ວັນທີ 1 ຕຸລາ 2020 ນີ້ ກອງພັນນ້ອຍ 419 ທີ່ຂຶ້ນກັບກອງບັນຊາການທະຫານ ແຂວງບໍ່ແກ້ວ ໄດ້ຈັດກິດຈະກຳ ສ້າງຂະບວນການອອກແຮງງານລວມ ເພື່ອຂໍ່ານັບຮັບຕ້ອນກອງປະຊຸມໃຫຍ່ຜູ້ແທນຂອງອົງຄະນະພັກ ແຂວງ ບໍ່ແກ້ວ ຄັ້ງທີ VI ໂດຍ ການເຂົ້າຮ່ວມຂອງ ສະຫາຍ ພັນໂທ ວຽງແກ້ວ ໄຊຍະສານ ເລຂາຄະນະພັກຮາກຖານ ຫົວໜ້າການເມືອງກອງພັນນ້ອຍ 419 ມີຄະນະພັກ-ຄະນະບັນຊາ, ພະນັກງານ-ນັກຮົບທົ່ວກອງພັນເຂົ້າຮ່ວມ.

ສະຫາຍ ພັນໂທ ວຽງແກ້ວ ໄຊຍະສານ ໄດ້ໃຫ້ຮູ້ວ່າ: ໂດຍອີງຕາມທິດຊີ້ນຳຂອງຄະນະພັກ-ຄະນະບັນຊາກອງບັນຊາການ ກ່ຽວກັບການຈັດຕັ້ງສ້າງຂະບວນການດ້ານຕ່າງໆເພື່ອຂໍ່າ ນັບຮັບຕ້ອນ ກອງປະຊຸມໃຫຍ່ຂອງອົງຄະນະພັກແຂວງຄັ້ງທີ VI ໃຫ້ມີບັນຍາກາດຟົດຟື້ນກວ້າງຂວາງຕໍ່ເນື່ອງ.

ພື້ນທີ່ໂຄສະນາ

ດັ່ງນັ້ນທາງກອງພັນນ້ອຍ 419 ຂອງພວກເຮົາຈຶ່ງໄດ້ສ້າງຂະບວນການອອກແຮງງານລວມ ໃນຄັ້ງນີ້ ທັງເປັນການເພີ່ມທະວີຄວາມສາມັກຄີພາຍໃນກົມກອງ, ຮັບປະກັນໄດ້ຄວາມສະຫງົບ, ປອດໄພ ແລະ ສະອາດຈົບງາມດີທຸກປະການ ພ້ອມທັງເປັນ ການທຳລາຍແລ່ງອາໄສຂອງຍຸງລາຍ ເພື່ອເປັນການປ້ອງກັນ ພະຍາດໄຂ້ເລືອດອອກອີກດ້ວຍ.

ໂດຍ: ສົມສັກ ໄຊຍະຄາມ.

LEAVE A REPLY

Please enter your comment!
Please enter your name here