ລົດໄຟລາວຈີນ

ລົດໄຟ EMU ຂະບວນທີ 3 ມາຮອດນະຄອນຫຼວງວຽງຈັນແລ້ວ

ຕາມການລາຍງານ ຂອງ Laos - China Railway Company Limited ໃຫ້ຮູ້ວ່າ: ລົດໄຟ EMU ຂະບວນທີ 3 ໄດ້ເດີນທາງມາຮອດນະຄອນຫຼວງວຽງຈັນ ສປປ ລາວ ຢ່າງເປັນທາງການແລ້ວ ໃນເວລາ 8 ໂມງແລງ ຂອງວັນທີ 9 ເມສາ 2022 (ເດີນທາງມາຈາກນະຄອນຄຸນໝິງ ໃນວັນທີ 6 ເມສາ 2022). ພ້ອມດຽວກັນ, ລົດໄຟຂະບວນນີ້ຈະເລີ່ມໃຫ້ບໍລິການໃນຊ່ວງເທດສະການປີໃໝ່ລາວ ລະຫວ່າງວັນທີ 12-17 ເມສາ ນີ້. ລົດໄຟ EMU ຂະບວນທີ 3​ ຍັງເພີ່ມຊັ້ນ Business Class ເຊິ່ງແມ່ນຕູ້ລົດໄຟທີ່ໄດ້ຮັບການປັບປຸງໃໝ່ຫຼ້າສຸດ ຫຼັງຈາກທຳການປັບປຸງ ແລະ ຕິດຕັ້ງຢູ່ຈີນແລ້ວ, ເພື່ອຮອງຮັບຜູ້ໂດຍສານທີ່ຈະເດີນທາງ. ບ່ອນນັ່ງຜູ້ໂດຍສານຊັ້ນ Business Class ຂອງລົດໄຟ EMU ຂະບວນທີ 3 ແມ່ນເໝາະສຳລັບຜູ້ໂດຍສານທີ່ມີເງື່ອນໄຂ ແລະ ຕ້ອງການຄວາມພິເສດໃນການເດີນທາງ ດ້ວຍການຂະຫຍາຍບ່ອນນັ່ງໃຫ້ກວ້າງຂຶ້ນ, ມີຕັ່ງທີ່ສາມາດປັບໄດ້ຫຼາຍລະດັບ, ການຕົກແຕ່ງທີ່ພາຍໃນທີ່ມີລະດັບ ແລະ ການເພີ່ມຟັ່ງຊັ່ນຕ່າງໆເພື່ອອໍານວຍຄວາມສະດວກສະບາຍໃຫ້ແກ່ຜູ້ໂດຍສານ ພ້ອມການບໍລິການໜ້າປະທັບໃຈ. ລາຄາປີ້ຜູ້ໂດຍສານຊັ້ນ Business Class...

ສະຖານີວັງວຽງ ເລີ່ມໃຫ້ບໍລິການຂົນສົ່ງສິນຄ້າຂອງລົດໄຟລາວ-ຈີນ

ວັນທີ 13 ມັງກອນ 2022 ລາຍງານຈາກບໍລິສັດທາງລົດໄຟລາວ-ຈີນຈຳກັດ, ໃຫ້ຮູ້ວ່າ: ອີງຕາມຄວາມຮຽກຮ້ອງຕ້ອງການດ້ານການຂົນສົ່ງສິນຄ້າທີ່ນັບມື້ນັບເພີ່ມຂຶ້ນ, ເພື່ອໃຫ້ການບໍລິການດ້ານການຂົນສົ່ງສິນຄ້າດີຂຶ້ນ, ລົດໄຟລາວ-ຈີນຈິ່ງໄດ້ເປີດໃຫ້ບໍລິການຂົນສົ່ງສິນຄ້າສະຖານີວັງວຽງຂຶ້ນ, ເຊິ່ງຈະເລີ່ມໃຫ້ບໍລິການຢ່າງເປັນທາງການພາຍໃນອາທິດນີ້. ສະຖານີວັງວຽງ ຕັ້ງຢູ່ແຄມທາງຫຼວງເລກ 13 ເມືອງວັງວຽງ, ແຂວງວຽງຈັນ, ລຽບຕາມທາງດ່ວນ, ລານສິນຄ້າສະຖານີວັງວຽງ ຕົ້ນຕໍແມ່ນດຳເນີນທຸລະກຳສິນຄ້າຂາເຂົ້າ-ຂາອອກ, ລານສິນຄ້າມີເສັ້ນທາງຂົນສົ່ງສິນຄ້າ 2 ເສັັ້ນທາງ, ເສັ້ນທາງທີ 1 ສາມາດເຮັດວຽກໜຶ່ງເທື່ອໄດ້ 18 ຕູ້ສິນຄ້າ, ເສັ້ນທາງທີ 2 ສາມາດເຮັດວຽກໜຶ່ງເທື່ອໄດ້ 11 ຕູ້ສິນຄ້າ. ລານສະຖານີວັງວຽງທັງໝົດ ສາມາດບັນຈຸຕູ້ຄອນເທນເນີໄດ້ 420 ຕູ້. ຍ້ອນໄດ້ຮັບຜົນກະທົບຈາກການລະບາດຂອງພະຍາດໂຄວິດ-19,ໃນໄລຍະເປີດດຳເນີນການເບື້ອງຕົ້ນລົດໄຟລາວ-ຈີນ ຈິ່ງໄດ້ເປີດສະຖານີຂົນສົ່ງສິນຄ້າພຽງ 2 ແຫ່ງຄື: ສະຖານີຂົນສົ່ງສິນຄ້າວຽງຈັນໃຕ້ ແລະ ສະຖານີ ຂົນສົ່ງສິນຄ້ານາເຕີຍ. ພາຍຫຼັງທີ່ເປີດນຳໃຊ້ລານຂົນສົ່ງສິນຄ້າຢູ່ສະຖານີວັງວຽງແລ້ວ, ລົດໄຟລາວ-ຈີນກໍຈະມີຈຸດຂົນສົ່ງສິນຄ້າເພີ່ມຂຶ້ນເປັນ 3 ຈຸດ: ສະຖານີຂົນສົ່ງສິນຄ້າວຽງຈັນໃຕ້, ສະຖານີວັງວຽງ ແລະ ສະຖານີຂົນສົ່ງສິນຄ້ານາເຕີຍ (ສະຖານີບໍ່ເຕ່ນຖືວ່າເປັນດ່ານພາສີ, ດັ່ງນັ້ນ, ຈຶ່ງບໍ່ມີການດຳເນີນທຸລະກຳການຂົນສົ່ງສິນຄ້າ). ກ່ອນຈະດໍາເນີນທຸລະການຂົນສົ່ງສິນຄ້າ, ເຈົ້າຂອງສິນຄ້າຕ້ອງເຊັນ “ສັນຍາການຈ່າຍຄ່າຂົນສົ່ງທາງລົດໄຟລ່ວງໜ້າ”, “ສັນຍາຄວາມປອດໄພການຂົນສົ່ງຕູ້ສິນຄ້າ” ແລະ “ສັນຍານຳໃຊ້ຕູ້ສິນຄ້າເຂົ້າ-ອອກສະຖານີສິນຄ້າ” ກັບບໍລິສັດທາງລົດໄຟລາວ-ຈີນ ແລະ ຕ້ອງໂອນເງິນມັດຈຳ ແລະ ຈ່າຍເງິນລ່ວງໜ້າເຂົ້າບັນຊີທີ່ກຳນົດໄວ້, ຫຼັງຈາກໄດ້ຮັບເງິນມັດຈໍາ...

ການບໍລິການຂົນສົ່ງໂລຈີສຕິກ ຈະປະກອບສ່ວນໃນການຂັບເຄື່ອນເສດຖະກິດຂອງ ສປປ ລາວ ໃຫ້ຈະເລີນເຕີບໂຕໄວຂຶ້ນ

ເມື່ອກ່ອນຂົນສົ່ງສິນຄ້າຈາກ ສປປ ລາວ ໄປຜ່ານທ່າເຮືອແຫລມສະບັງ ຢູ່ ປະເທດໄທ, ອອກຈາກໄທ ອ້ອມແຫລມມາລາກາ ໄປ ສປ ຈີນ ເຊິ່ງໃຊ້ເວລາໃນການຂົນສົ່ງ 30 ມື້, ແຕ່ມາຮອດປັດຈຸບັນ ເຮົາຂຶ້ນສິນຄ້າຢູ່ນະຄອນຫລວງວຽງຈັນຮອດຄຸນໝິງ, ສປ ຈີນ ໃຊ້ເວລາພຽງແຕ່ມື້ດຽວ. ໃນວັນທີ 31 ທັນວາ 2021 ຜ່ານມາ, ທີ່ສະຖານີໂທລະພາບແຫ່ງຊາດລາວ, ທ່ານ ຈັນທອນ ສິດ ທິໄຊ ປະທານບໍລິສັດ ວຽງຈັນໂລຈີສຕິກ ພາກ ຈຳກັດ ໄດ້ໃຫ້ສຳພາດຜ່ານລາຍການຮອບເມືອງເລື່ອງການພັດທະນາ ຜ່ານທາງໂທລະພາບແຫ່ງຊາດລາວຊ່ອງ 3 ວ່າ: ວຽງຈັນໂລຈີສຕິກ ພາກ (ດ່ານສາກົນສິນຄ້າທ່າບົກທ່ານາແລ້ງ) ເປັນໜຶ່ງສ່ວນຂອງໂຄງການໃຫຍ່ ລາວໂລຈິສຕິກລິ້ງ ໂດຍຖືເອົາຍຸດທະສາດຂອງລັດຖະບານ ວ່າດ້ວຍການຫັນຈາກ ປະເທດລາວທີ່ບໍ່ມີທາງອອກສູ່ທະເລ ເປັນປະເທດເຊື່ອມໂຍງເຊື່ອມຈອດ ດ້ານການຂົນສົ່ງການຄ້າ ແລະ ການບໍລິການດ້ານການຄ້າຜ່ານແດນຕ່າງໆ ທີ່ມີຄວາມສຳຄັນໃນການອຳນວຍຄວາມສະດວກ ໃຫ້ແກ່ການລຳລຽງຂົນສົ່ງ ຕາມຍຸດທະສາດການພັດທະນາໂລຈີສຕິກຂົນ ສົ່ງສິນຄ້າຂອງລາວ ໃຫ້ມີຄວາມສະດວກວ່ອງໄວ, ປອດໄພ, ທັນສະໄໝ, ຍືນຍົງ ເປັນມິດຕໍ່ສິ່ງແວດລ້ອມ ເພີ່ມຄວາມສາມາດເຊື່ອມໂຍງເຊື່ອມຈອດ ກັບພາກພື້ນ ແລະ ສາກົນ. ທ່ານ ຈັນທອນ ສິດທິໄຊ ໄດ້ໃຫ້ຮູ້ວ່າ:...

ບໍລິການ 23 ປີ ໂຄງການທາງລົດໄຟລາວ-ຈີນ ຈິ່ງຈະເລີ່ມມີຜົນກໍາໄລ

ໃຫ້ບໍລິການ 23 ປີ ໂຄງການທາງລົດໄຟລາວ-ຈີນ ເລີ່ມຈະມີຜົນກໍາໄລ ໂຄງການທາງລົດໄຟຄວາມໄວສູງລາວ-ຈີນ ເປັນໂຄງການທີມີມູນຄ່າການລົງທຶນສູງ ເຊິ່ງການເກັບກູ້ທຶນຄືນ ໃນບົດວິພາກເສດຖະກິດ ໄດ້ລະບຸວ່າ ຮອດປີທີ 23 ຂອງການດໍາເນີນງານ ຈຶ່ງສາມາດຮອດຈຸດກຸ້ມທຶນ ໝາຍຄວາມວ່າ ຈາກປີທີ 23 ໄປ ໂຄງການດັ່ງກ່າວຈຶ່ງຈະມີກໍາໄລ, ເມື່ອໝົດອາຍຸສຳປະທານ 50 ປີ ແລ້ວ ຊັບສິນທັງໝົດຕ້ອງໄດ້ສົ່ງມອບໃຫ້ລັດຖະບານ. ທ່ານ ອຸຕະແກ້ວ ແກ້ວດວງສິນ ຫົວໜ້າກົມສົ່ງເສີມການລົງທຶນ ກະຊວງແຜນການ ແລະ ການລົງທຶນ ໃຫ້ສໍາພາດຕໍ່ສື່ມວນຊົນ ຕອນບ່າຍ ວັນທີ 23 ທັນວາ 2021 ວ່າ: ການລົງທຶນໃສ່ໂຄງການທາງລົດໄຟ ລາວ-ຈີນ ແມ່ນຄຸ້ມຄ່າທີ່ສຸດເມື່ອເບິ່ງຜົນປະໂຫຍດທີ່ໄດ້ຮັບ ໂດຍສະເພາະບາງຂໍ້ມູນສໍາຄັນໃນສັນຍາສຳປະທານຂອງໂຄງການທາງລົດໄຟ ລາວ-ຈີນ ຫຼື ສັນຍາທີ່ມີຊື່ເຕັມໆ ວ່າ: “ສັນຍາສຳປະທານ ການອອກແບບ-ກໍ່ສ້າງ-ລະດົມທຶນ-ດໍາເນີນກິດຈະການ ແລະ ບໍາລຸງຮັກສາທາງລົດໄຟ ບໍ່ເຕ່ນ-ນະຄອນຫຼວງວຽງຈັນ” ເຊິ່ງໄດ້ເຊັນສັນຍາໃນປີ 2016 ລະຫວ່າງ ລັດຖະບານລາວ ຕາງໜ້າໂດຍ ກະຊວງແຜນການ ແລະ ການລົງທຶນ ກັບ ບໍລິສັດ ທາງລົດໄຟ ລາວ-ຈີນ ທີ່ໄດ້ສ້າງຕັ້ງຂຶ້ນ ພາຍໃຕ້ກົດໝາຍຂອງ...

ມາຮູ້ຈັກກັບຜົນປະໂຫຍດແທ້ຈິງ ຈາກທາງລົດໄຟລາວ-ຈີນ

ເສັ້ນທາງລົດໄຟລາວ-ຈີນ ທີ່ມີກຳນົດເປີດໃຫ້ນໍາໃຊ້ໃນເດືຶອນທັນວານີ້ໄດ້ກາຍເປັນຫົວຂໍ້ສົນ ທະນາຢ່າງຮ້ອນແຮງໃນວົງການສື່ມ່ວນຊົນທັງພາຍໃນ ແລະ ຕ່າງປະເທດ ກໍ່ຄືສື່ສັງຄົມອອນລາຍໃນໄລຍະສອງສາມອາທິດທີ່ຜ່ານມາ. ໃນເວທີດັ່ງກ່າວ, ປະຊາຊົນຈໍານວນຫຼວງຫຼາຍໄດ້ສະແດງຄວາມຊົມເຊີຍຕໍ່ຄວາມສາມາດຂອງລາວ ແລະ ຈີນໃນການຂັບເຄືຶຶ່ອນໂຄງການລົງທຶນຂະໜາດໃຫຍ່ນີ້ຈົນຮອດຂັ້ນຕອນສຸດທ້າຍ, ໃນເວລາດຽວກັນກໍ່ມີຄົນຈຳນວນໜຶ່ງສະແດງຄວາມເປັນຫ່ວງກ່ຽວກັບໜີ້ສາທາລະນະຂອງລາວທີ່ເພີ່ມຂຶ້ນຍ້ອນໂຄງການດັ່ງກ່າວ. ໃນຖານະທີ່ຂ້າພະເຈົ້າເປັນໜຶ່ງ ໃນທີມງານເຈົ້າໜ້າ ທີ່ລາວທີ່ໄດ້ຮັບແຕ່ງຕັ້ງ ຈາກທ່ານຮອງນາຍົກລັດ ຖະມົນຕີ ໃຫ້ປະກອບສ່ວນເຂົ້້າໃນການສ້າງສັນຍາແມ່ຂອງໂຄງການທາງລົດໄຟສາຍນີ້ມາຕັ້ງແຕ່ຕົ້ນ, ຂ້າພະເຈົ້າຢາກສະໜອງຂໍ້ມູນບາງຢ່າງກ່ຽວກັບໂຄງການນີ້ ແລະ ເປີດເຜີຍຈຳນວນເງິນທີ່ລັດຖະບານໄດ້ກູ້ຢືມຈາກຈີນເພື່ອມາລົງທຶນໂຄງການນີ້. ຈາກນັ້ນ, ຂ້າພະເຈົ້າຈະສະແດງທັດສະນະສ່ວນຕົວຂອງຂ້າພະເຈົ້າກ່ຽວກັບຜົນປະໂຫຍດ ທີ່ລາວຈະໄດ້ຮັບຈາກໂຄງການຮ່ວມມືລາວ-ຈີນ ນີ້, ໂດຍສະເພາະ ກ່ຽວກັບຄວາມເປັນໄປໄດ້ທີ່ປະເທດລາວ ທີ່ຕົກຢູ່ໃນກັບດັກໜີ້ສິນຂອງຈີນທີ່ຫຼາຍຄົນເປັນຫ່ວງ, ແຕ່ເພື່ອຕອບບັນດາຄຳຖາມ ແລະ ຂໍ້ຂ້ອງໃຈຂ້າງເທິງນັ້ນ, ກ່ອນອື່ນໝົດຂ້າພະເຈົ້າຈະແຈ້ງໃຫ້ເຫັນຈຸດປະສົງຂອງໂຄງການ, ຈາກນັ້ນຈະເວົ້າເຖິງຮູບແບບການລົງທຶນ ກ່ອນທີ່ຈະສະຫຼຸບຜົນປະ ໂຫຍດຂອງໂຄງການວ່າມີຫຍັງແດ່. ຈຸດປະສົງໂຄງການ:ເສັ້ນທາງລົດໄຟລາວ-ຈີນແມ່ນສ່ວນໜຶ່ງຂອງຂໍ້ລິເລີ່ມ Hardware ຂອງ ໂຄງການໜຶ່ງແລວໜຶ່ງເສັ້ນທາງ Road and Belt ຂອງຈີນ, ເຊິ່ງມີຈຸດປະສົງເພື່ອເພີ່ມທະວີການຮ່ວມມືດ້ານການຄ້າ ແລະ ການທ່ອງທ່ຽວລະຫວ່າງຈີນແລະປະເທດອື່ນໆໃນໂລກ. ທາງລົດໄຟລາວ-ຈີນແມ່ນສ່ວນໜຶ່ງຂອງທາງລົດໄຟສິງກະໂປ-ຄຸນໝິງທີ່ໄດ້ຮັບການຮັບຮອງຈາກຜູ້ນຳອາຊຽນໃນກອງປະຊຸມສຸດຍອດອາຊຽນໃນປີ 2011 ຕາມຄຳແນະນຳຂອງກອງປະຊຸມລັດ ຖະມົນຕີຂົນສົ່ງອາຊຽນໃນເວລານັ້ນ. ເພືຶ່ອເປັນສ່ວນໜຶ່ງຂອງຄວາມພະຍາຍາມໃນການຈັດຕັ້ງປະຕິບັດຂໍ້ລິເລີ່ມອາຊຽນ, ລັດຖະ ບານລາວ ແລະ ຈີນໄດ້ຕົກລົງຮ່ວມມືກັນກໍ່ສ້າງທາງລົດໄຟທີ່ມີຄວາມຍາວ ປະມານ 422.4 ກິໂລແມັດ ເຊິ່ງເລີ່ມຈາກຊາຍແດນຈີນໃນເມືອງບໍ່ເຕນ ສະຖານນີຂົນສົ່ງສິນຄ້າ ທ່ານາແລ້ງ ໃນນະຄອນຫຼວງວຽງຈັນ. ມາຮອດປະຈຸບັນປະມານ 99 ສ່ວນຮ້ອຍຂອງວຽກງານພື້ນຖານໄດ້ສໍາເລັດແລ້ວ. ພາຍຫຼັງສໍາເລັດແລ້ວເສັ້ນທາງສາຍນີ້ຈະເຊື່ອມຕໍ່ກັບທາງລົດໄຟຂອງປະເທດໄທທີ່ຖືກກຳນົດຈະສ້າງຈາກຈັ່ງຫວັດໜອງຄາຍຫາບາງກອກປະເທດ, ຕໍ່ໄປຍັງປະເທດມາເລເຊຍ ແລະ ສິງກະໂປ. ເສັ້ນທາງລົດໄຟລາວ-ຈີນໄດ້ຖືກສ້າງຂຶ້ນໃນຮູບແບບການລົງທຶນລະຫວ່າງພາກລັດ-ເອກະຊົນ...
All countries
526,816,831
Total confirmed cases
Updated on May 21, 2022 11:57
Italy
17,205,017
Total confirmed cases
Updated on May 21, 2022 11:57
Spain
12,238,073
Total confirmed cases
Updated on May 21, 2022 11:57
Iran
7,229,741
Total confirmed cases
Updated on May 21, 2022 11:57
Germany
26,053,934
Total confirmed cases
Updated on May 21, 2022 11:57

Frequently Asked Questions

spot_img