາສວນຢາງໄລຍະ 300 ແມັດ, ຈໍານວນເຮືອ 47 ລໍາ

-ຈຸດທີ 4 ບ້ານທ່າຄໍ້ຈຸດເຕົ້າໂຮມ ແມ່ນທ່າວັດໄລຍະ 300 ແມັດ, ຈໍານວນເຮືອ 46 ລໍາ

-ຈຸດທີ 5 ບ້ານບົວໄຂ-ນາສັງໄລຍະ 300 ແມັດ, ຈໍານວນເຮືອ 30 ລໍາ

-ຈຸດທີ 6 ບ້ານປາກເຊບັ້ງໄຟ ຈຸດເຕົ້າໂຮມແມ່ນແຕ່ຈຸດປ້ອມທະຫານຊາຍແດນ ແກ່ຍາວຂຶ້ນເທິງ ໄລຍະ 300 ແມັດ, ຈໍານວນເຮືອ 57 ລໍາ.

ຄຽງຄູ່ກັບການໂຄສະນາ ເຜີຍແຜ່ຄໍາສັ່ງຂອງທ່ານເຈົ້າ ແຂວງ ເລກທີ 1060/ຈຂ.ສຂ ແລ້ວ, ເຮືອແຕ່ລະລໍາແມ່ນໄດ້ອອກ ທະບຽນ ແລະຕິດປ້າຍໃຫ້ລະອຽດ ພ້ອມທັງຈະຕ້ອງມີການຈົດເຂົ້າ-ຈົດອອກເວລານໍາໃຊ້ເຮືອແຕ່ລະ ຄັ້ງຢູ່ໃນລະແຕ່ລະຈຸດທັງນີ້ກໍ່ ເພື່ອໃຫ້ຜູ້ນໍາໃຊ້ເຮືອປະເພດຕ່າງໆ ຕາມຊາຍແດນລຽບແມ່ນໍ້າຂອງ ໃຫ້ຮັບຮູ້ເຂົ້າໃຈເລິກເຊິ່ງ ແລະ ພ້ອມກັນຈັດຕັ້ງປະຕິບັດ, ຖ້າຫາກ ມີກໍລະນີ້ຝ່າຝືນ ຫຼືລະເມີດຄໍາສັ່ງ ໂດຍສະເພາະໃນກໍລະນີ້ນໍາໃຊ້ ເຮືອບັນທຸກສິນຄ້າທີ່ມີການລັກ ລອບນຳເຂົ້າສິນຄ້າທີ່ຜິດກົດໜາຍ ຈະປະຕິບັດລະບຽບດັ່ງນີ້:

• – ຄັ້ງທີ 1 ຈະຖືກສຶກສາອົບຮົມກ່າວເຕືອນ ແລະເຮັດບົດບັນທຶກ,
• – ຄັ້ງທີ 2 ປັບໃໝ 5 ລ້ານກີບ ພ້ອມທັງຢຶດສິນ ຄ້າ ແລະເຮືອ
• – ສ່ວນຄັ້ງທີ 3 ຈະປັບໃໝ 10 ລ້ານກີບ, ຢຶດສິນຄ້າ ແລະເຮືອພ້ອມທັງຖືກດໍາເນີນຄະ ດີຕາມລະບຽບກົດໝາຍ.

ໂອກາດນີ້, ທ່ານເຈົ້າເມືອງ ກໍ່ໄດ້ຮຽກຮ້ອງມາຍັງກໍາລັງປ້ອງກັນຊາດ-ປ້ອງກັນຄວາມສະຫງົບ ແລະກ້ອນກຳລັງທະຫານຊາຍ ແດນ, ອໍານາດການປົກຄອງບ້ານ ຕ້ອງນໍາເອົາກົດລະບຽບດັ່ງກ່າວ ໄປເຜີຍແຜ່ໃຫ້ກັບພໍ່ແມ່ປະຊາຊົນ ແລະຜູ້ປະກອບການ ກໍ່ຄືຜູ້ທີ່ນໍາ ໃຊ້ເຮືອ-ບັກປະເພດຕ່າງໆຕາມ ແມ່ນໍ້າຂອງໃຫ້ເຂົ້າໃຈ ແລະຮ່ວມ ແຮງຮ່ວມໃຈກັນປະຕິບັດໃຫ້ເຂັ້ມ ງວດ, ເປັນຫູເປັນຕາຊ່ວຍກັນ, ເປັນເຈົ້າການໃນວຽກງານການ ເຝົ້າລະວັງ, ສະກັດກັ້ນ ແລະຕ້ານ ການແຜ່ລະບາດຂອງພະຍາດໂຄ ວິດ-19 ເປັນຕົ້ນແມ່ນຫ້າມບໍ່ໃຫ້ມີ ການລັກລອບນໍາເຂົ້າອາຫານທະ ເລທີ່ແຊ່ແຂງ, ຊີ້ນສັດ ແລະອື່ນໆທີ່ ສ່ຽງຕໍ່ການຕິດພະຍາດ Covid-19.

ຫຼັງຈາກນັ້ນ, ທ່ານ ເຈົ້າ ເມືອງ ພ້ອມຄະນະ ກໍ່ໄດ້ລົງຕິດຕາມ ເບິ່ງ ແຕ່ລະຈຸດຈອດເຮືອ ພ້ອມທັງເນັ້ນ ໃຫ້ກ້ອນກໍາລັງຜັດປ່ຽນກັນເຝົ້າ ວຽນຍາມຢ່າງເຂັ້ມງວດ.