ນັກຮຽນຈາກ ໂຮງຮຽນຕີກ໊ອບ ອີໂພ່ ນະຄອນໂຊອຸນ ເກົາຫຼີໃຕ້ (Ipo High School in Seoul) ມາທັດສະນະສຶກສາ ແລະ ຈັດກິດຈະກຳທ່ອງທ່ຽວສີຂຽວຢູ່ລາວ.
![](https://tholakhong.com/wp-content/uploads/2022/01/berbre.png)
ຕາງໜ້າໂຮງຮຽນຟ້າສີຄາມຕ້ອນຮັບຄະນະໂດຍທ່ານ ນາງ ບຸນເຫຼືອ ພົມມະທັດ ປະທານ ກຸ່ມໂຮງຮຽນຟ້າສີຄາມ, ທ່ານ ກິມແດຊອງ ຫົວໜ້າຝ່າຍກິດຈະກຳໂຮງຮຽນຟ້າສີຄາມ ໂດຍຜ່ານບໍລິສັດ ແຟມມິລີ່ ທົວ (Family Tour) ເຊິ່ງມີນັກຮຽນທັງໝົດ 17 ຄົນ ຈາກໂຮງຮຽນຕີກ໊ອບ ອີໂພ່ ພ້ອມດ້ວຍຄູສອນອີກ 6 ຄົນ.
![](https://tholakhong.com/wp-content/uploads/2022/01/Screen-Shot-2022-01-11-at-11.08.01.png)
ນຳໂດຍ ທ່ານ ນາງຊີນ ຊື່ ລີ້ ພ້ອມໃຫ້ສຳພາດວ່າ: ສຳລັບການເຂົ້າມາຂອງນັກຮຽນ ພ້ອມດ້ວຍຄູສອນ ໃນຄັ້ງນີ້ ແມ່ນເປັນການມາເຝິກຊ້ອມ ແລະ ຈັດກິດຈະກຳຊ້ອມຕີກ໊ອບ ໂດຍເລີ່ມເຂົ້າມາເຖິງລາວ ກໍຄືວັນທີ 10 ມັງກອນ ຈົນເຖິງ 20 ກຸມພາ 2022 ແລະ ກິດຈະກຳດັ່ງກ່າວເປັນກິດຈະກຳ ທີ່ລັດຖະບານລາວສົ່ງເສີມການທ່ອງທ່ຽວສີຂຽວໃນໄລຍະທຳອິດ ຂອງການເປີດຮັກນັກທ່ອງທ່ຽວເຂົ້າມາທ່ອງທ່ຽວລາວ, ເຊິ່ງມີນະຄອນຫຼວງວຽງຈັນ, ແຂວງວຽງຈັນ ແລະ ແຂວງຫຼວງພະບາງ ແລະ ຖ້າມີໂອກາດຢາກຈະພານັກຮຽນໄປທ່ອງທ່ຽວຕາມສະຖານທີ່ທ່ອງທ່ຽວປະຫວັດສາດວັດທະນະທຳ ແລະ ທຳມະຊາດຕື່ມອີກ.
ພາຍຫຼັງອອກຈາກສະໜາມບິນຄະນະຄູສອນພ້ອມດ້ວຍນັກຮຽນແມ່ນໄດ້ເດີນທາງໄປໂຮງແຮມບູຍ້ອງ ໂດຍມີໂຮງຮຽນຟ້າສີຄາມຕ້ອນຮັບ ເຊິ່ງເປັນໂຮງຮຽນແຫກສ່ຽວກັບໂຮງຮຽນຕີກ໊ອບ ອີໂພ່ ເກົາຫຼີໃຕ້.
ພະນັກງານທ່ອງທ່ຽວຈະຮັບຜິດຊອບໃນການຮັບ ແລະ ກວດກາແຂກຢູ່ໂຮງແຮມ. ນັກທ່ອງທ່ຽວທຸກຄົນຕ້ອງໄດ້ສັກຢາກັນພະຍາດຢ່າງຄົບຖ້ວນ ແລະຈະຖືກກວດຫາໂຄວິດເມື່ອມາຮອດປະເທດລາວ.
ແຫຼ່ງຂ່າວ ແລະ ຮູບພາບ: Vte9